ព័ត៌មាន

នាយ​ឧត្តម​សេនីយ៍ ​ឥត ​សា​រ៉ាត់ ​អញ្ជើញ​គោរព​វិញ្ញាណក្ខន្ធ​​សព​ ឧត្តម​សេនីយ៍​ទោ​ ហ៊ុន ​សូ​ផាត​
នាយកដ្ឋានព័ត៌មាន(៣)
449
2716 នាយ​ឧត្តម​សេនីយ៍ ​ឥត ​សា​រ៉ាត់ ​អញ្ជើញ​គោរព​វិញ្ញាណក្ខន្ធ​​សព​ ឧត្តម​សេនីយ៍​ទោ​ ហ៊ុន ​សូ​ផាត​

        ឯកឧត្តម​ នាយ​ឧត្តម​សេនីយ៍ ​ឥត ​សា​រ៉ាត់ ​អគ្គ​មេ​បញ្ជាការ​រង​ នាយ​សេនា​ធិការ​ចម្រុះ​ នៃ​កង​យោធ​ពល​ខេមរ​ភូមិន្ទ​ តំណាង​ដ៏​ខ្ពង់​ខ្ពស់​ ​ឯកឧត្តម ​នាយ​ឧត្តម​សេនីយ៍​ អគ្គ​មេ​បញ្ជាការ​ នៃ​កង​យោធ​ពល​ខេមរ​ភូមិន្ទ ​ និង​សម្ដេច​ពិជ័យ​សេនា ​ឧបនាយក​រដ្ឋមន្ត្រី ​រដ្ឋមន្ត្រី​ក្រសួង​ការ​ពារ​ជាតិ​ អម​ដំណើរ​ដោយ​ ឧត្តមសេនីយ៍​ឯក​ សៅ ​សា​រឿន ​អគ្គនាយក​រង​ អគ្គ​នាយក​ដ្ឋាន​ យោធ​សេវា ​និ​ង​ជា​ប្រធាន​អនុ​គណៈ​កម្មការ​រៀប​ចំ​បុណ្យ​សព​ថ្នាក់​ ឧត្តមសេនីយ៍ ​ឧត្តម​នាវី​ របស់​ក្រសួង​ការ​ពារ​ជា​តិ រួម​និង​មន្ត្រី​យោធា​ជាន់​ខ្ពស់​ក្នុង​អគ្គ​មេ​បញ្ជាការ​ នៃ​កង​យោធ​ពល​ខេមរ​ភូមិន្ទ​ជា​ច្រើន​រូប​ បាន​ដឹក​នាំ​ប្រតិភូរ​បស់​ក្រសួង​ការ​ពារ​ជាតិ​ អគ្គ​មេ​បញ្ជាការ​ និង​សេនា​ធិការ​ចំរុះ​ នៃ​កង​យោធ​ពល​ខេមរ​ភូមិន្ទ ​អញ្ជើញ​ទៅ​ដាក់​កម្រង​ផ្កា​ គោរព​វិញ្ញាណក្ខន្ធ​ និង​បំពាក់​ឋានន្តរ​សក្តិ​ថ្នាក់​ឧត្តម​សេនីយ៍​ឯ​ក ដល់​សព​ ឯកឧត្តម​ ឧត្តម​សេនីយ៍​ទោ​ ហ៊ុន ​សូ​ផាត​ នាយក​រង​ទី​ចាត់​ការ​បំភ័ន្ត​អក្ខរៈ​ អគ្គ​បញ្ជាការ​ ដែ​ល​បាន​ទទួល​មរណ​ភាព​កាល​ពី​ព្រឹក​ថ្ងៃ​អាទិត្យ ​១៤​កើត ​ខែ​បុស្ស ​ឆ្នាំ​ឆ្លូវ ​ត្រី​ស័ក​ ពុទ្ធ​ស័ក​រា​ជ ២៥៦៥ ​ត្រូវ​នឹង​ថ្ងៃ​ទី​១៦​ ខែ​មករា​ ឆ្នាំ​២០២២​ វេលា​ម៉ោង ​០៥ៈ៣០​នាទី​ព្រឹក​ ក្នុង​ជន្មាយុ​ ៦៥​ឆ្នាំ ​ដោយ​មុខ​របួស​ចាស់​សើរើ ​។ 

