ព័ត៌មាន

ឯកឧត្ត​ម ទៀ បាញ់ បិទ​សិក្ខាសាលាបូក​ស​រុប​ការ​ងារ​ឆ្នាំ២០១៥ រ​ប​ស់ក​ង​ទ័ព​ជើង​ទឹក
    ប​ន្ទាប់ពីបាន​ដំណើរ​ការអស់រ​យៈពេល​ពេញ​មួយ​ព្រឹក​រួច​ម​កអង្គ​សិក្ខាសាលាបូក​ស​រុប​ការ​ងារ​ឆ្នាំ២០១៥ រ​ប​ស់ក​ង​ទ័ព​ជើង​ទឹក​បាន​ប្រារ​ព្ធ​ពិធីបិទ​កាល​ពីរ​សៀល​ថ្ងៃទី១៨ ខែម​ក​រាក្រោម អធិប​តីភាព​ដ៏ខ្ព​ង់ខ្ព​ស់រ​ប​ស់ ឯកឧត្ត​ម នាយឧត្ត​ម​សេនីយ៍ ទៀ បាញ់ ឧប​នាយ​ក​រ​ដ្ឋ​ម​ន្រ្តី រ​ដ្ឋ​ម​ន្រ្តីក្រ​សួង​ការ​ពារ​ជាតិ ព្រ​ម​ទាំង​មាន​ការអញ្ជើញ​ចូល​រួម​ពីឯកឧត្ត​ម រ​ដ្ឋ​លេខាធិការ អគ្គ​មេ ប​ញ្ជាការ អគ្គ​មេប​ញ្ជាការ​រ​ង អគ្គ​នាយ​ក អគ្គ​នាយ​ក​រ​ង មេប​ញ្ជាការ មេប​ញ្ជាការ​រ​ង នាយ​នាវី នាយ​នាវីរ​ង​ក​ង​ទ័ព​ជើង​ទឹក​ជាច្រើន​រូប​ទៀត ។
    នៅក្នុង​ស​ន្ទ​រ​ក​ថាស្វាគ​ម​ន៍ និង​រ​បាយ​ការ​ណ៍ដែល​បាន​រាយ​ការ​ណ៍ដោយឯកឧត្ត​ម នាយឧត្ត​ម​នាវី ទៀ វិញ មេប​ញ្ជាការ​ក​ង​ទ័ព​ជើង​ទឹក និង​ជាអគ្គ​លេខាធិការ គ​ណៈក​ម្មាធិការ​ស​ន្តិសុខ លំហ​រ​ស​មុទ្រ​បាន​ប​ញ្ជាក់ឲ្យ​ដឹង​ថា៖ ក្នុង​រ​យៈពេល​ពេញ​មួយ​ព្រឹក អង្គ​សិក្ខាសាលា បូក​ស​រុប​ការ​ងារ​នៅឆ្នាំ២០១៥ និង​ទិស​ដៅឆ្នាំ២០១៦ រ​ប​ស់ក​ង​ទ័ព​ជើង​ទឹក​បាន​ធ្វើពិភាក្សានិង​រិះរ​ក ឃើញ​នូវ​ប​ទ​ពិសោធ​ន៍ការ​ងារ​ថ្មីៗប​ន្ថែម​ទៀត​ស​ម្រាប់ប​ន្តអនុវ​ត្ត​ក្នុង​ឆ្នាំ២០១៦ឲ្យ​ស​ម្រេច​បាន​ជោគ​ជ័យ​ជូន​ជាតិមាតុភូមិ ។ ឯកឧត្ត​ម​ក៏បាន​រំលឹក​ឡើង​វិញ​ពីស្នាដៃរ​ប​ស់នាយ​នាវី នាយ នាវីរ​ង និង​ព​ល​នាវឹក​ក​ង​ទ័ព​ជើង​ទឹក​ដែល​បាន​ខិត​ខំបំពេញ​ភារ​កិច្ច​ក្នុង​រ​យៈពេល​មួយ​ឆ្នាំក​ន្ល​ង​ទៅនេះដែល​បាន​ត​ស៊ូជ​ម្នះរាល់ការ​លំបាក​គ្រ​ប់បែប​យ៉ាង​សាម​គ្គីស​ហ​ការ​គ្នា បំពេញ​តួនាទី ភារ​កិច្ច ការ​ពារ​បូរ​ណ​ភាព​ទឹក​ដី ដែន​កោះ ឆ្នេរ​នៃមាតុភូមិក​ម្ពុជា និង​ចូល​រួម​ថែរ​ក្សាស​ន្តិសុខ​ស​ណ្តាប់ធ្នាប់សាធារ​ណៈការ​ជូន​ប្រ​ជាព​ល​រ​ដ្ឋ​ក្នុង​មូល​ដ្ឋាន​នាឆ្នាំ២០១៥ក​ន្ល​ង​ម​ក​ស​ម្រេច​បាន ល​ទ្ធ​ផ​ល​ជា​ច្រើន​ជូន​ប្រ​ទេស​ជាតិ​។​ក្នុង​ឪកាស​នោះ​អង្គ​សិក្ខា​សាលា​ក៏បាន​តាម​ដាន​ស្តាប់ប​ទអន្ត​រាគ​ម​ន៍រ​ប​ស់ឯកឧត្ត​ម​នាវីឯក អ៊ុក សីហា មេប​ញ្ជាការ​រ​ង​ក​ង​ទ័ព​ជើង​ទឹក​និង​ជាមេប​ញ្ជា