ព័ត៌មាន

ក្រុម​សីលធម៌​សម្រាប់​យោធិន​ នៃ​កង​យោធពល​ខេម​រ​ភូមិន្ទ ​ក្នុង​ដំណើរការ​បោះ​ឆ្នោត​ត្រូវ​បាន​ផ្សព្វ​ផ្សាយ​ជូន​យោធិន ​នៅ​ទី​បញ្ជាការ​តំបន់​ប្រតិបត្តិការ​សឹក​រង​កំពង់​ធំ​
នាយកដ្ឋានព័ត៌មាន(៣)
57
2864 ក្រុម​សីលធម៌​សម្រាប់​យោធិន​ នៃ​កង​យោធពល​ខេម​រ​ភូមិន្ទ ​ក្នុង​ដំណើរការ​បោះ​ឆ្នោត​ត្រូវ​បាន​ផ្សព្វ​ផ្សាយ​ជូន​យោធិន ​នៅ​ទី​បញ្ជាការ​តំបន់​ប្រតិបត្តិការ​សឹក​រង​កំពង់​ធំ​

       កាល​ពី​ថ្ងៃ​ទី​១៦​ ខែ​ឧសភា ​កន្លង​ទៅ​នេះ​ ឧត្តម​សេនីយ៍​ទោ​ សោម ​ស៊ុន ​មេ​បញ្ជាការ​តំបន់​ប្រតិបត្តិការ​សឹក​រង​កំពង់​ធំ​ បាន​អញ្ជើញ​ជា​អធិបតីភាព​ ក្នុ​ង​ពិធី​បើក​វគ្គ​ផ្សព្វ​ផ្សាយ​ក្រម​សីលធម៌​សម្រាប់​យោធិន​ នៃ​កង​យោធ​ពលខេម​រ​ភូមិន្ទ​ ក្នុង​ដំណើរ​ការ​បោះ​ឆ្នោត​ ​ដែល​ពិធី​នេះ​ប្រព្រឹត្ត​ទៅនៅ​ទី​បញ្ជាការ​តំបន់​ប្រតិបត្តិការ​សឹក​រង​កំពង់​ធំ​ ស្ថិត​នៅ​ភូមិ​ថ្នល់​បែក​ ឃុំ​ត្រពាំង​ឫស្សី​ ស្រុក​កំពង់​ស្វាយ​ ខេត្ត​កំពង់​ធំ​​។

      ឧត្តម​សេនីយ៍​ទោ​ សោម​ ស៊ុន ​បាន​មាន​ប្រសាសន៍​ថា​៖ ការ​ផ្សព្វផ្សាយ​រៀនសូត្រ​អំពី​ក្រម​សីលធម៌ ​សម្រាប់​យោធិន​ នៃ​កង​យោធ​ពលខេមរ​ភូមិន្ទ​ ក្នុង​ដំណើរ​ការ​បោះ​ឆ្នោត​នៅ​ថ្ងៃ​នេះ​ គឺ​ស្រប​តាម​សភាព​ការណ៍​ ដែល​នៅ​ពេល​ខាង​មុខ​ដ៏​ខ្លី​នេះ​ នៅ​ទូ​ទាំ​ង​ព្រះ​រាជាណាចក្រ​កម្ពុជា ​បាន​រៀបចំ​ដំណើរ​ការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ​-​សង្កាត់​ អាណត្តិ​ទី​៥​។ ដូច្នេះ​ដើម្បី​បញ្ចៀស​បាន​នូវ​រាល់​កំហុស​ឆ្គ​ង​ផ្សេងៗ ​ដែល​កើត​មាន​ឡើង​ដោយ​អចេត​នា​នូវ​រាល់​សកម្មភាព​ ដែល​មាន​ចែង​នៅ​ក្នុង​ក្រម​សីលធម៌ ​សម្រាប់​យោធិន នៃ​កង​យោធ​ពល​ខេមរ​ភូមិន្ទ​  យោធិន​យើង​ទាំ​ង​អស់​គ្នា​ត្រូវ​សិក្សា​ស្វែង​យល់​ឲ្យ​បាន​ច្បាស់​លាស់​ជៀស​វាង​ការ​ខាត​បង់​ថវិកា​ក្នុង​ការ​ពិន័យ​ នឹង​ទទួល​ទោស​ទណ្ឌ​ផ្សេងៗ​តាម​ផ្លូវ​ច្បាប់​។

        ឧត្តម​សេនីយ៍​ត្រី​ ង៉ាង ​ស ​មេ​បញ្ជាការ​រង​ទទួល​បន្ទុក​អប់រំ​ចិត្ត​សាស្ត្រ​ នឹង​ផ្នែក​ច្បាប់​ នៃ​បញ្ជាការ​ដ្ឋាន​តំបន់​ប្រតិបត្តិការ​សឹក​រង​កំព​ង់ធំ ​បាន​ឡើង​ឧទ្ទេស​នាម​ នូវ​ចំណុច​សំខាន់ៗ​មួយ​ចំនួន ​មាន​ជា​អាទិ៍​ សិទ្ធិ​ភារកិច្ច​ នឹង​បំរាម​ចំពោះ​កង​យោធ​ពល​ខេមរ​ភូមិន្ទ ​ព្រម​ទាំង​ទោស​បញ្ញត្តិ​ក្នុង​ច្បាប់​ស្ដី​ពី​ការ​បោះ​ឆ្នោត​ ដែល​មាន​ការ​ពិន័យ​ជា​ប្រាក់​ និង​ទោស​ព្រហ្ម​ទណ្ឌ​ផ្សេង​ទៀត ​ដើម្បី​ជូន​យោធិន​ម្នាក់ៗ​ បាន​យល់​ជ្រួត​ជ្រាប​ និង​ត្រូវ​ជៀស​វាង​ដាច់​ខា​ត មិន​ត្រូវ​ធ្វើអ្វី​ឱ្យ​ប៉ះ​ពាល់​ដល់​កិត្តិយស​ និង​សេចក្តី​ថ្លៃថ្នូរ​របស់​កង​យោធ​ពលខេ​មរ​ភូមិន្ទឡើយ​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