នៅរសៀលថ្ងៃអង្គារទី០៤ខែសីហា ឯកឧត្តម ទៀបាញ់ អនុញ្ញាតអោយឯកឧត្តម គ្រីស្តូហ្វ័រ មិនតេរ៉ូឯកអគ្គរដ្ឋទូតភីលីពីនតែងតាំងថ្មីចូលជួបសំដែងការគួរសមនៅទីស្តីការក្រសួងការពារជាតិ។
នៅក្នុងជំនួបនាឳកាសនោះឯកឧត្តម ឯកអគ្គរដ្ឋទូត ភីលីពីនបានសំដែងនូវក្តីសោមនស្ស រីករាយ ដែលបានមកបំពេញបេសកកម្មការទូតនៅកម្ពុជា ដើម្បីបន្តទំនាក់ទំនង ប្រពៃណី មិត្តភាព កម្ពុជា ភីលីពីន។ក្រៅពីការពិភាក្សាអំពី ទំនាក់ទំនងកិច្ចសហប្រតិបត្តិការរវាង ប្រទេសទាំង២ កម្ពុជា ភីលីពីន ទាក់ទងទៅនឹងវិស័យយោធា ឯកឧត្តម ឯអគ្គរដ្ឋទូតភីឡីពីន បានបញ្ជាក់ថា៖ ទោះបីជាប្រទេសភីឡីពីនមិនអាចជួយដល់កងទ័ពកម្ពុជា លើផ្នែកសំភារៈ ផ្សេងៗ តែភីលីពីនអាចជួយតាមវិធីសាស្រ្តផ្សេងៗ តាមរយៈការបណ្តុះបណ្តាលធនធានមនុស្ស ក្នុងជួរកងទ័ព កសាងសមត្ថភាពដល់កងទ័ពកម្ពុជា។ ទន្ទឹមនិងនេះ ឯកឧត្តមក៏ចង់រៀនសូត្រពី កម្ពុជាវិញផងដែរ លើផ្នែកដោះបំផ្លាញគ្រាប់មីនទាក់ទង និង ចំណាប់អារម្មណ៍របស់ភីលីពីន ដែលមានបំណងចង់រៀនសូត្រផ្នែកជំនាញដោះមីនពីកម្ពុជា ឯកឧត្តម នាយឧត្តមសេនីយ៍ ទៀ បាញ់ បានបញ្ជាក់ថា៖ កម្ពុជាអាចមានលទ្ធភាពជយយបណ្តុះបណ្តាលជំនាញដោះមីនបានពី ព្រោះនៅកម្ពុជាមានមជ្ឈមណ្ខល មានសាលាហ្វឹកហ្វឺន ដែលកន្លងមកបានបណ្តុះបណ្តាលជំ នាញដោះបំផ្លាញមីន ហើយចេញទៅបំពេញភារកិច្ចទទួលបានលទ្ធផលល្អលើមុខជំនាញនេះ។