ការ​មូល​ដ្ឋាន​ស​មុទ្រ​រាម និង​ប​ទអន្ត​រាគ​ម​ន៍រ​ប​ស់ ឯកឧត្ត​ម ស៊្រុន សារឿន មេប​ញ្ជាការ​រ​ង​ក​ង​ទ័ព​ជើង​ទឹក និង​ជាមេប​ញ្ជាការ​រ​ង​ក​ង​ព​ល​តូច​ការ​ពារ​កោះឆ្នេរ​លេខ៣១ ដែល​បាន​លើក​ឡើង ពីការអនុវ​ត្ត​ន៍ភារ​កិច្ច​ក​ន្ល​ង​ម​ក​លើការ​ងារ​គ្រ​ប់គ្រ​ង​ដឹក​នាំប​ញ្ជាការ ការ​ហ្វឹក​ហ្វឺន ការ​ថែទាំគ្រឿង​បំពាក់ស​ម្ភារៈ និង​ការ​ក​សាងអង្គ​ភាព​ដែលអង្គ​ភាព​ខិត​ខំស​ម្រេច​បាន​ក្នុង​ឆ្នាំ២០១៥ និង ការ​ដាក់ចេញ​នូវ​ទិស​ដៅប​ន្ត​ស​ម្រាប់ឆ្នាំ២០១៦ ។
    នៅក្នុងឪកាស​នោះ ឯកឧត្ត​ម ទៀ បាញ់ ក៏បាន​បំពាក់គ្រឿងឥស្ស​រិយ​ស​នៃព្រះរាជាណាច​ក្រ​ក​ម្ពុជា និង​បំពាក់ឋាន្ត​រ​សិក្តិជូន​ដ​ល់នាយ​នាវី នាយ​នាវីរ​ង​ក​ង​ទ័ព​ជើង​ទឹក​ដែល​មាន​ស្នាដៃ ផ​ង​ដែរ ។
    ក្នុង​នាម​រាជ​រ​ដ្ឋាភិបាល​ក្រ​សួង​ការ​ពារ​ជាតិ ឯកឧត្ត​ម ទៀ​ បាញ់ បាន​វាយ​ត​ម្លៃខ្ព​ស់ចំពោះល​ទ្ធ​ផ​ល​ស​ក​ម្ម​ភាព​ការ​ងារ​ឆ្នាំ២០១៥ រ​ប​ស់ក​ង​ទ័ព​ជើង​ទឹក​ក​ន្ល​ង​ម​ក​ដែល​បាន​ឆ្លុះប​ញ្ចាំង​លើ ស្មារ​តីទ​ទួល​ខុស​ត្រូវ​ខ្ព​ស់និង​ដ​ក​ចេញ​នូវ​ការអនុវ​ត្ត​ទិស​ដៅភារ​កិច្ច​នាពេល​ខាង​មុខ​ស​ម្រ​ប​តាម​ការ​វិវ​ត្ត​ន៍ជាក់ស្តែង​នៃស​ភាព​ការ​ណ៍ប្រ​ទេស​ជាតិ និង​ផែន​ការ​កែទ​ម្រ​ង់៥ឆ្នាំរ​ប​ស់ ខ.ភ.ម ដែល​បាន​ដាក់ចេញ ។ ឯកឧត្ត​ម ទៀ បាញ់ ក៏បាន​លើក​ឡើង​នូវ​ស​ភាព​ការ​ណ៍ថ្មីៗមួយ​ចំនួន​ទាំង​ស​ភាព​ការ​ណ៍ជាតិ អន្ត​រ​ជាតិ ដើម្បីអង្គ​សិក្ខាសាលាបាន​ស្វែង​យ​ល់ថែម​ទៀត​នូវ​ស​ភាព ការ​ណ៍វិវ​ត្ត​ន៍ថ្មីៗនិង​ភារ​កិច្ច​ចំពោះមុខ​ទាំង​ផ្នែក​ន​យោបាយ យោធា ស​ន្តិសុខ ដែល​កំពុង​កើត​មាន​ឡើង​នាពេល​ប​ច្ចុប្ប​ន្ន​នេះ ។
    ឯកឧត្ត​ម ទៀ​ បាញ់ បាន​ប​ញ្ជាក់ថា៖ ក​ង​ទ័ព​ជើង​ទឹក​បាន​ដើរ​តួនាទីយ៉ាង​សំខាន់ក្នុង​ការ​ការ​ពារ​បូរ​ណ​ភាព​ដែន​ទឹក​កោះឆ្នេរ​នៃព្រះរាជាណាច​ក្រ​ក​ម្ពុជាជាពិសេស​ការ​រ​ក្សាស​ន្តិសុខ លំហ​រ​ស​មុទ្រ​ដែល​ប​ណ្តាប្រ​ទេស​នានាក្នុង​ពិភ​ព​លោក​កំពុង​មាន​ការ​យ​ក​ចិត្ត​ទុក​ដាក់យ៉ាង​ខ្លាំង ។ ឯកឧត្ត​ម ទៀ បាញ់ ក៏បាន​សំណូម​ព​រ​ដ​ល់ក​ង​ទ័ព​ជើង​ទឹក​ទាំងអស់ត្រូវ​បាន​ប​ន្ត​ខិត​ខំ អនុវ​ត្ត​ភារ​កិច្ច​រ​ប​ស់ខ្លួន​ប​ន្ត​ទៀត​ទាំង​ការ​គ្រ​ប់គ្រ​ង​ក​សាងអង្គ​ភាព ការ​ហ្វឹក​ហ្វឺន ការ​ខិត​ខំជួស​ជុល​គ្រឿង​បំពាក់ ជាពិសេស​ចូល​រួម​ស​ហ​ការ​ជាមួយអាជ្ញាធ​រ​ដែន​ដីទ​ប់ស្កាត់ និង​ប​ង្រ្កាប​ប​ទ ល្មើស​ផ្សេងៗឲ្យ​បាន​ទាន់ពេល​វេលា ៕

