ព័ត៌មាន

កិច្ច​ប្រ​ជុំលេខាធិការ GBC ក​ម្ពុជា -ថៃ លើក​ទី១១
នាយកដ្ឋានព័ត៌មាន(១)
621
133
         កិច្ច​ប្រ​ជុំក្រុម​លេខាធិការ​នៃគ​ណៈក​ម្មាធិការ​ព្រំដែន​ទូទៅ ក​ម្ពុជា-ថៃ GBC បាន​ប្រ​ព្រឹត្ត​ទៅ៣ថ្ងៃ ពីថ្ងៃទី២៨ ដ​ល់ ថ្ងៃទី៣១ ខែម​ក​រា ឆ្នាំ២០១៦ ក្នុង​ទីក្រុង​បាង​ក​ក​នៃព្រះរាជាណាច​ក្រ ថៃ ដោយ​មាន​ការ​ចូល​រួម​ពីក្រុម​លេខាធិការ GBC ក​ម្ពុជាដឹក​នាំដោយ ឯកឧត្ត​ម នាយឧត្ត​ម​សេ​នីយ៍ នាង ផាត រ​ដ្ឋ​លេខាធិការ​ក្រ​សួង​ការ​ពារ​ជាតិ នៃព្រះរាជាណាច​ក្រ​ក​ម្ពុជា និង​ជាប្រ​ធាន ក្រុម​លេខាធិការ GBC ក​ម្ពុជា និង​ក្រុម​លេខាធិការ GBC ថៃដឹក​នាំដោយ ឯកឧត្ត​ម ឧត្ត​ម​សេនីយ៍ឯក អនុសាក់ ពៅណាក់ (Anusak Poanak) នាយ​ទីចាត់ការ​ព្រំដែន​និង​ជាប្រ​ធាន​ក្រុម លេខាធិការ​នៃគ​ណៈក​ម្មាធិកាព្រំដែន GBC ។
        កិច្ច​ប្រ​ជុំក្រុម​លេខាធិការ GBC ក​ម្ពុជា-ថៃ ពេល​នេះផ្តោត​យ៉ាង​សំខាន់លើផែន​ការ​ណ៍ប្រុង​ប្រៀប​ស​ម្រាប់កិច្ច​ប្រ​ជុំគ​ណៈក​ម្មាធិការ​ព្រំដែន​ទូទៅ ក​ម្ពុជា - ថៃ លើក​ទី ១១ ដែល​គ្រោង​នឹង​ប្រ​ព្រឹត្ត​ទៅនៅព្រះរាជាណាច​ក្រ​ថៃនាពេល​ដ៏ឆាប់ខាង​មុខ​ដោយ​បាន​ពិនិត្យ​ពិភាក្សានិងឯក​ភាព​លើឯក​សារ​សំខាន់ៗចំនួន៥៖
        ១. ព​ង្រៀង​រ​បៀប​វារៈ នៃកិច្ច​ប្រ​ជុំគ​ណៈក​ម្មាធិការ​ព្រំដែន​ទូទៅ ក​ម្ពុជា -ថៃ លើក​ទី១១
        ២. ព​ង្រៀង​កិច្ច​ព្រ​ម​ព្រៀង នៃកិច្ច​ប្រ​ជុំគ​ណៈក​ម្មាធិការ​ព្រំដែន​ទូទៅ ក​ម្ពុជា -ថៃ លើក​ទី១១
        ៣. ព​ង្រៀង​ប​ញ្ហាពិភាក្សាចំនួន ១៧ចំណុច នៃកិច្ច​ប្រ​ជុំគ​ណៈក​ម្មាធិការ​ព្រំដែន​ទូទៅ ក​ម្ពុជា -ថៃ លើក​ទី១១
        ៤. ព​ង្រៀង​សេច​ក្តីប្រ​កាស​រួម នៃកិច្ច​ប្រ​ជុំគ​ណៈក​ម្មាធិការ​ព្រំដែន​ទូទៅ ក​ម្ពុជា -ថៃ លើក​ទី១១
