គណៈបញ្ជាការសមរភូមិព្រំដែនទិសយោធភូមិភាគទី៥នៃ ខ ភ ម បានបើកកិច្ចប្រជុំបូកសរុបលទ្ធផលការងារយោធា សន្តិសុខឆ្នាំ២០១៥និងផ្សព្វផ្សាយទិសដៅផែនការសកម្មភាពការងារយោធា សន្តិសុខឆ្នាំ ២០១៦ របស់ខ្លួនកាលពីព្រឹកថ្ងៃទី ២៦ មករាឆ្នាំ ២០១៦នេះ នៅទីបញ្ជាការយោធភូមិភាគទី៥ខេត្តបាត់ដំបង ដែលកិច្ចប្រជុំនេះបានប្រព្រឹត្តិទៅស្ថិតក្រោមអធិបតីភាពឯកឧត្តមនាយឧត្តមសេនីយ៍មាស សុភា អគ្គមេបញ្ជាការរង មេបញ្ជាការកងទ័ពជើងគោគនៃ ខ ភ ម និងជាប្រធានគណៈបញ្ជាការឯកភាពសមរភូមិព្រំដែនទិសយោធភូមិភាគទី៥ ព្រមទាំងមានការចូលរួមពីសំណាក់ឯកឧត្តម អស់លោកជាអភិបាល អភិបាលរងគ្រប់ខេត្ត មេបញ្ជាការរងកងទ័ពជើងគោគ មេបញ្ជាការ មេបញ្ជាការរងមកពីគ្រប់ អង្គភាពកងពលតូច តំបន់ប្រតិបត្តិកាសិករង កងរាជអាវុធហត្ថ ស្នងការនគបាល គ្រប់ខេត្ត និងបណ្តាលស្ថាប័នទ័ពជំនាញចំណុះក្រសួងការពារជាតិ អគ្គមេបញ្ជាការនៃ ខ ភ ម កងទ័ពជើងគោគប្រចាំទិស ឲ្យបញ្ជាការដ្ឋានយោធភូមិភាគទី៥កងទ័ពជើងគោគជាច្រើនរូប ។ ឯកឧត្តមឧត្តមសេនីយ៍ទោ ឯក សំអូន មេបញ្ជាការងនិងជានាយសេនាធិការយោធភូមិទី៥ បានគូសបញ្ជាក់ក្នុងរបាយការណ៍បូកសរុបលទ្ធផលការងារយោធា សន្តិសុខប្រចាំឆ្នាំ២០១៥ថាៈ យោធភូមិភាគទី៥ កងទ័ពជើងគោគនៃ ខ ភ ម នៅគ្រប់កងឯកភាព កងពលតូច តំបន់ប្រតិបត្តិការសិកខេត្ត និងគ្រប់អង្គភាពការពារព្រំដែនព្រមទាំងបណ្តាទ័ពជំនាញទាំងអស់ ក្រោមការដឹកនាំដ៍ល្អរបស់ថ្នាក់ដឹកនាំក្រសួងការពារជាតិ អគ្គមេបញ្ជាការនៃ ខ ភ ម មេបញ្ជាការកងទ័ពជើងគោគ ពិសេសក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងរយៈពេលមួយឆ្នាំ ២០១៥ កន្លងមកនេះ បានធ្វើឲ្យនាយពលទាហាននៅគ្រប់កងឯកភាពខិតខំយកអស់ពីកម្លាំងកាយចិត្តបំពេញការងារយ៉ាងល្អបំផុតសំរាប់ជាតិនិងមាតុភូមិ ។ របាយកាណ៍ក៍បាន បញ្ជាក់ទៀតថាៈ ក្នុងឆ្នាំ២០១៥ កន្លងមកនេះដែរថ្វីត្បិតតែស្ថានការណ៍នៅតាមបណ្តោយព្រំដែនមានសភាពល្អប្រសើរបើប្រៀបធៀបទៅនឹងសភាពការណ៍កាលពីឆ្នាំ២០១០នៅតំបន់ប្រាសាទព្រះវិហារនិងតំបន់ព្រំដែនមួយចំនួនទៀត