លោកជំទាវ ដាំ ដារីនី សំណេះសំណាលជាមួយយោធិននារី មន្ទីរពេទ្យព្រះកេតុមាលា
នាព្រឹកថ្ងៃទី០៨ ខែកុម្ភៈ ឆ្នាំ២០២៣ លោកជំទាវបណ្ឌិត ដាំ ដារីនី រដ្ឋលេខាធិការ ក្រសួងការពារជាតិ បានអញ្ជើញជួបសំណេះសំណាលជាមួយយោធិននារីនៅមន្ទីរពេទ្យព្រះកេតុមាលា។
ថ្លែងក្នុងពិធីសំណេះសំណាល លោកជំទាវរដ្ឋលេខាធិការ ពាំនាំនូវការសួរសុខទុក្ខពីសំណាក់ សម្តេចពិជ័យសេនា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ជូននាយទាហាន នាយទាហានរង ពលទាហាន និងអ្នកជំងឺ ក្នុងមន្ទីរពេទ្យព្រះកេតុមាលា និងបានសម្តែងនូវអំណរគុណ និងវាយតម្លៃខ្ពស់ ចំពោះថ្នាក់ដឹកនាំនៃមន្ទីរពេទ្យទាំងអស់ដែលបាន អនុវត្តការងារបានយ៉ាងខ្ជាប់ខ្ជួនប្រកបដោយ ការទទួលខុសត្រូវ ជាពិសេសគឺបានផ្តល់នូវការលើកកម្ពស់សមភាពយេនឌ័រ ដោយបានផ្តល់ឱកាស ដល់យោធិននារីក្នុងការបំពេញការងារ ក្នុងនោះគឺបានផ្តល់តួនាទី និងឋាន្តរសក្កិបានយ៉ាងល្អប្រសើរផងដែរ។ លោកជំទាវរដ្ឋលេខាធិការបានបន្ថែមទៀតថា ព្រះរាជាណាចក្រកម្ពុជា ក្រោមការដឹកនាំដ៏ឈ្លាស វៃ និងប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវគោលនយោបាយ និងយន្តការច្បាប់ជាច្រើនដើមី្បសមភាពយេន ឌ័រ សំដៅលើកកម្ពស់ស្ថានភាពសិទ្ធិ ឋានៈ និងតួនារីរបស់ស្ត្រីកម្ពុជា ឱ្យកាន់តែមានភាពល្អប្រសើរឡើង ប្រកបដោយសមធម៌ គាំទ្រឱ្យសម្រេចបាននូវសមភាពពិតប្រាកដ រវាងបុរសនិងស្ត្រី ដោយទទួលស្គាល់ ថា “ស្ត្រីជាឆ្អឹងខ្នង នៃសេដ្ឋកិច្ច និងសង្គមជាតិ” និងចាត់ទុកស្ត្រីជាកម្លាំងដែលមិនអាចខ្វះ បានក្នុងការ អភិវឌ្ឍប្រទេសជាតិ។ លោកជំទាវបានក្រើនរំលឹកដល់យោធិនារីថា កងយោធពលខេមរភូមិន្ទយើងមាន កាតព្វកិច្ចការពារ ជាតិ សាសនា ព្រះមហាក្សត្រការពាររដ្ឋធម្មនុញ្ញ ការពារប្រជាជន និងការពាររាជរដ្ឋាភិបាលស្របច្បាប់ ហេតុនេះទោះក្នុងតម្លៃណាក៏ដោយត្រូវការពារអោយបានដាច់ខាតនូវសន្តិភាព។
នៅទីបញ្ចប់លោកជំទាវបានផ្តាំផ្ញើរជូនដល់យោធិននារីក្នុងមន្ទីរពេទ្យ ត្រូវបន្តរក្សាប្រពៃណីថ្លៃថ្នូររបស់ ស្រ្តីខ្មែរ ស្មោះត្រង់ការពារជាតិមាតុភូមិ ពង្រឹងសមត្ថភាព ទាំងចំណេះដឹង និងជំនាញក្នុងការបំពេញ ភារកិច្ច និងគោរពឱ្យបានម៉ត់ចត់នូវវិន័យ និងបទបញ្ជារបស់កងទ័ព។ លោកជំទាវបានផ្តាំផ្ញើរបន្ថែម ទៀតថា ត្រូវអញ្ជើញទៅបោះឆ្នោត អោយបានទាំងអស់គ្នានាពេលខាងមុខ ហើយប្តេជ្ញាបោះឆ្នោតជូនគណបក្សប្រជាជនកម្ពុជាទាំងអស់គ្នានៅឆ្នាំ២០២៣ ខាងមុខ ហើយត្រូវចូលរួមគាំទ្រនូវបេក្ខភាព សម្តេចតេជោ ជានាយករដ្ឋមន្រ្តី និងឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តីបន្តវេន នៅ ពេលអនាគត ៕
