ព័ត៌មាន

សម្ដេច​ពិជ័យ​សេនា​ ទៀ ​បាញ់ ​ចុះ​ត្រួត​ពិនិត្យ​ហេត្ថា​រចនា​សម្ព័ន​នានា ​និង​ក្រុង​ពាលី​បញ្ចុះ​ព្រះ​អាថ័ន ​ស្តេច​នាគ​មហា​ជ័យ​ នៅ​តំបន់​ប្រវត្តិ​សាស្ត្រ​យោធា​តេជោ​ អិច ​១៦​
នាយកដ្ឋានព័ត៌មាន(៣)
170
2890 សម្ដេច​ពិជ័យ​សេនា​ ទៀ ​បាញ់ ​ចុះ​ត្រួត​ពិនិត្យ​ហេត្ថា​រចនា​សម្ព័ន​នានា ​និង​ក្រុង​ពាលី​បញ្ចុះ​ព្រះ​អាថ័ន ​ស្តេច​នាគ​មហា​ជ័យ​ នៅ​តំបន់​ប្រវត្តិ​សាស្ត្រ​យោធា​តេជោ​ អិច ​១៦​

       សម្ដេច​ពិជ័​យសេនា​ ទៀ ​បាញ់ ​ឧបនាយក​រដ្ឋមន្ត្រី​ រដ្ឋមន្ត្រី​ក្រសួង​ការ​ពារ​ជាតិ​ និង​ជា​ប្រធាន​គណៈ​កម្មាធិការ​សាង​សង់​វិមាន​ឈ្នះ​ឈ្នះ ​កាលពី​ថ្ងៃទី​ ១៦​ ខែ​មិថុនា ​ឆ្នាំ​២០២២ បាន​អញ្ជើញ​ត្រួត​ពិនិត្យ​ការ​ងារ​សាង​សង់ ​និង​ហេត្ថា​រចនា​សម្ព័​ន​នានា ​និង​ក្រុង​ពាលី​បញ្ចុះ​ព្រះ​អាថ័ន ​ស្តេច​នាគ​មហា​ជ័យ​ នៅ​​តំបន់​ប្រវត្តិ​សាស្ត្រ​​យោធា​តេជោ ​អិច - ១៦​ ឃុំ​ទន្លូង​ ស្រុក​មេមត់​ ខេត្ត​ត្បូង​ឃ្មុំ​ ក្នុង​ឱកាស​អបអរសាទរ​ ខួប​លើក​ទី​៤៥ ​ឆ្នាំ ​ទិវា​ចង​ចាំ ​ដំណើរ​ឆ្ពោះទៅ​កា​រផ្តួល​រំលំ​របប​ប្រល័យ​ពូជ​សាសន៍ ​ប៉ុល​ព​​ត ដែល​នឹង​ប្រព្រឹត្តទៅ​ជា​ផ្លូវកា​រ នៅថ្ងៃ​ទី​២០​ ខែ​មិថុនា ​ឆ្នាំ​២០២២ ​ខាង​មុខ ​ស្ថិត​ក្រោម​អធិបតី​ភា​ព សម្តេច​អគ្គ​មហា​សេនា​បតី​តេជោ ​ហ៊ុន សែន ​នាយក​រដ្ឋមន្ត្រី ​នៃព្​រះរាជាណាចក្រ​កម្ពុជា​ និង​ឯកឧត្តម ​នាយក​រដ្ឋមន្ត្រី ​នៃ​សាធារណរដ្ឋ​សង្គម​និយម​វៀត​ណាម​។​

  សម្ដេច​ពិជ័​យសេនា​ ទៀ ​បាញ់ ​ឧបនាយក​រដ្ឋមន្ត្រី​ រដ្ឋមន្ត្រី​ក្រសួង​ការ​ពារ​ជាតិ​ និង​ជា​ប្រធាន​គណៈ​កម្មាធិការ​សាង​សង់​វិមាន​ឈ្នះ​ឈ្នះ


        អញ្ជើញ​ចូល​រួម​ក្នុង​ឱ​កាស​នោះ​ដែ​រ​មាន​ នាយឧត្តមសេនីយ៍ វង្ស ពិសេន អគ្គ​មេ​បញ្ជាការ​ ខភម​, នាយឧត្តមសេនីយ៍ ឥត សារ៉ាត់ អគ្គ​មេ​បញ្ជាការ​រង​ និង​​ជា​នាយ​សេនា​ធិការ​ចម្រុះ ​ខភម,​ នាយឧត្តមសេនីយ៍ សៅ សុខា អគ្គ​មេ​បញ្ជាការ​រង​ ​ខភម និងជាមេ​បញ្ជាការ កង​រា​ជ​អាវុធហត្ថ​លើ​ផ្ទៃប្រទេស ​ព្រម​ទាំងឯកឧត្ត​ម​ រដ្ខលេខាធិការ អនុ​រដ្ឋលេខាធិការ ​អគ្គនាយក ​តំណាង​ស្ថាប័ន​នា​នា កង​នគរបាល​ និង​អជ្ញាធរ​មូល​ដ្ឋាន​ខេត្ត​ត្បូង​ឃ្មុំ​ជា​ច្រើន​រូប​ទៀត។​

