ព័ត៌មាន

ពិធីបញ្ចុះ​បឋម​សិលា ​និង​បើកការ​ដ្ឋាន​សាង​សង់​ស្តូប​អុស្សាវរី​យ៍​នយោ​បាយ​ ឈ្នះ​ ឈ្នះ​ ខេត្តប៉ៃ​លិន​
នាយកដ្ឋានព័ត៌មាន(៣)
66
2852 ពិធីបញ្ចុះ​បឋម​សិលា ​និង​បើកការ​ដ្ឋាន​សាង​សង់​ស្តូប​អុស្សាវរី​យ៍​នយោ​បាយ​ ឈ្នះ​ ឈ្នះ​ ខេត្តប៉ៃ​លិន​

       ថ្ងៃទី០៨​ ខែ​ឧសភា​ ឆ្នាំ​២០២​២ នៅ​ខេត្ត​ប៉ៃលិន​ បាន​ប្រារព្ធ​ពិធី​បញ្ចុះ​បឋម​សិលា​ និង​បើក​ការ​ដ្ឋាន​សាង​សង់​ស្តូប​អុស្សាវរីយ៍​នយោ​បាយ​ ឈ្នះ ឈ្នះ ​ប៉ៃ​លិន​ ដែល​ពិធី​នេះ​បាន​ប្រព្រឹត្ត​ទៅ​ក្រោម​អធិប​តី​ភាព​ សម្តេចពិជ័យ​សេនា ទៀ ​បាញ់ ​ឧបនាយក​រដ្ឋមន្រ្តី ​រដ្ឋមន្ត្រី​ក្រសួង​ការ​ពារ​ជាតិ ​និង​ជា​ប្រធាន​គណៈ​កម្មាការ​សាង​សង់​វិមាន​ឈ្នះ ឈ្នះ​។

        ក្នុង​ពិធី​បញ្ចុះ​បឋម​សិលា​ បើ​ការដា្ឋន​សាង​សង់​ស្តូប​អនុស្សាវរីយ៍​នយោ​បាយ​ឈ្នះ ឈ្នះ​ ប៉ៃលិន​ នា​ពេល​នោះ ​ក៏​បាន​ប្រារព្ធ​ពិធី​ក្រុង​ពាលី ​សុំ​ម្ចាស់​ទឹក​ម្ចាស់​ដី​ ដើម្បី​បួង​សួង​សុំ​សេចក្តី​សុខ ​សេចក្តី​ចំរើន​ និង​ដើម្បី​អោយ​ដំណើរ​ការ​សាង​សង់​ស្តូប​ឈ្នះ ឈ្នះ ​ប៉ៃលិន ​ប្រព្រឹត្ត​ទៅ​ប្រកប​ដោយ​សុវត្ថិភាព ​និង​ទទួល​បាន​លទ្ធផ​ល​ល្អ​។

        លោក​ជំទាវ​ បាន ​ស្រី​មុំ ​អភិបាល ​នៃ​គណៈ​អភិបាល ​ខេត្ត​ប៉ៃ​លិន​ បាន​បញ្ជាក់​អោយ​ដឹង​ថា៖​ ខេត្ត​ប៉ៃលិន ​បាន​ទទួល​សមិទ្ធ​ផល​ជា​ច្រើន​ពី​សន្តិភាព​ រហូត​មក​ដល់​បច្ចុប្បន្ន​បាន​ប្រែ​ក្លាយ​ទឹក​ដី​ខេត្ត​ប៉ៃលិន​ពី​តំបន់​សម​រភូមិ​គួរ​ឱ្យ​ខ្លាច​មក​ជា​តំបន់​ដែល​មាន​ការ​អភិវឌ្ឍលើ​គ្រប់​វិស័យ ​ពី​តំបន់​ដែល​ពោរ​ពេញ​ដោយ​គ្រាប់​មី​ន និង​យុទ្ធភ័ណ្ឌ​មិន​ទា​ន់ផ្ទុះ​ ដែល​បាន​បន្សល់​ទុក​ពី​ភ្លើង​សង្រ្គា​ម ប្រែ​ក្លាយ​ជា​រមណីយ​ដ្ឋាន​ទេស​ចរណ៍​ ហើយ​តំបន់​ព្រំ​ដែន​ក៏​បាន​ក្លាយ​ជា​ព្រំ​ដែន​មិត្តភាព​ មាន​កិច្ច​សហប្រតិ​បត្តិការ​ ខេត្ត​ជាប់​ព្រំ​ដែន​ ដែល​មាន​ប្រជា​ពលរដ្ឋ​រស់​នៅ​យ៉ាង​ច្រើន​កុះករ​។ 

