ព័ត៌មាន

កិច្ច​ប្រជុំ​ពិភាក្សា​ការ​ងារ​ នៅ​អគ្គ​បញ្ជាការ​ នៃ​កង​យោធ​ពល​ខេមរ​ភូមិន្ទ​
នាយកដ្ឋានព័ត៌មាន(៣)
151
2101 កិច្ច​ប្រជុំ​ពិភាក្សា​ការ​ងារ​ នៅ​អគ្គ​បញ្ជាការ​ នៃ​កង​យោធ​ពល​ខេមរ​ភូមិន្ទ​

     នៅ​អគ្គ​បញ្ជាការ​ដ្ឋាន​ កាល​ពី​ថ្ងៃទី​០២ ​ខែ​កុម្ភៈ ឆ្នាំ២០២១​ បាន​បើក​កិច្ច​ប្រជុំ​ពិភាក្សា​ការ​ងារ​ ក្រោម​អធិបតី​ភាព​ នាយឧត្តមសេនីយ៍ វង្ស ពិសេន អគ្គ​មេ​បញ្ជាការ​ នៃ​កង​យោធ​ពលខេមរ​ភូមិន្ទ​។ ជា​កិច្ច​ប្រជុំ ​ដើម្បី​ត្រួត ​ពិ​និត្យ​ និង​វាយ​តម្លៃ​លទ្ធផល​ការ​ងារ​ប្រចាំ​សប្ដាហ៍​ ដែល​អគ្គ​មេ​បញ្ជារការ​ នៃ​កង​យោធ​ពល​ខេមរ​ភូមិន្ទ ​បាន​ប្រគល់​ភារ​កិច្ច​ឲ្យ​ឯក​ឧត្ដម​ លោក​ជំទាវ ​អគ្គ​មេប​ញ្ជារការ​រង​ និង​បណ្ដា​ស្ថា​ប័ន ​អង្គភាព ​ដឹក​នាំ​បំពេញ​ភារកិច្ច​ទៅ​តាម​ទួនាទី​ និង​ជំនាញ​និមួយ​ៗ ​ដែល​ឯកឧត្ដម​ អគ្គ​មេ​បញ្ជាការ​បាន​ដាក់​ចេញ​។

