ក្នុងឳកាសអញ្ជើញមកបំពេញទស្សនៈកិច្ចជាផ្លូវការនៅកម្ពុជា គណៈប្រតិភូក្រសួងការពារជាតិ សឹង្ហបុរី ដឹកនាំដោយឯកឧត្តម ចាន់ យឺងឃីក(Chan Yeng Kit) រដ្ឋលេខាធិការក្រសួងការពារជាតិសឹង្ហបុរី បានចូលជួបសំដែងការគួរសមជាមួយ ឯកឧត្តម នាយឧត្តមសេនីយ៍ ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ កាលពីរសៀល ថ្ងៃទី ៣ ខែ សីហា កន្លងទៅនេះ។
ក្នុងជំនួបនោះ ឯកឧត្តម នាយឧត្តមសេនីយ៍ ទៀ បាញ់ បានថ្លែងការស្វាគមន៍ចំពោះ គណៈប្រតិភូក្រសួងការពារជាតិសឹង្ហបុរីដែលបានមក បំពេញទស្សនៈកិច្ចនៅកម្ពុជា ដោយ ឯកឧត្តម នាយឧត្តមសេនីយ៍ ទៀ បាញ់ ឧបនាយករដ្ឋមន្រ្តី បានចាត់ទុកការផ្លាស់ប្តូរទស្សនៈកិច្ច ជួបពិភាក្សាគ្នាទៅវិញ នេះបាននាំមកនូវ ការពង្រឹងទំនាក់ទំនងរវាងប្រទេសទាំង២ កងទ័ពទាំង ពី អោយបានកាន់តែល្អប្រសើរថែមទៀត កំណើនទស្សនៈកិច្ចនាពេលនេះ នឹងជួយបង្កើនទំនាក់ ទំនងការងារ រវាងក្រសួងការពារជាតិទាំង២ អោយបានកាន់តែល្អបន្ថែមទៀត។ ឆ្លើយតបទៅ នឹងសំណូមពររបស់ប្រតិភូក្រសួងការពារជាតិសឹង្ហបុរី ទាក់ទងទៅនឹងការចូលរួមក្នុងប្រជុំរដ្ឋមន្រ្តី ការពារជាតិអាស៊ាននៅប្រទេសម៉ាឡេស៊ី នៅក្នុងខែវិច្ចិកា ឆ្នាំ២០១៥ខាងមុខ ឯកឧត្តម នាយឧត្តមសេនីយ៍ ទៀ បាញ់ ឯកឧត្តមនឹងដឹកនាំគណៈប្រតិភុក្រសួងការពារជាតិកម្ពុជា ទៅចូលរួមក្នុងកិច្ចប្រជុំរដ្ឋមន្រ្តីការពារជាតិអាស៊ានក្រៅផ្លូវការ និងកិច្ចប្រជុំរដ្ឋមន្រ្តីការពារជាតិ អាស៊ានពូក នៅក្នុងប្រទេសម៉ាឡេស៊ីនាចុងឆ្នាំនេះ។ ឆ្លៀតក្នុងឳកាសនោះ ឯកឧត្តម នាយឧត្តមសេនីយ៍ ទៀ បាញ់ បានលើកឡើងនូវ ទស្សនៈវិស័យមួយចំនួនជុំវិញការដោះស្រាយ បញ្ហាប្រឈមនានាដែលកើតមានឡើងនៅក្នុងតំបន់ ក្រៅតំបន់តាមរយៈយន្តការនានា ដោយឈរលើគោលការណ៍ច្បាប់ជាមូលដ្ឋាន មានមតិឆ្លើយមកវិញ ឯកឧត្តម ចាន់យឺង ឃីក បានបញ្ជាក់ថា៖ ចំពោះប្រទេសសឹង្ហបុរីបានចាត់ទុកវេទិការ កិច្ចប្រជុំរដ្ឋមន្រ្តីការពារជាតិ អាស៊ាន និងកិច្ចប្រជុំរដ្ឋមន្ត្រីការពារជាតិអាស៊ានបូក គឺជាវេទិការមួយដ៏សំខាន់ណាស់ ដែល បញ្ហាប្រទេសផ្សេងៗបានមកចូលរួមធ្វើការពិភាក្សាគ្នា។ ឯកឧត្តម បានបន្តថា៖ កិច្ចប្រជុំរដ្ឋមន្ត្រី ការពារជាតិអាស៊ានបូកក្នុង៥ឆ្នាំកន្លងទៅបានផ្តល់ផលប្រយោជន៍ច្រើនគឺក្រៅពីប្រទេសអាស៊ាន ទាំង១០បានជជែកគ្នាក្នុងបញ្ហាសន្តិសុខផ្នែកការពារជាតិនេះ គឺយើង បានឃើញដៃគូរបូកបាន លើកយកប្រធានបទជាច្រើនមកពិភាក្សាជាមួយអាស៊ាន៕
