ព័ត៌មាន

កិច្ច​ប្រជុំ​ឆ្លង​របាយ​ការណ៍​បូក​សរុប​លទ្ធផល​ការ​ងារ​ប្រចាំ​ខែ​វិច្ឆិកា​ និង​ទិស​ដៅ​អនុវត្តន៍​​ខែ​ធ្នូ ​ឆ្នាំ​២០២០​ អគ្គ​បញ្ជាការ​ដ្ឋាន​ នៃ​កង​យោធ​ពល​ខេម​រ​ភូមិន្ទ​
នាយកដ្ឋានព័ត៌មាន(៣)
164
1996 កិច្ច​ប្រជុំ​ឆ្លង​របាយ​ការណ៍​បូក​សរុប​លទ្ធផល​ការ​ងារ​ប្រចាំ​ខែ​វិច្ឆិកា​ និង​ទិស​ដៅ​អនុវត្តន៍​​ខែ​ធ្នូ ​ឆ្នាំ​២០២០​ អគ្គ​បញ្ជាការ​ដ្ឋាន​ នៃ​កង​យោធ​ពល​ខេម​រ​ភូមិន្ទ​

      នៅ​អគ្គ​បញ្ជាការ​ដ្ឋាន ​នៃក​ង​យោធ​ពល​ខេមរ​ភូមិន្ទ ​ព្រឹក​ថ្ងៃ​ពុធ​ទី​២៥​ ខែ​វិច្ឆិកា​ ឆ្នាំ២០២០​ បាន​បើក​កិច្ច​ប្រជុំ​ឆ្លង​របាយ​ការ​ណ៍ បូក​សរុប​លទ្ធផល​ការ​ងារ​ប្រចាំ​ខែ​វិច្ឆិកា ​និង​ទិស​ដៅ​អនុវត្តន៍​ ខែ​ធ្នូ ​ឆ្នាំ​២០២០​ ក្រោម​អធិប​តី​ភាព​ នាយ​ឧត្តម​សេនីយ៍ ​វង្ស​ ពិសេន​ អគ្គ​មេ​បញ្ជាការ​ នៃ​កង​យោធ​ពល​ខេមរ​ភូមិន្ទ ​ដោយ​មាន​ការ​អញ្ជើញ​ចូល​រួម ​ពី​សំណាក់​ ឯកឧត្តម​ អគ្គ​មេ​បញ្ជាការ​​រង​ នាយក ​នាយក​រង​ មេ​បញ្ជាការ​ ​មេ​បញ្ជាកា​រ​រង​ ស្ថាប័ន​និង​អង្គភាព​ក្នុ​ងអគ្គ​បញ្ជាការ​បាន​ចូល​រួម​។​

      ក្នុ​ង​របាយ​ការណ៍​បូក​សរុប​លទ្ធផល​ការ​ងា​រខែ​វិច្ឆិកា ​និង​ទិស​ដៅខែ​​ធ្នូ ​ឆ្នាំ​២០២០ ​ឧត្តម​សេនីយ៍​ទោ ​នឹម​ បា​ឡែន ​នាយក​ទី​ចាត់​ការ​កល​យុទ្ធ​ បាន​បញ្ជាក់​ឲ្យ​ដឹង​ថា​៖​ ក្នុ​ងខែ​វិច្ឆិកា​ ឆ្នាំ​២០​២០​ អគ្គ​បញ្ជា​ការ​ដ្ឋាន​ នៃ ខ.ភ.ម​ បាន​ដឹក​នាំ​បំពេញ​ភារកិច្ច ​ការពារ​បាន​យ៉ាង​រឹង​មាំ​នូវ​បូរណ​ភាព​ទឹក​ដី ​ទាំង​ដែន​គោក​ ដែន​ទឹ​ក ដែន​អាកាស ​ពង្រឹង​ប្រៀប​ការ​ពារ​ជាតិ​ អនុវត្ត​ន៍​តាម​គោល​នយោ​បាយ​របស់​រាជ​រដ្ឋា​ភិបាល ​ក្នុង​ការ​កសាង​តំបន់​ព្រំ​ដែន​ក្លាយ​ជា​ព្រំ​ដែន​សន្តិភាព ​មិត្តភាព ​កិច្ច​សហប្រតិបត្តិការ ​និង​ការ​អភិវឌ្ឍន៍​។​ ​បាន​រួម​ចំ​ណែក ​ទប់​ស្កាត់​ការ​រីក​រាល​ដាល​ជម្ងឺរ​កូវិដ​-​១៩ ​ទៅតា​ម​បទ​បញ្ជា​របស់​រា​ជរដ្ឋា​ភិបាល និង​ការ​ណែនាំ​ពី​ក្រសួង​សុ​ខា​ភិបាល​ និ​ង​ចាត់​វិធាន​ការ​ទប់​ស្កាត់​​ការពារ ​​​ការ​ឆ្លង​ដល់​យោធិន​ក្នុង​ខ.ភ.ម​ ព្រម​ទាំង​រៀប​ចំ​កម្លាំង​ សំរាប់​អត្ត​រាគមន៍​ក្នុង​ ករណី​មាន​ការ​ចាំ​បាច់​។​ អនុវត្តន៍​តាម​ផែន​ការ​ និង​បទ​បញ្ជា​របស់​ក្រសួង​ការ​ពារ​ជាតិ​ និង​អគ្គ​បញ្ជាការ​ ក្នុង​ការ​គ្រប់​គ្រង​ចំនួន​ទ័​ព គ្រឿង​សម្ភារៈ បំពាក់​ឲ្យ​បាន​គត់​មុត​ត្រឹម​ត្រូវ​ ទាំង​បរិមាណ ​និង​គុណភា​ព​។ បា​ន​ចាត់​តាំង​ហ្វឹក​ហ្វឺន​នូវ​មុខ​ជំនាញ​ឲ្យ​ដល់​យោធិន​ទៅ​តាម​ផែន​ការ​ តាម​បណ្ដា​ថ្នាក់ ​បណ្ដា​ជំនាញ ​ទៅ​តាម​បណ្ដា​សាលា​ និង​អង្គភាព​ រឺ​កង​ឯក​ភា​ពក្នុង​រូប​ភាព​​បណ្ដុះ​បណ្ដាល​ បំប៉ន​ ហ្វឹ​កហ្វឺន​នូវ​នឹង​កន្លែង​ ធ្វើ​ការ​អប់រំ​សតិ​អារម្មណ៍​ដល់​យោធិន ​ឲ្យ​មាន​ឧត្ដម​គតិ​ស្នេហា​ជាតិ​ គោរព​បទ​បញ្ជា ​គោរព​វិន័យ ​មាន​សាមគ្គី​ភាព​ ជា​និច្ច​កាល​ស្មោះ​ត្រង់​ចំពោះ​ជាតិ​​មាតុ​ភូមិ​។​​