នាយឧត្តមសេនីយ៍ វង្ស ពិសេន អគ្គ​មេ​បញ្ជាការ​ នៃ​កង​យោធ​ពលខេមរ​ភូមិន្ទ​


      បន្ទាប់​ពី​ឯកឧត្តម​ លោក​ជុំទាវ ​អគ្គ​មេ​បញ្ជាការ​រង ​និង​មេ​បញ្ជាការ ​បណ្ដា​អង្គភាព ​ស្ថាប័ន ​ពាក់​ព័ន្ធ ​បាន​រាយ​ការ​ណ៍អំ​ពី​លទ្ធផល​ការងារ​សម្រេច​បាន​ តាម​បណ្ដា​កង​ឯកភាព​ ដែល​ទទួល​ខុស​ត្រូ​វ​រួច​មក​។​ ​ឯកឧត្តម ​វង្ស ពិសេន ​បាន​មាន​មតិ​លើក​ឡើង​អំពី​បញ្ហា​ពិភព​លោក​ នៅ​មាន​ក្តី​កង្វល់​ អំពី​ជម្ងឺ​កូវីដ​-​១៩ ​ប្រភេទ​ថ្មី​ មាន​ការឆ្លង​លឿន​ជាង​មុន​ និង​បញ្ហា​តំបន់​អាស៊ាន ​រួម​នឹង​អំពី​បញ្ហា​នយោបា​យ​នៅ​ក្នុង​ប្រទេស​មី​យ៉ាន់​ម៉ា​។​ ឯកឧត្តម​ បាន​សម្ដែង​ការ​កោត​សរសើរ​ ចំពោះ​កិច្ច​ខិត​ខំ​ប្រឹង​ប្រែង​ យក​ចិត្ត​ទុក​ដាក់​ខ្ពស់ ​ក្នុ​ង​ការ​ដឹក​នាំ ​សម្រេច​ភារ​កិច្ច​ ទៅ​តាម​ផ្នែក​បណ្ដា​ជំនាញ តា​ម​អង្គភាព​និមួយ​ៗ​ សម្រេច​បាន​នូវ​លិទ្ធផល​ ជា​ទីមោទ​ន:​។​  ឯកឧត្តម​ អគ្គមេ​បញ្ជាការ​ បា​នមាន​ប្រសាសន៍​ វា​យ​តម្លៃ​នូវ​ចំណុច​ខ្លាំង ចំណុចខ្សោយ​ និង​បញ្ហា​ប្រឈម​ខ្លះៗ ​និង​ដាក់​បទ​បញ្ជា​ឲ្យ​អនុវត្ត​ទិ​សដៅ​បន្ត​ ​រួម​មាន៖ ​បន្ត​រៀប​ចំ​អប់រំ​ផ្សព្វ​ផ្សាយ​ ឲ្យ​អង្គភាព​ប្រភេទ​ទ័ព​ និង​បណ្ដាកង​ឯក​ភាព​ក្នុង​កង​យោធ​ពល​ខេមរ​ភូមិន្ទ ​ឲ្យ​ដល់​នាយ​ទាហាន​ នាយ​ទាហាន​រង​ ពល​ទាហាន ​កម្ម​សិក្សា​ការី​បាន​យល់​ដឹង​នូវ​ច្បាប់​ បទ​បញ្ញាតិ ​វិន័យ​ និង​លក្ខន្តិកៈ​របស់​កង​ទ័ព​។​ នៅ​ពេល​គោរព​ទង់​ជាតិ​ ប្រជុំ​ត្រីមាស​ ឬ​ឆមាស​ ត្រូវ​ឆ្លៀត​អប់រំ​ចិត្ត​សាស្ដ្រ​បន្ថែម​ទៀត​។​ ​ឯកឧត្តម​ ​ក៏បាន​ស្នើសុំ​ឲ្យ​កិច្ច​ការ​នារី​ ត្រៀម​លក្ខណៈ​រៀបចំ​ធ្វើ​ពិធី​រំលឹក​ទិវាសិទ្ធិនារី​ខួប​លើក​ទី​១១​០ ឆ្នាំ​២០២១​ ជូន​ដល់​យោធិន​នារី​។​ បន្ដ​ប្រជុំ​ពិភាក្សា​ការ​ងារ​រៀប​ចំ​ ឃ្លាំង​ទុក​ដាក់ ​សំរាប់​រក្សា​សីតុណ​ភាព​ និង​គុណភា​ព​ វ៉ាក់​សាំង​ ការ​ពារ​ជំងឺ​កូវីដ​១៩​ និង​ចាត់​ចែង​បែង​ចែក​គ្រូ​ពេទ្យ​ជា​ក្រុម​ ក្នុង​នោះត្រូវ​កំណត់​ទីតាំង​សំរាប់​ការ​ចាក់​វ៉ាក់​សាំង​ ឱ្យ​បាន​ច្បាស់​លាស់​។ ឯកឧត្តម​បាន​បញ្ជាក់​ថា​៖ យើងមា​ន​វ៉ាក់​សាំង​គ្រប់​គ្រាន់​សំរាប់​ចាក់​ដល់​យោធិន​គ្រប់​រូប​ ការ​ចាក់​វ៉ាក់​​សាំង​ធ្វើ​ឲ្យ​បាន​មុន​រដូវ​បុណ្យ​ចូល​ឆ្នាំ​មក​ដល់​ ដើម្បី​ប្រយុទ្ធ​ប្រឆាំង ​ការពារ​ និង​បង្ការ​ទប់​ស្កាត់​ជម្ងឺ​កូវីដ​-​​១៩​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