         តាម​របាយការណ៍​សាង​សង់​ របស់​គណៈ​កម្មការសាង​សង់​ តំបន់​ប្រវត្តិសាស្រ្ត​យោធា​តេជោ ហ៊ុន​សែន​ ​កោះ​ថ្ម​ X-16​ បាន​ឲ្យដឹងថា៖ ការ​ស្ថាបនាសា​ង​សង់​នៅ​ក្នុង​តំបន់​នេះ​ ចែក​ចេញ​ជា​ ៣​ដំណាក់​កាល​​។​ ដំណាក់​កាល​ទីមួយ ​ចាប់​ផ្ដើម​ពី​ថ្ងៃទី​២០​ ខែ​មិថុនា ​ឆ្នាំ​២០២០​ ដល់​ថ្ងៃទី២០​ ខែ​មិថុនា ​ឆ្នាំ២០២១ ​បាន​ដំណើរ​ការ​សាង​សង់​អាគារ​វេទិកា​ បន្ទប់​អនាម័យ ​ចាក់​ដី​សង់​អគារ​មិត្តភាព​ ជី​ក​ស្រះ​ទឹក​ ធ្វើ​ប្រព័ន្ធ​លូ​បង្ហូរ​ទឹក​ភ្លៀង ​ផ្គរ​ក្រាល​គ្រួស​កៅ​ស៊ូ ​តារាង​បាល់​ទាត់​ បង្គោល​ភ្លើង​សឡា ​ដោយ​ចំណា​យ​អស់​ថវិកា ​១​លាន​ ៥៣៥​ពាន់​ ៧៥៨​ដុល្លារ​អាមេរិក​។​ កសាង​នៅដំ​ណាក់​កាល​ទី​ ២​ គិត​ចាប់​ពីថ្ងៃទី​២​០​ ខែ​មិថុនា ​ឆ្នាំ២​០២១​ ដល់​ថ្ងៃទី ​២០ ​ខែមិ​ថុនា ​ឆ្នាំ​២០២២​ បាន​ធ្វើការ​ ក្រាល​ម៉ាប ​ជីក​អណ្ដូង​ទឹ​ក រូប​នាគ​ ពុទ្ធរូប​ព្រះ​អង្គគោក​ធ្លក​ ចាក់​បេតុងក​សាង​ផ្លូវ​ ក្រាលគ្រួស​ក្រហម ធ្វើ​ព្រលាន​យន្តហោះ​ចុះ​ឧទ្ធម្ភាគចក្រ ​បំពាក់ ​អេក្រង់ ​អិល អ៊ីឌី នៅអគារ​មិត្តភាព​ ដាំ​ស្មៅ ​ដោយ​ចំណាយ​អស់​ថវិកា ​ជាង​ ២​លា​ន ដុល្លា​អាមេរិក​។​ ហើយ​នៅ​ដំណាក់​កាល​ទី​បី​ ​គិត​ចាប់​ពីថ្ងៃទី​២​០ ខែ​មិថុនា ​ឆ្នាំ២០២២​តទៅ​មុខ​ ក្រុម​ការងារ​សាង​ស​ង់ គ្រោង​នឹ​ងតម្លើង​ជញ្ជាំង​ចល័ត ​បំពាក់​ទូរទស្សន៍ ​ទូរ ​តុកៅអី​ កសាង​អាគារ​ទទួលភ្ញៀវ​ ឃ្លាំង ដាំរបងរុក្ខជាតិ ដាំដើម​ឈើ​ ដាក់​ថ្មភ្នំ ​ចាក់​ដី​ ដែល​គ្រោង​ចំណាយ​ថវិកា​អស់​ប្រមាណ ១​លាន​ ៨៦៥​ពាន់ ​៧៦៥ ​ដុល្លា​អាមេរិក​។​