        ក្នុង​ឱកា​ស​នោះ នាយ​ឧត្តម​សេនីយ៍ ​អ៊ី ​ឈាន ​រដ្ឋ​លេខា​ធិការ​ក្រសួង​ការ​ពារ​ជាតិ ​និង​ជា​ប្រធាន​អនុ​គណៈ​កម្មការ​សាង​សង់​ ស្តូប​អនុស្សាវរីយ៍​នយោ​បាយ​ឈ្នះ ឈ្នះ​ ប៉ៃ​លិ​ន បាន​បញ្ជាក់​អោយដឹ​ង​ថា៖​ ស្តូប​អុស្សាវរីយ៍​នយោ​បាយ ​ឈ្នះ ឈ្នះ​ប៉ៃ​លិន​ ដែល​បាន​បើក​ការ​ដ្ឋាន​សាង​សង់​នា​ពេល​នេះ ​មាន​ទំហំ ​៥៩​ គុណ​នឹង​ ៥៩​ ម៉ែត្រ​ និង​កម្ពស់​ ៥០,​៩ ​ម៉ែត្រ​, សាង​សង់​លើ​ផ្ទៃ​ដី​ ២៦.០០០ ​ម៉ែត្រ​ក្រឡា​។ ឯកឧត្តម ​បញ្ចា​ក់​ថា៖ ​ស្តូប​នេះ​បន្ទាប់​ពី​សាង​សង់​រួច​នឹង​ក្លាយ​ទៅ​ជា​សំណង់​ប្រវត្តិ​សាស្ត្រ​ដ៏​សំខាន់​មួយ​ទៀត ​នៅលើ​ទឹក​ដី ​ឈ្នួ​ន​ផ្ទុះ​សន្តិភាព​ ប៉ៃ​លិន​។

សម្តេចពិជ័យ​សេនា ទៀ ​បាញ់ ​ឧបនាយក​រដ្ឋមន្រ្តី ​រដ្ឋមន្ត្រី​ក្រសួង​ការ​ពារ​ជាតិ ​និង​ជា​ប្រធាន​គណៈ​កម្មាការ​សាង​សង់​វិមាន​ឈ្នះ ឈ្នះ