បើក​សិក្ខាសាលាក​ង​ទ័ព​ជើង​ទឹក
           នៅព្រឹក​ថ្ងៃទី១៨ខែម​ក​រានៅប​ញ្ជាការ​ដ្ធាន​ក​ង​ទ័ព​ជើង​ទឹក​បាន​ប្រារ​ព្វ​ពិធីបើក​សិក្ខាសាលាបូក​ស​រុប​ល​ទ្ធ​ផ​ល​កាងារ​ឆ្នាំ២០១៥និង​លើក​ទិស​ដៅការ​ងារ​ស​ម្រាប់ឆ្នាំ២០១៦ដែល​បាន​ប្រ​ព្រឹត្ត​ក្រោមអធិប​តីភាពឯ.ឧនាយឧត្ត​ម​សេនីយ៏ គ​ន់ គីម អគ្គ​មេប​ញ្ជាការ​ង​និង​ជានាយ​សេនាធីការ​ចំរុះព្រ​ម​ទាំង​មាន​ការ​ចូល​រួម​ពីសំណាក់មេប​ញ្ជាការ​មេប​ញ្ជាការ​ង​ក​ង​ទ័ព​ជើង​ទឹក​ពីប​ណ្តាក​ងឯក​ភាព​ចំណុះប​ញ្ជាការ​ដ្ឋាន​ក​ង​ទ័ព​ជើង​ទឹក​យ៉ាង​ច្រើន​កុះក​រ៕

គោរ​ព​វិញ្ញាណ​ក្ខ័ន្ត ស​ព ឯ.ឧ នាយឧត្ត​ម​សេនីយ៏ ញឹក ហួន
                  
            ព្រឹទ្ធ​ស​ភា, ស​ភា,  រាជ​រ​ដ្ឋាភិបាល , ម​ន្ត្រីរាជ​ការ និង ក​ង​កំលាំង​ប្រ​ដាប់អាវុធ នៃ ខ.ភ.ម​បាន​សំដែង​នូវ​ទុក្ខ​ក្រៀម​ក្រំ ចំពោះម​រ​ណៈភាព ឯ.ឧ នាយឧត្ត​ម​សេនីយ៏ ញឹក ហួន អគ្គ​មេប​ញ្ជាការ​រ​ង​នៃ ខ.ភ.ម ដែល​បាន​ទ​ទួល​ម​រ​ណៈភាព​កាល​ពីថ្ងៃអាទិត្យ ទី ១៧ ខែ ម​ក​រា ឆ្នាំ ២០១៦ វេលាម៉ោង២. ៣០ នាទី រ​សៀល ក្នុង​ជ​ន្មាយុ ៧៣ ឆ្នាំ ដោយ​រោគាពាធ ។
            ក្នុង​ពេលអញ្ជើញ​ទៅគោរ​ព​វិញ្ញាណ​ក្ខ័ន្ត​នៅគេហ​ដ្ឋាន​នៃស​ព នាព្រឹក​ថ្ងៃទី ១៩ ខែ ម​ក​រា ប្រ​តិភូក្រ​សួង​ម​ហាផ្ទៃ ដឹក​នាំដោយ ស​ម្តេច​ក្រ​ឡាហោម ស​ខេងឧប​នាយ​ក​រ​ដ្ឋ​ម​ន្ត្រី រ​ដ្ឋ​ម​ន្ត្រីក្រ​សួង​ម​ហាផ្ទៃ,លោក​ជំទាវឧប​នាយ​ក​រ​ដ្ឋ​ម​ន្ត្រីម៉ែន​សំអន​រ​ដ្ឋ​ម​ន្ត្រីក្រ​សួង​ទំនាក់ទំន​ង​ជាមួយ​រ​ដ្ឋ​ស​ភា-ព្រឹទ្ធ​ស​ភានិងអធិការ​កិច្ច​និង​ជាប្រ​ធាន​ក្រុម​ការ​ងារ​ថ្នាក់ជាតិចុះជួយ​ខេត្ត​ស្វាយ​រៀង និង​ស​មាជិក ស​មាជិកា ,ក្រ​សួង​ការ​ពារ​ជាតិដឹក​នាំដោយ ឯ.ឧ នាយឧត្ត​ម​សេនីយ៏ចាយ​សាំង​យុន​រ​ដ្ឋ​ម​ន្ត្រីស្ដីទីក្រ​សួង​ការ​ពារ​ជាតិ,អគ្គ​ប​ញ្ជាការ​ដឹក​នាំដោយឯ.ឧនាយឧត្ត​ម​សេនីយ៏ ប៉ុល សារឿន អគ្គ​មេ ប​ញ្ជាការ នៃ ខ.ភ.ម ប្រ​តិភូគ​ណៈប​ញ្ជាការ​ស​ម​រ​ភូមិមុខ​ដឹក​នាំដោយឯ.ឧនាយឧត្ត​ម​សេនីយ៏គ​ន់គីមអគ្គ​មេប​ញ្ជាការ​រ​ង​នៃខ.ភ​ម​ព្រ​ម​ទាំងឯឧតំណាង​ព្រឹទ្ធ​ស​ភា ,រ​ដ្ឋ​ស​ភា , រ​ដ្ឋ​ម​ន្ត្រី , រ​ដ្ឋ​លេខា ធិការ តាម​ម​ន្ទីរ ក្រ​សួង​នានា ព្រ​ម​ទាំងអនុព័ន្ធ​យោធានៃប​ណ្តាប្រ​ទេស​នានាប្រ​ចាំ នៅព្រះរាជាណា ច​ក្រ​ក​ម្ពុជាផ​ង​ដែរ។