      បន្ទាប់​ពី​ឯកឧត្ដម ​អគ្គ​មេ​បញ្ជាការ​រង​ នាយក​ នាយក​រង​ ស្ថាប័ន​ និង​អង្គភាព​ពាក់​ព័ន្ធ ​បាន​រាយ​ការណ៍​និង​បាន​ពិភាក្សា​​យ៉ាង​ល្អិត​ល្អន់​នៅ​ខ្លឹម​សា​រ​​របាយ​ការណ៍​រួច​មក​ ឯកឧត្តម ​នាយ​ឧត្តម​សេនីយ៍ ​វង្ស​ ពិសេន​ ថ្លែង​ក្នុង​កិច្ច​ប្រជុំ ​បាន​ដាក់​ចេញ​នូវ​ទិស​ដៅ​ត្រូវ​បន្ត​អនុវត្តន៍ ​ក្នុង​ខែ​ធ្នូ​ ឆ្នាំ​២០២០​ ឲ្យ​ដល់​គ្រប់​បណ្ដា​កង​ឯក​ភាព​នៃ​ខ.ភ.ម​ ត្រូវ​បន្ត​អនុវត្តន៍​ នូវ​តួនាទី ​ភារកិច្ច​ស្នូល​របស់​ខ្លួន ​ក្នុង​ការ​កា​រពារ​បូរណៈ​ភាព​ទឹក​ដី ​នៃ​ព្រះ​រាជា​ណា​ចក្រ​កម្ពុជា ​ការពារ​ជាតិ​ សាសនា ​ព្រះ​មហាក្សត្រ​ និង​ការ​ពារ​រាជ​រដ្ឋាភិបាល​ឱ្យ​បាន​រឹង​មាំ​។​ បន្ត​ពង្រឹ​ង​ប្រៀប​ការ​ពារ​ជាតិ​ ចូល​រួម​ស្តារ​ និង​កសាង ​ហេដ្ឋា​រចនា​សម្ព័ន្ធ​ រូប​វន្ត​​សាធារណៈ​ ពង្រឹង​កិច្ច​សហប្រតិបត្តិការ​អន្តរ​ជាតិ​ លើ​វិស័យ​ការ​ពារ​ជាតិ​ និង​ចាត់​តាំង​ហ្វឹក​ហ្វឺន​រៀន​សូត្រ​ធ្វើ​លំហាត់​សម​យុទ្ធ​ លំហាត់​សង្គ្រោះ ​គ្រោះ​មហន្តរាយ​ផ្សេងៗ​ ជា​ពិសេស​កិច្ច​សហប្រតិបត្តិការ​ ជា​មួយ​កង​ទ័​ពប្រទេស​ជិត​ខាង ​ដើម្បី​កសាង​តំប​ន់ព្រំ​ដែន​ឱ្យ​ក្លា​យ​ជា​តំបន់​មាន​សន្តិភាព​ មិត្តភាព ​សហ​ប្រតិបត្តិការ​ និង​ការ​អភិវឌ្ឍន៍​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