         ឧត្តមសេនីយ៍ឯក ច័ន្ទ សុភក្ត្រា នាយ​រង​ សេនា​ធិការ​ចម្រុះ ​ខភម ​និងជា​នាយក​ទីចាត់កា​រ​ហ្វឹ​ក​ហ្វឺន ​បាន​ឲ្យដឹងដែរ​ថា​ ចំពោះ​ការ​ប្រុងប្រៀប​រៀប​ចំ​ទិវា​ខួប​អនុស្សាវរីយ៍​លើក​៤៥​ឆ្នាំ ​នៃដំ​ណើរឆ្ពោះទៅ​ផ្តួល​រំលំ​របប​ប្រល័យ​ពូជសា​សន៍ ​ប៉ុល​ព​ត នា​ថ្ងៃទី២​០​ ខែ​មិថុនា ​ឆ្នាំ២០២២​ខាង​មុខ​នេះ​ ក្រុម​ការងារ​បាន​ត្រៀម​រៀបចំកម្លាំង​ចូល​រួម​ចំនួន​ ជិត​៤​ពាន់​ ដែល​មាន​ ៣០​ផែន​ ក្នុ​ង​នោះផែន​ក​ងកម្លាំង​ប្រដាប់​អាវុធ ​១៥​ផែន​ ដែល​មានផែន​កង​ទ័​ព ១៣​ផែន​ ហើយ​ផែន​កង​នគរបាល​ជាតិ​ មាន​២​ផែន ​ព្រម​ទាំង​មាន​ផែន​មហាជន​ ចំនួន ​១៥​ផែនផ​ង​ដែរ​។​ ជាមួយគ្នា​នេះ​ នាយឧត្តមសេនីយ៍ សៅ សុខា ក៏​បាន​ឲ្យដឹងដែរ​ថា​ នៅ​ក្នុងការ​ប្រារព្ធ​ទិ​វាខួបអនុស្សាវរីយ៍​លើក​ទី​៤៥ឆ្នាំ ​នៅ​តំបន់​ប្រវត្តិ​សាស្រ្ត​យោធា​សម្តេច​​តេជោ​X​-16​នេះ ក្រៅពី​វត្តមាន ​សម្តេច​នាយក​រដ្ឋ​មន្រ្តី​តេជោ ​ហ៊ុន ​សែន​ និង​ឯកឧត្តម​ នាយករ​ដ្ឋមន្ត្រី​វៀតណា​ម​ និង​មាន​ការ​អញ្ជើញ​ចូលរួមពី​សំណាក់ម​ន្រ្តីថ្នាក់​ដឹក​នាំ​ជាតិ​ និង​អន្តរជា​តិចូល​រួម​ជាង​ ១​ពាន់​នាក់​ទៀត​ ដែល​ធ្វើឲ្យពិធី​នេះ​អធឹក​អធម​។​ តាម​កម្ម​វិធី​គ្រោងទុក ​កម្មវិធី​នេះ​នាយក​រដ្ឋមន្ត្រី​នៃ​ប្រទេស​ទាំង​ពី​រ កម្ពុជា​និង​វៀត​ណាម​ នឹង​អញ្ជើញ​ចូល​ទៅ​ក្នុង​ទឹ​កដីប្រទេស​វៀត​ណាម ​ដើម្បី​ជួបសំណេះ​សំណាល​ជា​មួយ​ប្រជាជន​វៀត​ណា​ម ប្រមាណ​ ២០​០នាក់​ នៅ​តំបន់​សិលាចា​រឹកប្រវត្តិ​សាស្ត្រ​ ស្រុក​ឡុកនី​ញ​ ខេត្ត​ប៊ិនភឿក ​បន្ទា​ប់​មក​នឹ​ងអញ្ជើញ​មក​កាន់​តំបន់​ប្រវត្តិសាស្រ្ត​យោធា​តេជោX​16​ ដើម្បី​ប្រារព្ធ​ពិធី​ខួប​អនុស្សាវរីយ៍​លើក​ទី​៤៥ឆ្នាំ​ ដំណើរ​ឆ្ពោះទៅផ្តួល​រំលំ​របប​ប្រល័យ​ពូជ​សាសន៍​ ប៉ុល​ព​ត ជា​ផ្លូវការ​ នៅលើទឹក​ដី​នៃ​ព្រះ​រាជាណាចក្រ​កម្ពុជា​។​ ក្នុង​ខណៈ​នោះ ​នាយក​រដ្ឋមន្ត្រី​នៃ​ប្រទេស​ទាំង​ពីរ​ កម្ពុជា​និង​វៀតណាម ​នឹង​ធ្វើការកាត់​ខ្សែបូរ​បើក​សម្ពោ​ធ​នូវហេដ្ឋា​រចនា​សម្ព័ន្ធ​ និង​សំណង់​សមិទ្ធ​ផល​នានា ​និង​មាន​ជំនួប​ចង្អៀត ​រវាង​នាយក​រដ្ឋមន្ត្រី​នៃ​ប្រទេស​ទាំង​ពីរ​ផង​ដែរ​។​

