នាយឧត្តមសេនីយ៍ មាស សុភា ប្រកាសផ្លាស់ប្តូរមុខការមេបញ្ជាការតំបន់ប្រតិបត្តិការសិករងខេត្តកំពង់ស្ពឺ - ព័ត៌មានក្នងស្រុក

ព័ត៌មាន

នាយឧត្តមសេនីយ៍ មាស សុភា ប្រកាសផ្លាស់ប្តូរមុខការមេបញ្ជាការតំបន់ប្រតិបត្តិការសិករងខេត្តកំពង់ស្ពឺ

ឯកឧត្តមនាយឧត្តមសេនីយ៍ មាស សុភា អគ្គមេបញ្ជាការងនិងជាមេបញ្ជាការកងទ័ពជើងគោគនៃខ.ភ.មបានអញ្ជើញជាអធិបតីក្នុងពិធីប្រកាសតែងតាំងមុខការមេបញ្ជាការតំបន់ប្រតិបត្តការសិករងខេត្តកំពស្ពឺកាលពីព្រឹកថ្ងៃទី២២មករាឆ្នាំ២០១៦នេះនៅសាលាខេត្តកំពង់ស្ពឺដោយមានការចូលរួមពីសំណាក់ឯកឧត្តមអភិបាលខេត្តមន្ត្រីរាជការកងកម្លាំងប្រដាប់អាវុធជាច្រើនរូប ។
ក្នុងសុន្ទរកថា ស្វាគមន៍ដែលអានដោយលោកឧត្តមសេនីយ៍ត្រី ឈឹម ប៊ុនធឿន មេបញ្ជាការតំបន់ប្រតិ
បត្តិការសិករងខេត្តកំពង់ស្ពឺដែលត្រូវផ្លាស់តួនាទីទៅកាន់មុខដំណែងថ្មីបានគូសបញ្ជាក់ថាៈតំបន់ប្រតិបត្តិការសិករងខេត្តកំពង់ស្ពឺដោយបានការយកចិត្តទុកដាក់ចង្អុលបង្ហាញនិងការដឹកនាំដ៍ល្អពីថ្នាក់ដឹកនាំក្រសួងការពារជាតិអគ្គមេបញ្ជាការនៃខ.ភ.មមេបញ្ជាការកងទ័ពជើងគោគពិសេសមេបញ្ជាការយោធភូមិភាគទី៣ព្រមទាំងគណៈបញ្ចាការឯកភាពខេត្តអង្គភាពបានបំពេញបានជោគជ័យក្នុងស្មារតីទទួលខុសត្រូវខ្ពស់ក្នុងការចូលរួមយ៉ាងសកម្មក្នុងការអនុវត្តនូវគោលនយោបាយយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាលកម្ពុជា ជាពិសេសគោលនយោបាយកំណែទំរង់ ខ ភ ម ។ អង្គភាពបានយកចិត្តទុកដាក់បំពេញនូវតួនាទីភារកិច្ចរបស់ខ្លួនបានជាប់ជាប្រចាំដោយបានត្រៀមគ្រប់កាលៈទេសៈទទួលនូវបទបញ្ជា ដើម្បីដោះស្រាយរាល់យថាហេតុដែលកើតមានឡើងចំពោះមុខ ដោយ
បានចាត់តាំង១កងអនុសេនាធំឈរជើងការពារព្រំដែននៅទិសខេត្តកោះកុងជាប់ជាប្រចាំតាមផែនការសកម្មភាពនិងទិសដៅរបស់មេបញ្ជាការយោធភូមិភាគទី៣ ។ ជាមួយនិងការងារជាច្រើនដែលអង្គភាពសំរេចបានកន្លងមកបានធ្វើឲ្យទទួលបាននូវការលើកសរសើរពីថ្នាក់ដឹកនាំ ខ ភ ម ថាជាអង្គភាពឈានមុខ ។ ក្នុងពិធីនោះបន្ទាប់ពីឯកឧត្តអ៊ូសំអ៊ួនអភិបាលនៃគណៈអភិបាលខេត្តកំពង់ស្ពឺមានមតិចូលរួមរួចមកឯកឧត្តមឧត្តមឧត្តមសេនីយ៍ទោអ៊ួនលននាយរងសេនាធិការកងទ័ពជើងគោគនិងជានាយការិយាល័យទី៥បានអាននូវសេក្តីប្រកាសរបស់ក្រសួងការពារជាតិស្តីពីការតែងតាំងនិងផ្លាស់ប្តូរមុខងារមេបញ្ជាការតំបន់ប្រតិបត្តិការសិករងខេត្តកំពង់ស្ពឺដែលក្នុងសេចក្តីប្រកាសបានសំរេចតែងតាំងផ្លាស់ប្តូរមុខងារលោកឧត្តមសេនីយ៍ត្រីឈឹមប៊ុនធឿនមេបញ្ជាការតំបន់ប្រតិបត្តិកាសិករងខេត្តកំពង់ស្ពឺឥលូវជាមេបញ្ជាការរងយោធភូមិភាគទី៣សំរេចតែងតាំងលោកវរសេនីយ៍ឯកម៉ាន់ម៉ាចជាមេបញ្ជាការតំបន់ប្រតិបត្តិកាសិករងខ?