ព័ត៌មាន

ឧត្តម​សេនីយ៍​ទោ​ សោម ​ស៊ុន ​យ​កអំណោយ​ទៅ​​ឧបត្ថម្ភ​ជូន​​ប្រជា​​ពលរដ្ឋ​ទី​ទ័ល​ក្រ​ចំនួន​១០​ គ្រួសារ​នៅ​ស្រុក​ប្រាសាទ​សំបូរ​
នាយកដ្ឋានព័ត៌មាន(៣)
138
2099 ឧត្តម​សេនីយ៍​ទោ​ សោម ​ស៊ុន ​យ​កអំណោយ​ទៅ​​ឧបត្ថម្ភ​ជូន​​ប្រជា​​ពលរដ្ឋ​ទី​ទ័ល​ក្រ​ចំនួន​១០​ គ្រួសារ​នៅ​ស្រុក​ប្រាសាទ​សំបូរ​

      នៅ​ខេត្ត​កំពង់​ធំ​នេះ​ដែល ​ឧត្តម​សេនីយ៍​ទោ​ សោម ​ស៊ុន​ មេ​បញ្ជាការ​តំបន់​ប្រតិបត្តិការ​សឹក​រង​កំពង់​ធំ ​និង​លោក អ៊ុត វណ្ណារ៉ា អភិបាល​ស្រុក ​ប្រាសាទ​សំបូ ​រួម​ជា​មួយ​ លោក​វរសេនីយ៍​ត្រី​ អ៊ិន ​ប៉ូ ​មេ​បញ្ជាការ​ផ្នែក​សឹក​រង​ ប្រសាទ​សំបូរ ​បាន​នាំយ​ក​អំណោយ ​ឯកឧត្តម ឧត្ដម​សេនីយ៍​ឯក ហ៊ុន ​ម៉ា​ណែត ​និងលោក​ជំទាវ ទៅ​ឧបត្ថម្ភ​ជូន​ប្រជា​ពលរដ្ឋ​ទី​ទ័ល​ក្រ​ចំនួន​ ១០​គ្រួសារ​ នៅ​ភូមិ​កូន​ក្អែក ​ឃុំ​សំបូរ​ ស្រុក​ប្រាសាទ​សំបូរ ​ខេត្ត​កំពង់​ធំ​ ​នៅ​រសៀល ​ថ្ងៃ​ចន្ទ ​ទី​០១​ ខែ​កុម្ភៈ ឆ្នាំ២០២១​។

      ឧត្តម​សេនីយ៍​ទោ​ សោម ​ស៊ុន ​មាន​ប្រសាសន៍​ថា​៖ បច្ចុប្បន្ន​យើង​មា​នសុខ​សន្តិភាព​ពេញ​លេញ ​នៅ​ទូទាំង​ប្រទេស ​ក៏​ដោយ​សារ​តែ​​យើង​​បាន​អនុវត្ត​​នូវ​​នយោបាយ​ឈ្នះ​ឈ្នះ​ ទើប​ធ្វើ់ឲ្យ​មាន​សុខសន្តិភាព ​និង​ការ​អភិវឌ្ឍ​ រីក​ចម្រើន​លើ​គ្រប់​វិស័យ ក្រោម​ការ​ដឹក​នាំ​ប្រកប​ដោយគតិបណ្ឌិត​​របស់​ សម្ដេច​អគ្គ​មហា​សេនា​បតី​​តេ​ជោ​ ហ៊ុន ​សែន ​នាយក​រដ្ឋមន្ត្រី​ នៃ​ព្រះ​រាជាណាចក្រ​កម្ពុជា​។​ ឯកឧត្តម​ បញ្ជាក់​ទៀត​ថា៖​ ប្រទេស​កម្ពុជា​យើង​ មាន​មោទន​ភាព​ ដោយ​សារតែ​កម្ពុជា​ ទទួល​បាន​តំណក់​ប្រេង​លើក​ដំបូង​ជា​ប្រវត្តិ​សាស្រ្ត​ និង​ជា​តំណក់​ប្រេង​ពរ​ជ័យ​ ដល់​ប្រទេស​កម្ពុជា ​និង​ជា​ពន្លឺ​ឈាន​ទៅ​រក​ការ​អភិវឌ្ឍន៍​ប្រទេស​ជាតិ​ ឲ្យ​កាន់​តែ​មាន​ភាព​រីក​ចម្រើន​ថែម​។ ឯកឧត្តម ​មេ​បញ្ជាការ​តំបន់​ប្រតិបត្តិការ​សឹក​រង​កំពង់​ធំ​ បាន​សំណូមព​រ​ដល់​ប្រជា​ពល​រដ្ឋ​ទាំង​អស់​ ត្រូវ​បន្ត​ការ​ពារ​ខ្លួន​ទប់​ស្កាត់​ការ​ឆ្លង​មេរោគ​កូវីត​-​19​ ដោយ​អនុវត្ត​ឱ្យ​បាន​ត្រឹម​ត្រូវ​តាម​ការ​ណែនាំ​របស់​ក្រសួង​សុខា​ភិបាល​បាន​ដាក់ចុះ​។​

      ឧត្តម​សេនីយ៍​ទោ​ សោម ស៊ុន ​នាំ​យក​អំណោយ​ស្បៀង​អាហារ​ និង​ថវិកា​រប​ស់ ឯកឧត្តម ហ៊ុន ម៉ាណែត មេ​បញ្ជាការ​មេ​ បញ្ជាការដ្ឋាន​កង​ទ័​ពជើង​គោក ​និង​លោក​ជំទាវ​ ពេជ ចន្ទមុន្នី ជូន​ប្រជាពល​រដ្ឋ​ក្រីក្រ​ ដោយ​ក្នុង​មួយ​គ្រួសារ​ទទួល​បាន​នូវ​អង្គរ​ចំនួន​ ២៥​គីឡូក្រាម​ មី​យើង​មួយ​កេះ ​ទឹក​ត្រីទឹ​ក​ស៊ីអ៊ីវ​ចំនួន​មួយ​យួរ ​និង​ថវិកា ​មួយ​ចំនួន​ផង​ដែរ​។ អាជ្ញាធរ​ដែន​ដី​ និង​ប្រជាពលរដ្ឋ​ ដែល​មាន​ជា​ភាព​លំបា​កខ្វះ​ខាត​ សូម​គោរព​ថ្លែង​អំណរគុណ​ដ៏​ជ្រាល​ជ្រៅ​ជា​ទី​បំផុត​ចំពោះ ​ឯកឧត្តម ​ហ៊ុន ម៉ា​ណែត​ និង​លោក​ជំទាវ​ ព្រម​ទាំ​ងក្រុម​ការ​ងារ​ នៃ​បញ្ជាការ​ដ្ឋាន​តំបន់​ប្រតិបត្តិការ​សឹក​រង​កំពង់​ធំ​ ដែល​បាន​ដោះ​ស្រាយ​ការ​លំបាក​ខ្វះ​ខាត ​ជូន​ពួក​គាត់​បាន​ទាន់​ពេល​វេលា​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