        សព ឧត្តម​សេនីយ៍​ទោ​ ហ៊ុន​ សូ​ផាត​ នាយក​រ​ងទី​ចាត់​ការ​បំភ័ន្ត​អក្ខរៈ​ អគ្គបញ្ជាការ​ ត្រូ​វបាន​គណៈ​កម្មការ​រៀប​ចំ​បុណ្យ​សព​ ថ្នាក់​ឧត្តមសេនីយ៍ ​ឧត្ត​ម​នាវី​ របស់​ក្រសួង​កា​រពារ​ជាតិ​ និង​អគ្គ​បញ្ជាការ​ រួម​ជា​មួយ​ និង​ក្រុម​គ្រួសារ​សាច់​ញាតិ​ នៃ​សព​តម្កល់​ធ្វើ​បុណ្យ​ទក្ខិណា​នុប្បទាន​ទៅ​តាម​ប្រពៃណី​ព្រះពុទ្ធ​សាសនា​ខ្មែរ​យើង​ តាម​បែប​ពិធី​ការ​កង​ទ័ព​រយៈ​ពេល​ ៤​ថ្ងៃ​ គឺ​ចាប់​ពី​ថ្ងៃទី១៦​ ដល់​ថ្ងៃទី​១៩ ​ខែម​ករា​ ឆ្នាំ​២០២២​ នា​វេលា​ល្ងាច​ថ្ងៃ​ទី​១៩​ ដដែលនោះ​ទើប​រៀប​ចំ​ធ្វើ​ពិធី​ដង្ហែ​ទៅ​កាន់​ឈាប្បនដ្ឋាន​វត្តខ្ទ​រ ដើម្បី​ប្រទាន​ភ្លើង​បូជា​សព​ជា​ផ្លូវ​ការ​ ស្ថិត​ក្នុង​បរិវេន​វត្ត​ខ្ទរ​ ផ្លូវ​ជាតិ​លេខ​ ៦A ​ភូមិ​ខ្ទ​រ សង្កាត់​ ព្រែ​កលាប ​ខណ្ឌ​ជ្រោយ​ចង្វារ​ រាជ​ធានី​ភ្នំពេញ​។

       ​ ដើម្បី​ចូល​រួម​រំលែក​ទុក្ខ​ដ៏​ក្រៀម​ក្រំ​ប្រក​ប​ដោយ​ការ​សោក​ស្ដាយ​អាឡោះ​អាល័យ ​ជា​មួយ​នឹង​ក្រុម​គ្រួសារ​សាច់​ញាតិ​នៃសព​ ឯកឧត្តម​ឧត្តមសេនីយ៍​ឯក​ ហ៊ុន​ សូ​ផាត​ នាយក​រង​ទីចាត់​ការ​បំភ័ន្ត​អក្ខរៈ អគ្គ​បញ្ជាការ​ ឯកឧត្តម​ នាយ​ឧត្តមសេនីយ៍ ឥត សារ៉ាត់ អគ្គ​មេ​បញ្ជាការ​រង​ នា​យ​សេនា​ធិការ​ចម្រុះ​ នៃ​កង​យោធ​ពល​ខេមរ​ភូមិន្ទ​ រួម​ជា​មួយ​ថ្នាក់​ដឹ​កនាំ ​កង​កម្លាំ​ងប្រដាប់​អាវុធ ​មន្ត្រី​រាជការ ​នាយ​ទាហាន​ នាយ​ទាហាន​រ​ង និង​ពល​ទាហាន ​ក្នុង​អគ្គ​​បញ្ជាការដ្ឋាន​ជា​ច្រើន​រូប​ទៀត​ ក៏​បាន​អញ្ជើញ​ទៅ​ដាក់​កម្រង​ផ្កា​ អុជ​ធូប​ គោរព​វិញ្ញាណ​ក្ខ័ន្ធ ​ព្រម​ទាំង​បាន​បំពាក់​ជូន​នូវ​ឋានន្តរសក្កិ​ថ្នាក់​ឧត្តមសេនីយ៍​ឯ​ក ជូន​ដល់​សព​ ឧត្តម​សេនីយ៍​ទោ​ ហ៊ុន ​សូ​ផាត​ ជា​កិច្ច​បច្ឆា​មរណៈ​ជា​លើ​កចុ​ង​ក្រោយ​ ឱ្យ​សាក​សម​ទៅ​នឹ​ង​មហា​កិត្តិយ​ស ដែល​ឯកឧត្តម​បាន​លះប​ង់​សាច់​ស្រស់​ឈាម​ស្រ​ស់​ ក្នុង​ការ​បម្រើ​បុព្វ​ហេតុ​ការ​ពារ​ជាតិ​មាតុ​ភូមិ​កន្ល​ងម​ក​ ព្រម​ទាំង​បាន​ថ្លែង​នៅ​ការ​ចូល​រួម​រំលែក​ទុក្ខ​ដ៏ក្រៀម​ក្រំ​ និង​សោក​ស្ដាយ​ជា​ទី​បំផុត​ជា​មួយ​លោក​ជំទាវ​ជា​ភរិយា​នៃស​ព​ ចំពោះ​ការ​បាត់​បង់​ ស្វាមី​ ឪពុក ​ឪពុក​ក្មេក ​ជា​ជីតា​ដ៏​ល្អ ​ជា​មិត្តភក្កិ ​និង​ជា​យុទ្ធមិត្ត​រួម​អាវុធ​លើ​វិស័យ​ការ​ពារ​ជាតិ​ ដោយ​បាន​ចាត់​ទុក​ថា​ ការ​ស្លាប់​របស់​ ឯកឧត្តម ឧត្តម​សេនីយ៍​ឯក​ ហ៊ុន ​សូផា​ត​ គឺ​ជា​ការ​បាត់​បង់​វីរៈ​កុលបុត្រ​ខ្មែរ​ ដ៏​ឆ្នើម​មួយ​រូប​ ដែល​បាន​ខិត​ខំ​តស៊ូ​ជម្នះ​រាល់​ឧបសគ្គ ​និង​ការ​លំបាក​នានា ​បូជាសាច់​ស្រ​ស់ ឈាម​ស្រ​ស់ ក្នុង​ការ​ចូល​រួម​ចំ​ណែក​ក្នុង​បុព្វហេតុ​ការ​ពារ​អធិបតេយ្យ​ បូរណភាព​ទឹក​ដី​ និង​ភាព​សុខ​សាន្ត​ជូន​ប្រទេស​ជាតិ​ និង​ប្រជាជន​កន្លង​មក​សំរាប់​ជាតិ​យើង​។ ឯកឧត្តម​ នាយ​ឧត្តម​សេនីយ៍​ ឥត​ សា​រ៉ាត់​ បាន​ឧទ្ទិស​បួង​សួង​ដល់​ដួង​វិញ្ញាណ​ខន្ត​សព​ ឯកឧត្តម​ ឧត្តម​សេនីយ៍​ឯក​ ហ៊ុន​ សូ​ផាត​ សូម​បាន​ទៅ​កាន់​សុគតិភព​កុំបី​ឃ្លៀង​ឃ្លា​តឡើយ​។ ថ្នាក់​ដឹក​នាំ ​នាយទាហាន នាយទា​ហាន​រ​ង និង​ពល​ទាហាន ក្នុង​កង​យោធ​ពលខេមរ​ភូមិន្ទ​ នឹង​កត់​ត្រា​ទុក​នូវ​ស្នាដៃ ​គំរូវីរៈ​ភាព ​ដ៍​ឆ្នើម​សំរាប់​ជាតិ​ និង​ប្រជាជន ​របស់​ ឯកឧត្តម ឧត្តម​សេនីយ៍​ឯក​ ហ៊ុន​ សូ​ផាត​ នាយក​រង​ទីចាត់​ការ​បំភ័ន្ត​អក្ខរៈ​ អគ្គ​បញ្ជាការ​ សម្រាប់​ជា​គំរូ​ដល់​មនុស្ស​ជំនាន់​ក្រោយ​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