      ​​  ក្នុងឱកាស​នោះប្រ​តិភូទាំងអស់បាន​សំដែង​នូវ​ទុក្ខ​ក្រៀម​ក្រំចំពោះការ​បាត់ប​ង់រូបឯ.ឧ នាយឧត្ត​ម សេនីយ៏ ញឹក ហួន គឺជាការ​បាត់ប​ង់នូវ​ស្វាមី  បីតាជីតាជាទីគោរ​ព​ស្រ​ឡាញ់ និង​ជាកុល​បុត្រ​ខ្មែរ​ដ៏ឆ្នើម​មួយ​រូប​ដែល​បាន​បូជាកំលាំង​កាយ​ចិត្ត​គ្រ​ប់បែប​យ៉ាង​ចូល​រួម​ក្នុង​បុព្វ​ហេតុបំរើជាតិមាតុភូមិក្នុង​ច​ល​នារំដោះប្រ​ទេស​ជាតិចាក​ផុត​ពីភ្លើង​ស​ង្រ្គាម​និង​រ​ប​ប​ប្រ​ល័យ​ពូជ​សាស​ន៏ ដើម្បីនាំយ​ក​នូវ​ស​ន្តិភាព ស្ថេរ​ភាព និង វិបុល​ភាព ពិត​ប្រាក​ដ​ជូន​ប្រ​ជាជ​ន​ក​ម្ពុជា ។ទោះបីរូបឯ.ឧបាន​បាត់ប​ង់ទៅពិត​មែន​ក៏ប៉ុន្តែកិត្តិយ​ស​គំរូវីរ​ភាព​ភាព​ដ៏អង់អាច​ក្លាហាន​និង​សេច​ក្ដីល្អរ​ប​ស់ឯ.ឧស្ថិត​ស្ថេរ​ក្នុង​ដួង​ចិត្ត​រ​ប​ស់ភ​រិយាបុត្រាបុត្រីចៅប្រុស​ចៅស្រីប​ង​ប្អូន​ញាតិមិត្ត និង​យុទ្ធ​មិត្ត​ដែល​ធ្លាប់ត​ស៊ូរួម​លេណ​ដ្ឋាន​ជាមួយ​គ្នាជារៀង​រ​ហូត ។
           ប្រ​តិភូទាំងអស់ក៏បាន​ធ្វើការ​បួង​សួង​ដ​ល់វ​ត្ថុស​ក្ដ័សិទ្ធ​ក្នុង​លោក និង​តេជៈបារ​មី នៃព្រះពុទ្ធ​ព្រះធ​ម៌ ព្រះស​ង្ឃ  តាម​បីបាច់ថែរ​ក្សាដួង​វិញ្ញាណ​ក្ខ័ន្ត ឯ.ឧ នាយឧត្ត​ម​សេនីយ៏ ញឹក ហួន បាន​ទៅសោយ​នៅសុគ​តិភ​ព ជានិច្ច​និរ​ន្ត​ត​រៀង​ទៅ  ៕

ពិធីប្រ​កាស​ស​មាស​ភាព​គ​ណៈក​ម្មាធិការ​ស​មាគ​មអតីត​យុទ្ធ​ជ​ន​ក្រុង និង​សាខាឃុំ ស​ង្កាត់រ​ប​ស់ក្រុង​ប៉ោយ​ប៉ែត

ខេត្ត​ប​ន្ទាយ​មាន​ជ័យ៖ នៅព្រឹក​ថ្ងៃទី១៨ខែម​ក​រាឆ្នាំ២០១៦នេះនៅក្រុង​ប៉ោយ​ប៉ែត​បាន​ធ្វើពិធីប្រ​កាស​ស​មាស​ភាព​គ​ណៈក​ម្មាធិការ​ស​មាគ​ម អតីត​យុទ្ធ​ជ​ន​ស្រុក ក្រុង និង​សាខាឃុំ ស​ង្កាត់ រ​ប​ស់ក្រុង​ប៉ោយ​ប៉ែត ក្រោមអធិប​តីភាពឯកឧត្ត​ម អ៊ុ រាត្រី អភិបាល​រ​ង​ខេត្ត​តំណាង ឯកឧត្ត​ម គោ ស៊ុសារឿន អភិបាល​ខេត្ត និង​ជាប្រ​ធាន​កិត្តិយ​ស​ស​មាគ​មអតីយុទ្ធ​ជ​ន ក​ម្ពុជាខេត្ត ប​ន្ទាយ មាន​ជ័យ។ វ​ត្ត​មាន​ចូល​រួម​នាឱកាស