គឺមានភាពល្អណាស់ ដែលជាឱកាសល្អបំផុតសំរាប់កម្ពុជាកសាងនិងអភិវឌ្ឍន៍ប្រទេសជាតិឲ្យរីកចំរើន ។ ថ្វីត្បិតតែក្នុងឆ្នាំកន្លងមកនេះនៅតាមព្រំដែនដែលយោធភូមិភាគទទួលខុសត្រូវកើតមាននូវបញ្ហាខ្លះចំពោះប្រជាពលរដ្ឋយើងឆ្លងទៅធ្វើការរកស៊ីដោយខុសច្បាប់នៅប្រទេសថៃ ហើយភាគីថៃបានចាប់បញ្ជូនមកឲ្យកម្ពុជាវិញតាមច្រកប៉ោយប៉ែត្រក៍ដោយ ក៍បញ្ហាទាំងអស់នោះត្រូវបានដោះស្រាយដោយសន្តិវិធីនិងផ្លូវច្បាប់ ដោយរក្សានូវការទំនាក់ទំនងក្នុងនាមប្រទេសជិតខាងល្អ ដើម្បីការកសាងព្រំដែនសន្តិភាពយូអង្វែង ។ របាយការណ៍ក៍បានលើកយកមកបញ្ជាក់ទៀតថា ក្នុងឆ្នាំ២០១៥ កន្លងមកនេះនៅទូទាំងយោធភូមិភាគទី៥នាយពលទាហាននៅគ្រប់កងឯកភាពចំណុះឲ្យយោធភូមិភាគ ពិសេសគណៈបញ្ជាការឯកភាពសមរភូមិប្រចាំទិសបានខិតខំយកចិត្តទុកដាក់យ៉ាងសំខាន់ទៅលើការងារហ្វឹកហ្វឺនកម្លាំងលើគ្រប់ជំនាញ ក្នុងការបង្កើនសមត្ថភាពឲ្យនាយ ពលទាហានរបស់យើងកាន់តែមានឆន្ទៈស្នេហាជាតិ ចូលរួមជាមួយរាជរដ្ឋាភិបាលក្នុងការស្តានិងអភិវឌ្ឍន៍ជាតិ រួមគ្នាការពារជាតិកម្ពុជាឲ្យបានកាន់តែរឹងមាំនិងរីកចំរើន ។ របាយការណ៍ក៍បានលើកឡើងផងដែរអំពីព្រឹទ្ធិការណ៍ជាតិនឹងអន្តរជាតិសំខាន់ៗដែលពាក់ព័ន្ធដល់បញ្ហាវិបត្តិ គ្រោះមហន្តរាយនៃ អំពើភារវកម្ម បទល្មើសគ្រឿងញៀន បទល្មើសព្រៃឈើ ដែលកើតមានឡើងក្នុងប្រទេសកម្ពុជា និងក្នុងតំបន់ដើម្បីឲ្យអង្គប្រជុំធ្វើការពិចារណាពិភាក្សាផ្លាស់ប្តូរយោបល់គ្នារិៈរកនូវគន្លឹះល្អៗដើម្បីធ្វើយ៉ាងណាទប់ស្កាត់នឹងបង្ក្រាបឲ្យបានទាន់ពេលវេលា រាល់ភាពអសកម្មទាំងឡាយដែលកើតមានឡើងក្នុងភូមិសាស្ត្រយោធភូមិភាគទទួលខុសត្រូវ ពិសេសបានផ្តោតយ៉ាងសំខាន់ទៅលើបញ្ហាសន្តិសុខនៅតំបន់ព្រំដែនដែលយោធភូមិភាគទទួលខុសត្រូវ ដោយធ្វើយ៉ាងណាទប់ស្កាត់ឲ្យខាងតែបាន ចំពោះការឆ្លងដែនខុសច្បាប់របស់ប្រជាពលរដ្ឋនៃប្រទេសទាំងពីរ ដែលជាបញ្ហាប្រឈមនាំឲ្យមានគ្រោះថ្នាក់ដល់ពលរដ្ឋយើង ។ កិច្ចប្រជុំក៍បានផ្តល់ឱកាសឲ្យដល់មេញ្ជាការ មេបញ្ជាការង គ្រប់ កងពល