        ថ្លែង​ទៅ​កាន់​ពិធី ​បញ្ចុះ​បឋម​សិលា​ និង​បើក​ការ​ដ្ឋាន​សាង​សង់​ស្តូប​អុស្សាវរីយ៍​នយោ​បាយ ​ឈ្នះ ឈ្នះ​ប៉ៃលិន ​សម្តេច​ពិជ័យ​សេនា​ ទៀ ​បាញ់ ​បាន​បញ្ជាក់​ថា៖​ ការ​បើក​ការ​ដ្ឋាន​សាង​សង់​ស្ថូប​ឈ្នះ ឈ្នះ ​ប៉ៃលិន​នា​ថ្ងៃ​នេះ ​គឺ​ជា​សមិទ្ធផល​ថ្មី​មួយ​ទៀត​ក្នុង​ចំណោម​សមិទ្ធ​ផល​ជា​ច្រើន​ ដែល​រាជ​រដ្ឋាភិបាល ​គណៈ​កម្មការ​សាង​សង់​វិមាន​ឈ្នះ ឈ្នះ ​សម្រេច​បាន​ រួម​ចំណែក​ យ៉ាង​សំខាន់​ក្នុង​ការ​អនុវត្ត​គោល​ដៅ​ជា​យុទ្ធសាស្ត្រ​រប​ស់​រាជ​រដ្ឋាភិបាល​លើ​ការ​អភិវឌ្ឍវិស័យ​ទេស​ចរណ៍​ និងវប្បធម៌​ប្រវត្តិ​សាស្ត្រ​ប្រកប​ដោយ​ជីរភាព​។ រហូត​មក​ដល់​ពេល​នេះ ​គណៈ​កម្មការ​សាង​សង់​វិមាន​ឈ្នះ ឈ្នះ​ តាម​រយៈ​អនុគណៈ​កម្មការ​សាង​សង់​ស្តូប​ឈ្នះ ឈ្នះ​ បាន​រៀប​ចំ​ពិធី​បញ្ចុះ​បឋម​សិលា ​និង​បើក​ការ​ដ្ឋាន​សាង​សង់​ស្តូប​ ឈ្នះ ​ឈ្នះ ​មាន​ជា​អាទិ៍ ​ថ្ងៃទី​៣០​ ខែ​ឧសភា ​ឆ្នាំ​២០២០​ នៅ​ខេត្ត​កោះ​កុង​, ថ្ងៃទី​០៩​ ខែ​មី​នា​ ឆ្នាំ​២០២២ ​នៅ​អន្លង់​វែង​ ហើយ​ថ្ងៃនេះយើ​ង​រៀបចំ​ពិធី​បញ្ចុះ​បឋម​សិលា​ និង​បើក​ការ​ដ្ឋាន​សាង​សង់​ស្តុប​ឈ្នះ ឈ្នះ ​នៅ​ខេត្ត​ប៉ៃលិន​។​ ការ​សាង​ស​ង់វិមា​នឈ្នះ ឈ្នះ ​និង​ស្តូប​ឈ្នះ ឈ្នះ ​នៅ​រាជធានី​ភ្នំពេញ ​និង​នៅ​តាម​ ខេត្ត​មួយ​ចំនួន​នោះ​ បាន​កើត​ឡើង​ក្រោម​គំនិត​ផ្តួច​ផ្តើម​ដ៏​ខ្ពង់​ខ្ពស់​រប​ស់ សម្តេច​តេជោ ​ហ៊ុន ​សែន​ គឺ​ជាការ​អរគុណ ​សន្តិភាព!​ អរគុណ​នយោបាយ​ឈ្នះ ឈ្នះ!​ ដឹង​គុណ​ស្ថាបនិក​ ​មគ្គុទេស​ក៍​ឯក​ និង​ប្រតិបត្តិករ​នយោ​បាយ​ឈ្នះ ឈ្នះ ​ដែល​នាំ​មក​នូវ​សន្តិភាព​ និង​ការ​ឯក​ភាព​ជាតិ​ពេញ​លេញ! ​ដែល​បាន​បង្ហាញ ​“ទី​១ ​វប្បធម៌​កត្តញ្ញូ សម្ដែង​ ការ​ដឹ​ងគុណ ​និង​ការ​ចង​ចាំ​រំឭក​ដល់​ភាព​ស្នា​ដៃ ​និង​ភាព​ឈ្លាស​វៃ​របស់​ថ្នាក់​ដឹក​នាំ​ក្នុង​ការ​ស្វែង​រកសន្តិភាព​ ដែល​បាន​ចំណាយ​សាច់​ស្រស់​ ឈាម​ស្រស់​ ដើម្បី​បុព្វ​ហេតុ​សន្តិភាព ​"ទី២ ​ព្រឹត្តិការ​ណ៍ប្រវត្តិ​សាស្ត្រ​ជាតិ​ "ទី​​៣ ​បញ្ចាក់​ពី​សច្ចភាព​ប្រវត្តិ​សាស្ត្រ​ពិត​ ដែល​បាន​កើត​ចេញ​លើក​ដំបូង​នោះ ​ពី​ដំណើរ​ឆ្ពោះទៅ​ការ​ផ្ដួល​រំលំ​របប ​ប្រល័យ​ពូជ​សាសន៍​ ប៉ុល ​ពត​ ២០​ មិថុនា ​១៩៧៧​ ទើប​មា​នព្រឹត្តិ​ការណ៍​ប្រវត្តិ​សាស្រ្ត​ជា​បន្ត​បន្ទាប់​ និង​ "​ទី​បួន​​ ជា​ទីកន្លែង​សម្រាប់​មនុស្ស​ជំនាន់​ក្រោយ​សិក្សា​ស្វែង​យល់​នូវ​ប្រវត្តិ​សាស្ត្រ​ពិត​រប​ស់ខេត្ត​នីមួយៗ"​ បញ្ជាក់​ពី​វីរភាព​ ពិត​របស់​កូន​ខ្មែរ​សម័យ​នេះ​ និង​ចរឹត​កត់​ត្រាពី​សមត្ថភាព​ចំណេះ​ដឹង​តម្លៃ​ពិត​ប្រាកដ​ នៃ​មគ្គុទេសក៍​អ្នក​ដឹក​នាំ​កម្ពុជា​។​ ​តាម​រយៈ​នយោបាយ​ឈ្នះ ឈ្នះ ​នៅ​ក្នុង​រយៈ​ពេល​២៤​ឆ្នាំ​នេះ​ រាជ​រដ្ឋាភិបាល​បាន​ធ្វើ​ឱ្យ​ប្រទេស​ជាតិ​មាន​ការ​រីក​ចម្រើន​លើ​គ្រប់​វិស័យ​ ទាំង​សេដ្ឋកិច្ច ​សង្គ​មកិច្ច ​វប្បធម៌ ​និង​ហេដ្ឋា​រចនា​សម្ព័ន្ធ​។ សម្តេច​ពិជ័យ​សេនា​ ទៀ បាញ់​ បាន​សំ​ដែង​នូវ​ជំនឿ​យ៉ា​ងមុត​មាំ​ថា​៖​ ស្តូប​ឈ្នះ ឈ្នះ ​ប៉ៃលិន​ ពេល​សាង​សង់​រួច​ នឹង​ទទួល​បាន​ការ​គាំទ្រ​ពី​គ្រប់​មជ្ឈដ្ឋាន​ ដែល​ជា​ការ​ឆ្លើយ​តប​ទៅ​នឹង​តម្រូវ​ការ​ចាំ​បាច់​របស់​ប្រជា​ពលរដ្ឋ​ ក្នុង​ការ​អភិវឌ្ឍ​វិស័យ​វប្បធម៌​ ប្រវត្តិសាស្ត្រ ​ទេសចរណ៍ ​សេដ្ឋកិច្ច​ សង្គម​ និង​យុទ្ធសាស្ត្រ​បន្ថែម​ទៀត​។​ 