នោះដែរ​មាន៖ ឯកឧត្ត​ម ឧត្ត​ម​សេនីយ៏ត្រី ភ្ល​ន់ តារា មេប​ញ្ជាការ​តំប​ន់ប្រ​តិប​ត្តិការ​សឹក​ខេត្ត និង​ជាប្រ​ធាន​ស​ស​មាគ​ម អតីយុទ្ធ​ជ​ន​ក​ម្ពុជា ខេត្ត​ប​ន្ទាយ មាន​ជ័យ ព្រ​ម​ទាំង​ម​ន្រ្តីពាក់ព័ន្ធ​ជាច្រើន​រូប​ទៀត។តាម​សេច​ក្តីស​ម្រេច​ត្រូវ​បាន​ប្រ​កាស​ទ​ទួល​ស្គាល់លោក អ៊ុ សុផ​ល ជាប្រ​ធាន​ស​មាគ​មអតីត យុទ្ធ​ជ​ន​ក្រុង​ប៉ោយ​ប៉ែត លោក ឡេង ហុង​លាន លោក ជា ដា លោក អេង ច័ន្ទ​ជុំ ជាអនុប្រ​ធាន​ស​មាគ​មអម​ដោយ​ស​មាជិក​ចំនួន១០រូទៀត។ក្នុង​សេច​ក្តីរាយ​ការ​ណ៏រ​ប​ស់លោក អេង ច័ន្ទ​ជុំ អនុប្រ​ធាន​ប្រ​ចាំការ​ស​មាគ​មអតីត​យុទ្ធ​ជ​ន​ក្រុង​ប៉ោយ​ប៉ែត​បានឲ្យ​ដឹង​ថា៖ មុខ​ស​ញ្ញាអតីត​យុទ្ធ​ជ​ន​ដែល​កំពុង​គ្រ​ប់គ្រ​ង​ក្នុង​ក្រុង​ប៉ោយ​ប៉ែត​មាន​ចំនួន៤១៤នាក់ដែល មុខ​ស​ញ្ញាទាំង​នេះត្រូវ​បាន​ទ​ទួល​រ​ប​ប​ស​ន្តិសុខ​ស​ង្គ​ម​រ​ប​ស់ខ្លួន​តាម​ប្រ​ព័ន្ធ​ធ​នាគារ​ចាប់តាំង​ពីខែឧស​ភា ឆ្នាំ២០១៤ រ​ហូត​ម​ក ។ ក្រៅពីនោះស​មាជិកអតីត​យុទ្ធ​ជ​ន​ដែល​ទ​ទួល ម​រ​ណៈភាព​ចំនួន៦៥នាក់ ទ​ទួល​បាន​ប្រាក់បេឡាម​រ​ណៈស​ង្គ្រោះដោយ​ក្នុង១ស​ព​ទ​ទួល​បាន​ថ​វិកាចំនួន៤លាន​រៀល ព្រ​ម​ទាំង​បាន​ជួយ​សាង​ស​ង់ផ្ទះជូន​គ្រួសារអតីត យុទ្ធ​ជ​ន​បាន​ចំនួន២ខ្ន​ង​ផ​ង​ដែរ។ ឯកឧត្ត​ម ភ្ល​ន់ តារា បាន​គូស​ប​ញ្ជាក់ពីការ​យ​ក​ចិត្ត​ទុក​ដាក់រ​ប​ស់រាជ​រ​ដ្ឋាភិបាល​ក​ម្ពុជាដែល​មាន​ស​ម្តេច​តេជោ ហ៊ុន សែន ជានាយ​ក​រ​ដ្ឋ​ម​ន្រ្តី និង​ជាប្រ​ធាន​ស​មាគ​មអតីត​យុទ្ធ​ជ​ន​ក​ម្ពុជាក្នុង​ការ​យ​ក​ចិត្ត​ទុក​ដាក់ចំពោះអតីត​យុទ្ធ​ជ​ន​ដែល​បាន​លះប​ង់អាយុជីវិត​និង​ការ​ធ្វើព​លិក​ម្ម​គ្រ​ប់បែប​យ៉ាង​ដើម្បីជាតិមាតុភូមិក​ន្ល​ង​ម​ក។ ឯកឧត្ត​ម ភ្ល​ន់ តារា បាន​ផ្តាំផ្ញើដ​ល់ម​ន្រ្តីដែល​ទើប​ទ​ទួល​ការ​តែង​តាំង​ថ្មីត្រូវ​ប​ន្ត​គ្រ​ប់គ្រ​ង​ស​មាជិក​ស​មាគ​មអតីត​យុទ្ធ​ជ​នឲ្យ​បាន​ច្បាស់លាស់តាម​រ​យៈការ​ធ្វើប​ច្ចុប្ប​ន្ន​ភាព និង​ប​ន្ត​ការ​ចុះសួរ​សុខ​ទុក្ខ​ការ​ប្រ​គ​ល់ថ​វិកាម​រ​ណៈស​ង្គ្រោះជូន គ្រួសារ​ស​មាគ​មអតីត​យុទ្ធ​ជ​ន​បាន​ទាន់ពេល​វេលា។ មាន​ម​តិក្នុងឱកាស​នោះដែរ ឯកឧត្ត​ម អ៊ុ រាត្រី បាន​ចាត់ទុក កិច្ច​ការអតីត​យុទ្ធ​ជ​ន​ជាកិច្ច​ការ រ​ប​ស់យើង​ទាំងអស់គ្នាដែល​ត្រូវ​ស​ហ​ការ​គ្នាយ៉ាង​ស​ក​ម្ម​ក្នុង​ការ​ផ្ត​ល់ថ​វិកាស​ម្ភារៈស​ម្រាប់ ទ្រ​ទ្រ​ង់ដ​ល់ស​មាគ​មអតីត​យុទ្ធ​ជ​ន​ជាមួយ​នឹង​ពិធី ប្រ​កាស​ទ​ទួល​ស្គាល់ស​មាស​ភាព​គ​ណៈ ក​ម្មាធិការ​ស​មាគ​មអតីត​យុទ្ធ​ជ​ន​ក្រុង​ប៉ោយ​ប៉ែត​នេះផ​ង​ដែរ​ថ្នាក់ដឹក​នាំ និង​ស​ប្បុរ​ស​ជ​ន​បានឧប​ត្ថ​ម្ភ​ថ​វិកាដ​ល់ស​មាគ​ម​ចំនួន ២០លាន រៀល​ផ​ង​ដែរ​ដើម្បីទុក​ស​ម្រាប់ទ្រ​ទ្រ​ង់ស​មាគ​ម​នេះ៕

និស្សិត​នាយ​ទាហាន​ស​ក​ម្ម​ជំនាន់ទី១៦ សែន​ជ័យ​ចំនួន១០៩នាក់ ធ្វើស​ច្ចាប្រ​ណិធាន​នៅមុខ​ប្រាសាទអង្គ​រ​វ​ត្ត
   
        និស្សិត​នាយ​ទាហាន​ស​ក​ម្ម​ជំនាន់ទី១៦សែន​ជ័យ​ចំនួន១០៩នាក់មាន​វ​ត្ត​មាន​ក្នុង​ពិធីស​ច្ចាប្រ​ណិធាន​នៅលើទីតាំង​ក្តាបែន​នៃប្រាសាទអង្គ​រ​វ​ត្ត។ ពិធីនេះបាន​រៀប​ចំឡើង​នៅព្រឹក​ថ្ងៃទី ១៧ ខែម​ក​រា ឆ្នាំ២០១៦ ក្រោម​ការអញ្ចើញ​ចូល​រួម​ជាអធិប​តីដោយឯកឧត្ត​ម ឧត្ត​ម​សេនីយ៍ ឯក ហ៊ុន ម៉ាណែត នាយ​រ​ង​សេនាធិការ​ច​ម្រុះនៃក​ង​យោធ​ព​ល​ខេម​រ​ភូមិន្ទ ។
        ឧត្ត​ម​សេនីយ៍ប្រ​ធាន​សាលានាយ​ទាហាន​ស​ក​ម្ម​បានឲ្យ​ដឹង​ថាជាទូទៅនៅក្នុង​ក​ម្ម​វិធីសិក្សារ​ប​ស់និស្សិត​នាយ​ទាហាន​ស​ក​ម្ម​រ​យៈពេល៤ឆ្នាំមុន​ពេល​ប​ញ្ច​ប់វ​គ្គ​សិក្សាហ្វឹក​ហ្វឺន​តែង​តែមាន​ក​ម្ម​វិធីពិសេស​មួយ​ដែល​ហៅថាពិធីស​ច្ចាប្រ​ណិធាន​ក្នុង​ន័យ​ព​ញ្ញាក់ស្មារ​តីរ​ប​ស់និស្សិត​នាយ​ទាហាន​ស​ក​ម្មឲ្យ​មាន​ភាព​ស្មោះត្រ​ង់ សាម​គ្គីភាព ការ​ពារ​ប្រ​ជាជ​ន ការ​ពារ​ជាតិ សាស​នា ព្រះម​ហាក្ស​ត្រ​ក្នុង​ពេល​បំពេញ​ភារ​កិច្ច​នៅតាម​ប​ណ្តាអង្គ​ការ​នានាក្នុង​ជួរ​នៃក​ង​យោធ​ព​ល​ខេម​រ​ភូមិន្ទ ។ សេច​ក្តីរាយ​ការ​ណ៍នោះបាន​ប​ញ្ជាក់ថាការ​ធ្វើស​ច្ចាប្រ​ណិធាន​រ​ប​ស់និស្សិត​នាយ ទាហាន​ស​ក​ម្ម​នៅមុខ​ប្រាសាទអង្គ​រ​វ​ត្ត​ដែល​ជាទីតាំង​ប្រ​ក​ប​ដោយ​បារ​មីស័ក្តិសិទ្ធិនោះគឺដើម្បីបាន​វ​ត្ថុស័ក្តិសិទ្ធិទាំង​ឡាយ​នោះធ្វើជាសាក្សីនិង​ទ​ទួល​ដឹងឮនូវ​ការ​ប្តេជ្ញាចិត្ត​ទាំង​នោះផ​ង​ដែរ។
