ព័ត៌មាន

នាយ​ឧត្តមសេនីយ៍ ​ម៉ឹង ​សំ​ផន ​ដឹក​នាំ​កិច្ច​ប្រជុំ​បូក​សរុប​វាយ​តំលៃកា​រងារ​ភស្តុភារ​ហិរញ្ញ​វត្ថុ​ ឆ្នាំ​​២០២០​ និង​ទិស​ដៅ​អនុវត្ត​បន្ត​ឆ្នាំ​២០២១​
នាយកដ្ឋានព័ត៌មាន(៣)
119
2076 នាយ​ឧត្តមសេនីយ៍ ​ម៉ឹង ​សំ​ផន ​ដឹក​នាំ​កិច្ច​ប្រជុំ​បូក​សរុប​វាយ​តំលៃកា​រងារ​ភស្តុភារ​ហិរញ្ញ​វត្ថុ​ ឆ្នាំ​​២០២០​ និង​ទិស​ដៅ​អនុវត្ត​បន្ត​ឆ្នាំ​២០២១​

       កិច្ចប្រជុំបូក​សរុប​វាយ​តំលៃ​ការងារ​ភស្តុភារ​ហិរញ្ញវត្ថុឆ្នាំ​២០២០​ ក្នុង​ក្រសួង​ការ​ពារជា​តិ​ និង​ទិសដៅ​បន្ត​អនុវត្ត​ឆ្នាំ​២០២១ ត្រូវបា​ន​ប្រព្រឹត្ត​ទៅ​នៅ​អគារ​មិត្តភាព​ ទីស្តី​កា​រគណៈ​រដ្ឋមន្ត្រី ​ព្រឹក​ថ្ងៃទី​២១ ​ខែ​មករា ​ឆ្នាំ​២០២១​ ក្រោម​អធិបតី​ភា​ព នាយ​ឧត្តម​សេនីយ៍ ​ម៉ឹង ​សំផន​ រដ្ឋលេខា​ធិការ​ក្រសួង​ការ​ពារ​ជាតិ ​និង​មាន​ការ​ចូល​រួមពី ​ឯកឧត្ត​ម រដ្ឋលេខាធិការ អនុរដ្ឋលេខាធិការ អគ្គនាយករង នាយក នាយករង និង នាយទាហាននៅក្នុងអគ្គនាយកដ្ឋាន​ភស្តុភារ​ហិរញ្ញវត្ថុ ក្រសួង​ការពារជាតិ​ជា​ច្រើន​រូប​ទៀត។ គោលបំ​ណង​នៃ​កិច្ចប្រជុំ ​គឺ​ដើម្បី​បូក​សរុប វាយ​តំលៃកា​រងារ​ភស្តុភារ ហិរញ្ញវត្ថុ ដែលបាន​អនុវត្ថ​កន្លង​ម​ក និង​លើក​ទិសដៅ​បន្ត​អនុវត្ត​ឆ្នាំ​២០២១ ដល់ ឆ្នាំ​២០២៣​។

        បន្ទាប់ពីបានតាម​ដាន​ស្តាប់​របាយការណ៍​បូក​សរុប​លទ្ធល​ការងារ​ភស្តុភារ ​ហិរញ្ញវត្ថុ​ឆ្នាំ​២០២០​ ក្នុង​ក្រសួងការ​ពារជា​តិ​ រួចម​ក នាយ​ឧត្តម​សេនីយ៍ ​ម៉ឹង ​សំផន បា​ន​ថ្លែង​ថា៖​ ការងារ​ធានាភ​ស្តុភារ​ហិរញ្ញវត្ថុ​របស់​ក្រសួង​ការ​ពារ​ជាតិ ​ក្រោម​ការ​ឧបត្ថម​ពី​រាជ​រដ្ឋាភិបាល ​ដែល​មាន​ សម្តេចតេជោ ហ៊ុន សែន ជានាយករ​ដ្ឋមន្ត្​រី បាន​ធ្វើអោយ ខ​ភ​ម​ មាន​ការរីកចំរើ​ន​ជា​លំដាប់ ​ទាំង​ការ​កសាង​អង្គភាព ​ការធានា​លើ​ជីវភាព​រ​ស់នៅ​ប្រចាំ​ សំរាប់បំពេញ​ភារកិច្ច​ជូន​ប្រទេស​ជាតិ​។ ឯកឧត្តម ម៉ឹង សំផន បាន​បញ្ជាក់​ថា៖ ​សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន គឺជា​អគ្គ​ភស្តុភារជា​ន់​ខ្ពស់​របស់​កង​យោធព​ល​ខេមរ​ភូមិន្ទ ដែល​បាន​យកចិត្ត​ទុកដាក់គិតគូរជាប្រចាំ​ដល់​ ខភម និង គ្រួសារ​កង​ទ័ព​ ព្រមទាំង​អតីត​យុទ្ធជន​។ ឯកឧត្តម​ បាន​បញ្ជាក់ទៀត​ថា​៖​ ទោះបី​ជា​ប្រទេស​ជាតិ​ បាន​ស្ថិតនៅក្នុងដំណាក់​កា​ល​ប្រឈម​មុខ​នឹង​ជំងឺ​កូវីដ​-​១៩ យ៉ាងណាក្តី សម្តេច​តេជោ ​នាយករដ្ឋមន្ត្រី នៅតែបាន​យក​ចិត្តទុកដាក់​ធានា​ជូន​ដ​ល់កង​ទ័​ពនូវ​ការ​បើក​ប្រាក់​បៀវត្ស ​និង ចំណាយ​ផ្សេងៗ​ បាន​ទាន់​ពេល​វេ​លា សំរាប់​សំរួលទៅ​តាម​តំរូវកា​រ​របស់​ក្រសួង​ការពារ​ជាតិ ​ដើម្បី​ធានា​បាន​នូវ សុខ​មាលភាព​ ជីវភាព​រស់​នៅ​ដល់​ ខភម ​ក្នុង​ការ​ហ្វឹកហ្វឺន​បង្កើន​សមត្ថភាព​ សំរាប់​ការ​បំពេញ​ភារកិច្ច​ការពារសន្តិសុខ ​សុវត្តិភាព​ ជូន​ប្រជាពលរដ្ឋ​ និង​ការពារ​អធិប​តេយ្យ ​បូរណភាព​ទឹក​ដី​អោយ​បាន​គង់វង្ស​។ ឯកឧត្តម ម៉ឹង សំផន បានសង្កត់​ធ្ងន់​ថា៖​ សម្រាប់​ក​ងទ័​ព ការងារ​ភស្តុភារ ហិរញ្ញវត្ថុ គឺ​មានសារៈ​សំខាន់​ណាស់ ​ដើម្បីកសាង​កម្លាំង​ទ័ព​ លើវិស័យកា​រពារជាតិ​អោយ​បាន​រឹងមាំ​។ ឯកឧត្តម ម៉ឹង សំផន បានប​ញ្ជាក់​បន្ថែម​ទៀត​ថា៖ ក្នុង​ដំណាក់កា​ល​ប្រឈម​មុខ​នឹង​ជំងឺ​កូវីដ-១៩​ ការ​គ្រប់គ្រង​ភស្តុភារ​ហិរញ្ញវត្ថុ​ ត្រូ​វចេះ​សន្សំសំចៃ​ និងត្រូវ​មានគំនិតច្នៃ​ប្រឌិត​ ក្នង​ការបង្ក​បង្កើន​ផល ​ចិញ្ចឹម​សត្វ​ ដើម្បី​អោយ​កង​ទ័ព​ កាន់តែ មានជីវភាពរស់នៅប្រសើជាងមុន ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