ឯកឧត្តម ទៀ បាញ់ ជួបពិភាក្សាការងារជាមួយ ឯកអគ្គរដ្ឋទូតសហព័ន្ធរុស្សីប្រចាំកម្ពុជា - ព័ត៌មានក្នងស្រុក

ព័ត៌មាន

ឯកឧត្តម ទៀ បាញ់ ជួបពិភាក្សាការងារជាមួយ ឯកអគ្គរដ្ឋទូតសហព័ន្ធរុស្សីប្រចាំកម្ពុជា

កាលពីថ្ងៃទី១២ ខែវិច្ឆិកា ឆ្នាំ២០១៥ ឯកឧត្តម ទៀ បាញ់ ឧបនាយករដ្ឋមន្រ្តី រដ្ឋមន្រ្តី ក្រសួងការពារជាតិ បានទទួលជួបពិភាក្សាការងារជាមួយឯកឧត្តម ឌឺ មីទ្រី ធីវីតកូវ (Dmitry Tsvetkov) ឯកអគ្គរដ្ឋទូតសហព័ន្ធរុស្សប្រចាំកម្ពុជា ។
នៅក្នុងជំនួបនោះ ឯកឧត្តម ឯកអគ្គរដ្ឋទូតសហព័ន្ធរុស្សីបានបញ្ជាក់ថា តាមរយៈការជួប ពិភាក្សាគ្នាជារឿយៗក្នុងរយៈពេលកន្លងមកបានបង្ហាញឲ្យឃើញថា កិច្ចសហប្រតិបត្តិការខាងវិស័យ យោធានៃប្រទេសទាំងពីរបាននាំមកនូវលទ្ធផលជាផ្លែជាផ្កាច្រើនដល់ប្រទេសទាំងពីរ ។ តាមរយៈជំនួប នោះដែរ ឯកឧត្តម ឯកអគ្គរដ្ឋទូតសហព័ន្ធរុស្សី បានជម្រាបជូន ឧបនាយករដ្ឋមន្រ្តី ទៀ បាញ់ អំពីការ អញ្ជើញរបស់រដ្ឋមន្រ្តីការពារជាតិរុស្សី ដែលបានអញ្ជើញ ឯកឧត្តម ទៀ បាញ់ ទៅធ្វើទស្សនកិច្ចជាផ្លូវ ការនៅប្រទេសរុស្សីតាមពេលវេលាសមស្របនាពេលខាងមុខ។ សេចក្តីអញ្ជើញជាផ្លូវការនឹងត្រូវបញ្ជូនមកក្រសួងការពារជាតិកម្ពុជា តាមរយៈអនុព័ទ្ធយោធាកម្ពុជាប្រចាំនៅទីក្រុងម៉ូស្គូ សហព័ន្ធរុស្សី ។ ឯក ឧត្តម បានចាត់ទុកការអញ្ជើញនេះគឺជាជំហានដ៏សំខាន់សម្រាប់ពង្រីកទំនាក់ទំនងកិច្ចសហប្រតិបត្តិការ រវាងប្រទេសទាំងពីរ ។ កងទ័ពទាំងពីរ កម្ពុជា សហព័ន្ធរុស្សី ឲ្យបានកាន់តែប្រសើរឡើង ។ មានប្រសាសន៍ឆ្លើយតបវិញនាឪកាសនោះ ឯកឧត្តម ទៀ បាញ់ បានរំលឹកឡើងវិញនូវការជួយឧបត្ថម្ភគាំទ្រ របស់អតីតសហភាពសូវៀត ដល់កម្ពុជាក្នុងរយៈពេលកន្លងមក លើផ្នែកសំភារៈប្រើប្រាស់ គ្រឿងសញ្វាវុធ មធ្យោបាយដឹកជញ្ជូន ជើងគោក ជើងទឹក ជើងអាកាស និងការបណ្តុះបណ្តាលមុខជំនាញបច្ចេកវិទ្យា ផ្សេងៗ ដល់កងទ័ពកម្ពុជាដែលជាប្រភពធនធានមនុស្សមួយដ៏សំខាន់សម្រាប់បម្រើឲ្យកិច្ចការពារជាតិ មាតុភូមិកម្ពុជា បានរឹងមាំ និងបាន បន្សល់ទុកមកដល់សព្វថ្ងៃនេះ ។ ឯកឧត្តម ទៀ បាញ់ បានសង្កត់ធ្ងន់ថា ទំនាក់ទំនងកិច្ចសហប្រតិបត្តិការរវាងកងទ័ពទាំងពីរ រហូតមកដល់ពេលបច្ចុប្បន្ននេះ បានកំពុងតែបោះជំហាន ទៅមុខយ៉ាងសកម្ម ។ ឯកឧត្តម ទៀ បាញ់ ក៏បានលើកឡើងពីគោលបំណងចង់ជំរុញ ឲ្យអ្នកដែលធ្លាប់បានទៅសិក្សានៅសហព័ន្ធរុស្សី បានជួបជុំគ្នា ឬរៀបចំជាសហគមន៍និស្សិតដែលធ្លាប់ បានទៅរៀននៅសហព័ន្ធរុស្សីទុកជាប្រវត្តិសាស្រ្ត ពីព្រោះអ្នកទាំងនោះបច្ចុប្បន្នបានក្លាយជាអ្នកដឹកនាំសំខាន់ៗក្នុងជួរ ខ.ភ.ម ផងដែរ ៕