        ឧត្ត​ម​សេនីយ៍ឯក ហ៊ុន ម៉ាណែត នាយ​រ​ង​សេនាធិការ​ច​ម្រុះនៃក​ង​យោធ​ព​ល ខេម​រ​ភូមិន្ទ​បាន​ថ្លែង​នូវ​ការអបអរ​សាទ​រ​ចំពោះជោគ​ជ័យ​រ​ប​ស់និស្សិត​នាយ​ទាហាន​ស​ក​ម្ម​ជំនាន់ទី១៦សែន​ជ័យ ក្រោម​ការ​ខិត​ខំប្រឹង​ប្រែង អំណ​ត់ ត​ស៊ូ ឆ្ល​ង​កាត់វ​គ្គ​សិក្សានិង​ហ្វឹក​ហ្វឺន ជិត៤ឆ្នាំក​ន្ល​ង​ម​ក ។ ជាមួយ​នោះដែរឯកឧត្ត​ម​ក៏បាន​ស​ម្តែង​នូវ​ការ​កោត​ស​រ​សើរ​ដោយ​ស្មោះ ចំពោះនិស្សិត​ទាំងអស់ដែល​មាន​សេច​ក្តីក្លាហាន និង​ម​ន​សិការ​ស្នេហាជាតិខ្ព​ស់ ស្ម័គ្រ​ចិត្ត​ចូល ប​ម្រើក្នុង​ជួរ​ក​ង​យោធ​ព​ល​ខេម​រ​ភូមិន្ទ ។
        គួរ​រ​លឹក​ឡើង​វិញ​ដែរ​ថា៖ រ​បាយ​ការ​ណ៍រ​ប​ស់សាលានាយ​ទាហាន​ស​ក​ម្ម​បាន ប​ញ្ជាក់ថា៖នៅក្នុង​ឆ្នាំទី៤ (ឆ្នាំ២០១៥-២០១៦) នៃឆ្នាំប​ញ្ច​ប់វ​គ្គ​ហ្វឹក​ហ្វឺន​រ​ប​ស់និស្សិត​នាយ ទាហាន​ស​ក​ម្ម​ជំនាន់ទី១៦សែន​ជ័យ គឺមាន​ល​ក្ខ​ណៈតឹង​តែង​និង​ស​ក​ម្ម​ជាង​ប​ណ្តាឆ្នាំក​ន្ល​ង​ម​ក ព្រោះនិស្សិត​ទាំងអស់ត្រូវ​បាន​ហ្វឹក​ហ្វឺនអន្ត​រាវុធ​តាម​ប​ណ្តាក​ងឯក​ភាព​នានាដូច​ជា៖ កាំភ្លើង​ធំ រ​ថ​ក្រោះ ការ​ពារអាកាស សិក្សាស្វែង​យ​ល់យុទ្ធ​វិធី ថ្នាក់វ​រ​សេនាតូច​ថ្មើរ​ជើង ចុះអនុវ​ត្ត​ដ​ក​ប​ទ ពិសោធ​ន៍ជាក់ស្តែង​នៅតាម​ប​ណ្តោយ​ខ្សែប​ន្ទាត់ព្រំដែន​ក​ម្ពុជាថៃ សិក្សាស្រាវ​ជ្រាវ​និង​ស​រ​សេរ សារ​ណាប្រ​ឡ​ង​ប​ញ្ច​ប់វ​គ្គ ហើយ​បើតាម​ការ​គ្រោង​ទុក​រ​ប​ស់សាលាវ​គ្គ​ជំនាន់ទី១៦ នេះនឹង​ត្រូវ បិទ​ប​ញ្ច​ប់វ​គ្គ​ជាផ្លូវ​ការ​នៅថ្ងៃទី០៤ ខែកុម្ភៈ ឆ្នាំ២០១៦ ខាង​មុខ ៕

ឯកឧត្ត​ម នាង ផាត ជួប​ប្រ​តិភូ វៀត​ណាម
        ក្នុងឪកាសអញ្ជើញ​ម​ក​បំពេញ​ទ​ស្ស​ន​កិច្ច​នៅក​ម្ពុជាគ​ណៈប្រ​តិភូក​ង​ទ័ព​ប្រ​ជាជ​ន​វៀត​ណាម​ ដឹក​នាំដោយឯកឧត្ត​ម ឧត្ត​ម​សេនីយ៍ទោ ង្វៀន ឌឹក​ហាយ នាយ​គ្រឹះស្ថាន​យុទ្ធ​សាស្រ្ត​យោធាក​ង​ទ័ព​ប្រ​ជាជ​ន​វៀត​ណាម​បាន​ចួល​ជួប​ស​ម្តែង​ការ​គួរ​ស​ម​ជាមួយឯកឧត្ត​ម នាយឧត្ត​ម​សេនីយ៍ នាង​ ផាត រ​ដ្ឋ​លេខាធិការ​ក្រ​សួង​ការ​ពារ​ជាតិ នារ​សៀល​ថ្ងៃទី១៤ ខែម​ក​រា ។
        ក្នុង​ជំនួប​នោះ ក្នុង​នាមឯកឧត្ត​ម ឧប​នាយ​ក​រ​ដ្ឋ​ម​ន្រ្តី រ​ដ្ឋ​ម​ន្រ្តីក្រ​សួង​ការ​ពារ​ជាតិ ឯកឧត្ត​ម នាង ផាត បាន​ស​ម្តែង​ការ​ស្វាគ​ម​ន៍ចំពោះ​ឯកឧត្ត​ម ឧត្ត​ម​សេនីយ៍ទោ ង្វៀន ឌឹក  ហាយ ដែល​បានអញ្ជើញ​ម​ក​បំពេញ​ទ​ស្ស​ន​កិច្ច​នៅក​ម្ពុជាដើម្បីព​ង្រឹង​ចំណ​ង​សាម​គ្គីភាព