ត្តកពង់ស្ពឺ ។
ថ្លែងក្នុងពិធីប្រកាសផ្លាស់ប្តូរមុខងារនាយទាហានក្នុងខ.ភ.មនៅឯតំបន់ប្រតិបត្តិការសិករងខេត្តកំពង់ស្ពឺនាពេលនោះ ឯកឧត្តមនាយឧត្តមសេនីយ៍ មាស សុភា ជំនួសមុខឲ្យថ្នាក់ដឹកនាំក្រសួងការពារជាតិ អគ្គមេបញ្ជាការនៃខ.ភ.មពិសេសកងទ័ពជើងគោគបានកោតសេសើរនិងវាយតំលៃខ្ពស់ចំពោះមេបញ្ជាការមេញ្ជាការងនាយពលទាហានទាំងអស់ក្នុងអង្គភាពតំបន់ប្រតិបត្តិការសិករងខេត្តកំពង់ស្ពឺដែលក្នុងរយៈកាលកន្លងមកនេះបានបំពេញតួនាទីភារកិច្ចរបស់ខ្លួនបានយ៉ាងល្អក្នុងការបំរើឲ្យភារកិច្ចការពារជាតិ ការពារបូរណៈភាពទឹកដីនៃព្រះរាជាណាចក្រកម្ពុជាយើងបានរឹងមាំ និងរីកចំរើន ។
ឯកឧត្តម មាស សុភា បានបញ្ជាក់ថាៈ ជាការធម្មតាការផ្លាស់ប្តូរមុខងារតួនាទីភារកិច្ចរបស់មន្ត្រីខ.ភ.ម គឺជាទូរទៅដើម្បីស្វែងរកនូវការដឹកនាំល្អនិងភាពរីកចំរើនរបស់អង្គភាព។បើទោះបីពេលនេះប្រទេសជាតិមានសុខសន្តិភាពក៍ពិតមែន ប៉ុន្តែនេះគឺជាការធ្វើកំណែទម្រង់របស់ខ.ភ. ម ។ ឯកឧត្តមនាយឧត្តមសេនីយ៍មាសសុភាក៍បានលើកសរសើរផងដែរអាជា្ញធរខេត្តដែលរហូតមកបានសហការយ៉ាងល្អជាមួយនិងយោធាខេត្តកំពង់ស្ពឺក្នុងការរក្សាសន្តិសុខសុវត្ថិភាពក្នុងមូលដ្ឋានរបស់ខ្លួនពិសេសតែងតែបានជួយឧបត្ថម្ភគ្រប់បែបយ៉ាងជំរុញកិច្ចដំណើរការបំពេញបេសកម្មការពារជាតិរបស់ ខ ភ ម ទទួលបានជោគជ័យ ។
ឯកឧត្តមមាសសុភាក៍បានផ្តាំផ្ញើឲ្យមេបញ្ជាការចាស់ដែលត្រូវទៅបំពេញការងារថ្មីឲ្យខិតខំបំពេញការងារឲ្យកាន់តែល្អថែមទៀតហើយមេបញ្ជាការថ្មីនៃតំបន់ប្រតិបត្តិការសិកខេត្តក៍ត្រូវយកចិត្តទុកដាក់ខិតខំបំពេញការងារឲ្យកាន់តែល្អដូចគ្នាពិសេសត្រូវគោរពស្រឡាញ់នាយពលទាហានក្រោមឱវាតឲ្យដូចបងប្អូននិងកូនចៅរបស់ខ្លួន ។ ជាងនេះទៀតក៍ត្រូវគោរពឲ្យបាននូវវិន័យសេក្តីថ្លៃថ្នូររបស់ខ.ភ.មគោរពនិងអនុវត្តឲ្យម៉ឺងម៉ាត់នូវបទបញ្ជារបស់ប្រមុខរាជរដ្ឋាភិបាលក្នុងការចូលរួមពង្រឹងប្រៀបការពារជាតិការពារបូរណៈភាពទឹកដីកម្ពុជាឲ្យបានរឹងមាំនិងរីកចំរើន ៕