       សូម​បញ្ជាក់​ថា៖ ស្តូប​អនុស្សាវរីយ៍​នយោបា​យ​ឈ្នះ ឈ្នះ​ ប៉ៃលិន​ ដែល​បា​នបើក​ការ​ដ្ឋាន​សាង​សង់​នា​ពេល​នេះ ​នឹង​ក្លាយ​ជា​មជ្ឈមណ្ឌល​វប្បធម៌​សន្តិភាព​ ដើម្បី​ការ​អប់រំ​ តាំង​ពិ​ព័ណ៌ ​តម្កល់​ភស្តុតាង​នានា​ ឯកសារ ​ខ្លឹម​សារ​ប្រវត្តិសាស្រ្ត​ពិ​តស្តី​ពី​នយោ​បាយ​ឈ្នះ ឈ្នះ ​អំពី​រឿង​រ៉ាវ​ នៃ​វីរភាព​ របស់​វីរជន​ស្នេហាជាតិ​យើង​ជា​ច្រើន​ឥតគណនា ​ដែល​បាន​ធ្វើ​ពលិកម្ម​ លះ​បង់​ជីវិ​ត ដើម្បី​បុព្វ​ហេតុ ​សន្តិភាព​ និង​សេចក្តី​សុខ​ក្សាម​ក្សាន្ត​ប្រជាជន​គ្រប់​ជំនាន់ ​ទុក​ដ​ល់កូន​ចៅ​បន្ត​វេន​ ដើម្បី​សិក្សា​ស្រាវ​ជ្រាវ​រៀន​សូត្រ​ ចិញ្ចឹម​ស្មារតី​ប្តូរ​ផ្តាច់​ ថែ​រក្សា​សន្តិភាព​អោយ​បាន​ស្ថិត​ស្ថេរ​គង់​វង្ស​ជា​អមតៈ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