តំបន់ប្រតិបត្តិកាសិករងខេត្តនិងបណ្តាអង្គភាពពាក់ព័ន្ធបានឡើងធ្វើបទអន្តរាគមន៍ បង្ហាញពីចំណុចខ្លាំង ចំណុចខ្សោយដែលសាម៉ីអង្គបានអនុវត្តក្នុងរយៈពេលមួយឆ្នាំកន្លងមក ថាតើការអនុវត្តការងារក្នុងឆ្នាំកន្លងមកនេះមានអ្វីដែលលិចធ្លោ ហើយមានអ្វីដែលជាចំណុចអសកម្ម ដែលយើងពុំទាន់ធ្វើបានល្អដោយមូលហេតុអ្វី ការអនុវត្តមិនបានមកពីមូលហេតុអ្វី ដើម្បីរកឲ្យឃើញចំណុចខ្លាំង ខ្សោយ ហើយទទួលបាននូវគន្លឹះល្អៗសំរាប់ដាក់ចេញជាផែនការសកម្មភាពក្នុងការអនុវត្តបន្តនាឆ្នាំ២០១៦ខាងមុខនេះឲ្យកាន់តែទទួលជោគជ័យ ។ ស្តែងចេញនូវស្នាដៃជាច្រើនរបស់បណ្តាអង្គភាពបានខិតខំក្នុងរយៈពេល១ឆ្នាំកន្លងមកនេះក្នុងការកសាងផ្ទះបាយគំរូ ការចិញ្ចឹមទ័ពបានល្អ មានបណ្តាអង្គភាពជាច្រើនបានទទួលនូវប័ណ្ណ លិខិតសរសើរជូនរង្វាន់ពីថ្នាក់ដឹកនាំក្រសួងការពារជាតិ អគ្គមេបញ្ជាការនៃ ខ ភ ម និងការផ្តល់នូវមហាកិតិ្តយសជូននូវគ្រឿងឥស្សរិយយសដល់បុគ្គល និងអង្គភាពដែលមានស្នាដៃផងដែរ ។ មានប្រសាសន៍បើកកិច្ចប្រជុំនៅឯយោធភូមិភាគទី៥នាពេលនោះ ឯកឧត្តមនាយឧត្តមសេនីយ៍ មាស សុភា ជំនួសមុខថ្នាក់ដឹកនាំក្រសួងការពារជាតិ អគ្គមេបញ្ជាការនៃ ខ ភ ម ថ្នាក់ដឹកនាំកងទ័ពជើងគោគពិសេសថ្នាក់ដឹកនាំយោធភូមិភាគទី៥ ឯកឧត្តមបានកោតសរសើរនិងវាយតំលៃខ្ពស់ចំពោះកិច្ចខិតខំប្រឹងប្រែងបំពេញការងារប្រកបដោយកិច្ចសហការល្អរបស់នាយពលទាហានគ្រប់កងឯកភាពចំណុះឲ្យ យោធភូមិភាគ ទី៥ ដែលក្នុងរយៈពេលមួយឆ្នាំកន្លងមកនេះបានយកអស់ពីកម្លាំងកាយចិត្តក្នុងការបំពេញការងារបំរើជាតិ ការពារជាតិ ការពារបូរណៈភាពទឹកដីនៃព្រះរាជាណាចក្រកម្ពុជាបានយ៉ាងរឹងមាំនិងរីកចំរើន ។ ឯកឧត្តម មាស សុភា ក៍បានជំរុញឲ្យអង្គប្រជុំនិងគ្រប់កងឯកភាពទាំងអស់ដែលចូលរួម ក្នុងរយៈពេលមួយថ្ងៃនៃកិច្ចប្រជុំនេះ ឲ្យធ្វើការពិភាក្សាផ្លាស់ប្តូរយោបល់គ្នាឲ្យបានផុសផុល ដើម្បីរកឃើញនូវចំណុចល្អៗក្នុងការបន្តអនុវត្តន៍កាងារយោធា សន្តិសុខនាឆ្នាំ២០១៦និងឆ្នាំបន្តៗទៀតកាន់តែជោគជ័យ ។ ឯកឧត្តម មាស សុភា ក៍បានប្រកាសបើកកិច្ចប្រជុំចាប់ពីពេលនេះតទៅ ។
