ផ្សព្វផ្សាយប្រកាសបែងចែកថវិកាជំនាញឆ្នាំ២០១៦ផែនការយុទ្ធសាស្ដ្រថវិកា២០១៧ - ព័ត៌មានក្នងស្រុក

ព័ត៌មាន

ផ្សព្វផ្សាយប្រកាសបែងចែកថវិកាជំនាញឆ្នាំ២០១៦ផែនការយុទ្ធសាស្ដ្រថវិកា២០១៧

     ពិធីផ្សព្វផ្សាយប្រកាសថវិកាអន្ដរាគមន៍របស់កងយោធពលខេមរភូមិន្ទបែងចែកថិវកាជំនាញឆ្នាំ២០១៦ និងកសាងផែនការយុទ្ធសាស្ដ្រគម្រោងថវិកា ឆ្នាំ២០១៧ បានប្រព្រឹត្ដទៅ នៅសាលប្រជុំក្រសួងការពារជាតិក្រោមអធិបតីភាព ឯកឧត្តម ឧត្ដមសេនីយ៍ឯក លី កុសល អគ្គនាយករងអគ្គនាយកដ្ឋានភស្ដុភារ-ហិរញ្ញវត្ថុក្រសួងការពារជាតិ និងជានាយក នា យកដ្ឋានហិរញ្ញវត្ថុព្រមទាំងមានការចូលរួមពីនាយទាហានជំនាញហិរញ្ញវត្ថុមកពីបណ្ដាកងឯកភាពចំណុះ ខ.ភ.ម. ជាច្រើនរូបទៀត នៅថ្ងៃទី២៧ ខែមករា ឆ្នាំ២០១៦ ។ឯកឧត្តម ឧត្ដមសេនីយ៍ឯកលី កុសល បានផ្ដល់មតិណែនាំដល់អង្គពិធីទាក់ទងការបែងចែកថវិកាជំនាញ ឆ្នាំ២០១៦ និងគម្រោងថវិកា ឆ្នាំ២០១៧ ដោយលើកឡើងពីការកែសម្រួលប្រាក់បៀ វត្សមូលដ្ឋាននៅតែកំណត់២០ថ្នាក់ដដែលតែដំឡើងសន្ទស្សន៍តាមថ្នាក់នីមួយៗ ក្នុងឆ្នាំឱ្យខ.ភ.ម.តាមអនុក្រិត្យរបស់រាជរដ្ឋាភិបាល។
     ដោយឡែក ឆ្នាំ២០១៦នេះរាជរដ្ឋាភិបាលបានដំឡើងតម្លៃសន្ទស្សន៍ប្រាក់បៀវត្សមូលដ្ឋានដល់យោធិនចាប់ពី ខែមករាដល់ ខែមីនា ឆ្នាំ២០១៦។ សម្រាប់ ខែមេសា ឆ្នាំ២០១៦ នឹងមានការដំឡើងប្រាក់សម្រាប់មុខងារបន្ដទៀត ។
     តាមស្មារតីរបស់ក្រុមការងារកំណែទម្រង់បៀវត្សថ្នាក់ជាតិខិតខំសហការយ៉ាងជិតស្និទ្ធជាមួយក្រសួងការពារជាតិកែសម្រួលប្រាក់បំណាច់របស់ ខ.ភ.ម. ឱ្យស្របនឹងប្រាក់បំ ណាច់មុខងារមន្ដ្រីរាជការស៊ីវិលសមស្របទទួលយកការដំឡើងជូនយោធិនទូទាំង ខ.ភ.ម. នាពេលខាងមុខស្របទៅនឹងកំណើន ផ.ស.ស. (GDP) របស់ប្រទេសយើងដែលកំពុង អភិវឌ្ឍ។ ឯកឧត្តម ឧត្ដមសេនីយ៍ឯកសុខ វណ្ណារ៉ា និងឯកឧត្តម ឧត្ដមសេនីយ៍ទោអៀង ផល លាភមន្ដ្រីជំនាញអគ្គភស្ដុភារ-ហិរញ្ញវត្ថុក្រសួងការពារជាតិ បានធ្វើបទបង្ហាញការបែងចែកកែប្រែសន្ទស្សន៍បៀវត្សមូលដ្ឋានផែនការយុទ្ធសាស្ដ្រកសាងគម្រោងចំណាយថវិកាដល់ជំនាញតាមកម្មវិធីកំណែទម្រង់គ្រប់គ្រងហិរញ្ញវត្ថុសាធារណៈដំណាក់កាលទី៣ព្រម ទាំងវិធាន និងនីតិវិធីការរៀបចំអនុវត្ដត្រួតពិនិត្យវាយតម្លៃកំណែទម្រង់គ្រប់គ្រងហិរញ្ញវត្ថុសាធារណៈ ។
     បន្ទាប់មកតំណាងហិរញ្ញវត្ថុយោធភូមិភាគកងពលក៏បានពិភាក្សាស្ដីពីការបើកប្រាក់បៀវត្សប្រាក់អន្ដរាគមន៍គិលានដ្ឋានហ្វឹកហ្វឺន និងប្រាក់បូជាសពជូនអង្គប្រជុំ ។ឯកឧត្តមនាយឧត្ដមសេនីយ៍ស៊ុំ សំណាង អគ្គនាយក អគ្គនាយកដ្ឋានភស្ដុភារ-ហិរញ្ញវត្ថុក្រសួងការពារជាតិបានកោតសរសើរ និងវាយតម្លៃខ្ពស់ចំពោះរាជរដ្ឋាភិបាលដែលមានសម្ដេចតេ ជោជាប្រមុខបាន និងកំពុងដឹកនាំនាវាកម្ពុជាឆ្ពោះសំដៅទៅរកត្រើយសន្ដិភាព វឌ្ឍនភាព និងអភិវឌ្ឍន៍ប្រកបដោយចីរភាព។

ឯកឧត្តម អគ្គនាយក អគ្គនាយកដ្ឋានភស្ដុភារ-ហិរញ្ញវត្ថុក្រសួងការពារជាតិ បន្ដថាជំនាញហិរញ្ញវត្ថុគ្រប់កងឯកភាពត្រូវផ្សព្វផ្សាយប្រាក់បៀវត្សដល់យុទ្ធជន យុទ្ធនារី បានដឹងពី ប្រាក់បៀវត្សរបស់ពួកគេ ។ត្រូវបន្ដធ្វើបណ្ណបើកប្រាក់បៀវត្សប្រចាំឆ្នាំ២០១៦ចាប់ពី ខែមករា ដល់ខែមីនា និងចាប់ពីខែមេសា ទៅប្រាក់បៀវត្សត្រូវដំឡើងថ្មីទៀតតាមឋានន្ដរស័ក្ដិមុខងាររបស់យោធិន ។ឆ្នាំបន្ដទៅមុខទៀតរហូតដល់ឆ្នាំ២០១៨ប្រាក់បៀវត្សពលទោតិចបំផុត១លានរៀល ។ក្នុងឱកាសនោះឯកឧត្តមក៏បានឆ្លើយនូវសំណូមពរដែលទាក់ទងទៅនឹងថវិកា សាងសង់អគារស្នាក់នៅជាដើមជូនមន្ដ្រីជំនាញហិរញ្ញវត្ថុ ជ្រាបផងដែរ ៕