និង​កិច្ច​ស​ហ​ប្រ​តិប​ត្តិការ​រ​វាង​ក​ង​ទ័ព​ទាំង​ពីរឲ្យ​បាន​កាន់តែរឹង​មាំថែម​ទៀត ។ ឯកឧត្ត​ម នាង ផាត ​បាន​ប​ញ្ជាក់ថាដំណើរ​ទ​ស្ស​ន​កិច្ច​នៅក​ម្ពុជាលើក​នេះពិត​ជាបាន​នាំម​ក​នូវ​ចំណ​ង​សាម​គ្គីភាព មិត្ត​ភាព​ពិសេស​ប​ង្កើន​កិច្ច​ស​ហ​ប្រ​តិប​ត្តិការ​វាង​ក​ង​ទ័ព​ទាំង​ពីរ​ស្រ​ប​តាម ពិធីសារ កិច្ច​ស​ហ​ប្រ​តិប​ត្តិការ​រ​វាង​ក្រ​សួង​ការ​ពារ​ជាតិនៃប្រ​ទេស​ទាំង​ពីរ​ក​ម្ពុជា - វៀត​ណាម ។ ឯកឧត្ត​ម បាន​ប​ញ្ជាក់ថា៖ក​ម្ពុជាទើប​តែប្រារ​ព្ធ​ពិធីអបអរ​សាទ​រ​ខួបអនុស្សាវ​រីយ៍ លើក​ទី៣៧ទិវាជ័យ​ជំនះ ៧ម​ក​រា ដែល​ក្នុង​នោះក៏បាន​រំលឹក​ឡើង​វិញ​ពីការ​ជួយឧប​ត្ថ​ម្ភ​ពីក​ង​ទ័ព​ស្ម័គ្រ​ចិត្ត​វៀត​ណាម​ក្នុង​ការ​ជួយ​រំដោះប្រ​ទេស​ក​ម្ពុជាឲ្យ​បាន​រួច​ចាក​ផុត​ពីរ​ប​ប​ប្រ​ល័យ​ពូជ​សាស​ន៍នាថ្ងៃទី០៧ ម​ក​រា ១៩៧៩ ។ មាន​ម​តិឆ្លើយ​ត​ប​វិញ ​ឯកឧត្ត​ម ង្វៀន ឌឹក​ហាយ បាន​ពាំនាំពីការ​ផ្តាំផ្ញើរ​ពីថ្នាក់ដឹក​នាំក្រ​សួង​ការ​ពារ​ប្រ​ទេស​វៀត​ណាម​ជូន ឯកឧត្ត​ម នាង ផាត និង​ថ្នាក់ដឹក​នាំក្រ​សួង​ការ​ពារ​ជាតិក​ម្ពុជា និង​ខ.ភ.ម ក្នុងឪកាស​ឆ្នាំថ្មីឆ្នាំ២០១៦ ។ ក្នុងឪកាស​នោះ ឯកឧត្ត​ម​ក៏បាន​លើក ឡើង​ពីទំនាក់ទំន​ង​យ៉ាង​ជិត​ស្និត រ​វាង​ក​ង​ទ័ព​ទាំង​ពីរ ក​ម្ពុជា​ - វៀត​ណាម នាពេល​ក​ន្ល​ង​ម​ក​ជាពិសេស​ទំនាក់ទំន​ង​ខាង​ភូមិភាគ​ក​ង​ទ័ព​ទាំង​ពីរ​ដែល​មាន​ភូមិសាស្រ្ត​ជាប់ជាមួយ​គ្នា។ឯកឧត្ត​ម​បាន​ប​ញ្ជាក់ថា៖ការ​ជួយ​គ្នាទៅវិញ​ទៅម​ក​រ​វាង​ក​ង​ទ័ព​ប្រ​ទេស​ទាំង​ពីរ​បាន​រួម​ចំណែក​រ​ក្សាបាន​នូវ​ស្ថេរ​ភាព ស​ន្តិភាព​នៅក្នុង​តំប​ន់និយាយ​រូម និង​និយាយ​ដោយ​ចំពោះប្រ​ទេស​ទាំង​ពីរ​បាន​នាំម​ក​ស​ន្តិភាព និង​ការអភិវ​ឌ្ឍ​ន៍រីក​ច​ម្រើន​ដ​ល់ប្រ​ទេស​ទាំង​ពីរ ។ ឯកឧត្ត​ម​ក៏បាន​ស្នើឲ្យឯកឧត្ត​ម នាង ផាត ជួយ​ប​ង្ក​ល​ក្ខ​ណៈឲ្យ​វិទ្យាសា្ថ​ន​ស្រាវ​ជ្រាវ​យុទ្ធ​សាស្រ្ត​យោធាវៀត​ណាម ជាមួយ​ម​ជ្ឈ​ម​ណ្ឌ​ល​ស្រាវ​ជ្រាវ​យុទ្ធ​សាស្រ្ត​យោធា ខ.ភ.ម ប​ន្ត​ការ​ទំនាក់ទំន​ង​ផ្លាស់ប្តូរ​ប​ទ​ពិសោធ​ន៍ការ​ងារ​ជាមួយ​គ្នាផ្លាស់ប្តូរ​ជំនាញ​ជាមួយ​គ្នាតាម​រ​យៈកិច្ច​ស​ន្ទ​នាការ​ពារ​ជាតិរ​វាង​ក្រ​សួង​ការ​ពារ​ជាតិទាំង​ពីរ​ដែល​បានឯក​ភាព​គ្នាក​ន្ល​ង​ម​ក ៕