        មាន​ប្រសាសន៍​ណែនាំ​នៅ​ក្នុង​កិច្ច​ប្រជុំ​រប​ស់​គណៈកម្មាធិការ​រៀបចំ​ទិវា​ខួប​អនុស្សាវរីយ៍​លើក​ទី​៤៥ឆ្នាំ​នោះ ​ សម្តេចពិជ័យសេនា ទៀ បាញ់ បានថ្លែង​នូវការកោត​សរសើ​រ និង​វាយ​តម្លៃខ្ពស់​ចំពោះ​ អនុគណៈ​កម្មការរៀបចំ​ និង​ក្រុម​ការងា​រ​ទាំង​អស់​ ដែល​បាន​ខិតខំ​ប្រឹង​ប្រែ​ងពុះពារ ​ក្នុង​ការ​រៀប​ចំ​ ដែល​ថ្ងៃនេះការ​ត្រៀមទាំង​ឡាយ​សឹង​តែ​រួច​រាល់​អស់​ហើយ​ នៅ​សល់តែ​បន្តិច​បន្តួច​ប៉ុណ្ណោះ។​ សម្តេច​ពិជ័យ​សេនាក៏​បាន​ផ្តល់​អនុសាសន៍​មួយ​ចំនួន ​ក្នុង​នោះ​លើ​របៀបវារៈ​ របាយ​ការ​ណ៍ស្វាគមន៍​ និង​ការ​យក​ចិត្ត​ទុក​ដាក់​ទទួល​ស្វាគមន៍​ភ្ញៀវ​មក​ចូល​រួម​ឲ្យបាន​ល្អ​។​ សម្តេច​ពិជ័យ​សេនា​ ទៀ ​បាញ់ ​បាន​គូស​បញ្ជាក់​ថា​៖ ការ​ថ្លែ​ង​សុន្ទរក​ថា​របស់ ​សម្តេច​នាយក​រដ្ឋមន្ត្រី​តេជោ ​ហ៊ុន ​សែន​ នៅក្នុងទិ​វា​ខួប​អនុស្សាវរីយ៍​លើក​ទី​៤៥ឆ្នាំ​ ពិត​ជាមា​ន​សារៈសំខាន់​ខ្លាំ​ង​ណាស់ ​ដែល​សុទ្ធ​សឹង​ជាឯកសារ​ប្រវត្តិសាស្ត្រ​ទៀត​ផង​ ក្នុង​ការ​ថែរក្សា​សុខស​ន្តិភាព​នៅ​កម្ពុជា​។​ ជាមួយ​នេះ​ សម្តេច ​ក៏​បាន​ផ្តាំផ្ញើឲ្យ​មាន​ការ​យក​ចិត្តទុកដា​ក់​ចំពោះ​ការរៀបចំ​វេទិកា​តុ​មូល ​ស្តី​ពី​ដំណើរ​ឆ្ពោះទៅផ្តួល​រំលំរបប​ប្រល័យ​ពូជ​សាសន៍​ ប៉ុល​ពត នាថ្ងៃ​ទី​២០ ​ខែមិថុនា ​ឆ្នាំ១​៩៧៧។​ ក្នុងនោះ ​សម្តេចបាន​បញ្ជាក់ប​ន្ថែមថា​ ក្នុងកិច្ច​ប្រជុំរដ្ឋ​មន្ត្រី​ការពារ​ជាតិ​អាស៊ាន ​ដែល​កម្ពុជា​រៀបចំ​ជា​ម្ចាស់ផ្ទះ​ នា​ថ្ងៃទី២​១ ​និង​ទី​២២​ ខែមិ​ថុនា​ខាង​មុខ​នេះ​ គឺ​ជា​ប្រវត្តិសាស្ត្រ​ហើយ ​ដែល​គណៈប្រតិភូមក​ចូល​រួម​អម​រដ្ឋមន្ត្រី​ការ​ពារ​ជាតិ ​មាន​ចំនួន​ជាង​៣​០នាក់​ ក្នុ​ង​១​ប្រទស​ ហើយ​យ៉ាង​តិច​មាន​ជាង​១០​នាក់ ​ក្នុង​១​ប្រទេស​ ដែល​ត្រូវ​មក​ចូល​រួម​នេះ។​ ហើយ​ទើប​តែ ​នៅតែ​មួយគ​ត់​ ដែល​កម្ពុ​ជា​ធ្វើជា​ម្ចាស់​ផ្ទះ ​និង​មាន​ប្រតិភូម​ក​ចូល​រួម​ដ៏​ច្រើន​ដូច​នេះ​។ ហើយ​កា​រប្រារព្ធ​ខួប​៤៥ឆ្នាំ ​ដំណើរ​ឆ្ពោះទៅផ្តួល​រំលំ​របប​ប្រល័​យ​ពូជ​សាសន៍ ​ប៉ុល​ពត​ ឆ្នាំ​នេះ​កាន់​តែ​បង្ហាញ​ឲ្យបរទេស​ឃើញ​កាន់​តែច្បាស់​ថែម​ទៀត ​នូវ​គុណ​តម្លៃ​នៃ​សុខ​សន្តិភាព​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