        ៥. ព​ង្រៀង​រ​បាយ​ការ​ណ៍វ​ឌ្ឍ​នៈភាព នៃកិច្ច​ប្រ​ជុំគ​ណៈក​ម្មាធិការ​ព្រំដែន​ទូទៅ ក​ម្ពុជា -ថៃ លើក​ទី១១
        ជាល​ទ្ធ​ផ​ល​នៃកិច្ច​ប្រ​ជុំលេខាធិការ នៃគ​ណៈក​ម្មាធិការ​ព្រំដែន​ទូទៅ ក​ម្ពុជា-ថៃ GBC លើក​ទី១១នេះពិត​ជាបាន​ចូល​រួម​ចំណែក​ដោះស្រាយ​ប​ញ្ហាទាំង​ឡាយ​នៅតាម​ប​ណ្តោយ​ព្រំដែន និង​ប​ញ្ហាមួយ​ចំនួន​ទៀត​ដែល​កំពុង​ទ​ទួល​បាន​នូវ​ការ​យ​ក​ចិត្ត​ទុក​ដាក់នាពេល​ប​ច្ចុប្ប​ន្ន​ដូច​ជា ការ​ព​ង្រឹង​កិច្ច​ស​ហ​ប្រ​តិប​ត្តិការ​រ​វាង​ក​ង​ទ័ព​នៃប្រ​ទេស​ទាំង​ពីរ​លើវិស័យ​ស​ន្តិសុខ​និង​ការ​ថែរ​ក្សាស​ន្តិភាព​តាម​តំប​ន់ព្រំដែន ប​ញ្ហាប្រ​យុទ្ធ​ប្រ​ឆាំងអំពើភារ​វ​ក​ម្ម ប​ញ្ហាឧក្រិដ្ឋ​ក​ម្ម​មិន​ប្រ​ពៃ ប​ញ្ហាស​ន្តិសុខ​លំហ​រ​ស​មុទ្រ ប​ញ្ហាគ្រោះម​ហ​ន្ត​រាយ​ធ​ម្ម​ជាតិ ប​ញ្ហាស​ហ​ប្រ​តិប​ត្តិការ​លើ វិស័យ​ផ្សេងៗទៀត​ក្នុង​គោល​បំណ​ង​លើក​ក​ម្ព​ស់ប​ញ្ហាជីវ​ភាព​រ​ប​ស់ប្រ​ជាព​ល​រ​ដ្ឋ​នៃប្រ​ទេស​យើង​ទាំង​ពីរឲ្យ​កាន់តែប្រ​សើរ​ឡើង​ថែម​មួយ​កំរិត​ទៀត ។
        កិច្ច​ប្រ​ជុំក្រុម​លេខាធិការ GBC បាន​ប្រ​ព្រឹត្ត​ទៅប្រ​ក​ប​ដោយ​ប​រិយាកាស​មិត្ត​ភាព និង​ស្និត​ស្នាល​ដែល​នេះប​ង្ហាញឲ្យ​ឃើញ​ថែម​ទៀត​នូវ​ការ​ព​ង្រឹង​ទំនាក់ទំន​ង​ជិត​ស្និត​និង​កិច្ច​ស​ហ​ប្រ​តិប​ត្តិការ​ល្អរ​វាង​ក​ង​ទ័ព​នៃប្រ​ទេស​យើង​ទាំង​ពីរ​ក្នុង​ការ​រួម​ចំណែក​ក​សាង​ស្ថេរ​ភាព ស​ន្តិភាព​ដើម្បីប្រ​យោជ​ន៍ដ​ល់វ​ឌ្ឍ​ន​ភាព​រ​ប​ស់ប្រ​ជាព​ល​រ​ដ្ឋ​យើង​ទាំង​ពីរ​ដែល​រ​ស់នៅតាម​ប​ណ្តោយ ព្រំដែន​ជាពិសេស​ក៏ជាចំណែក​មួយ​នៃការ​ប្តេជ្ញាចិត្ត​ក្នុង​ការ​ព​ង្រឹង​ក​សាង និង​ប្រែក្លាយ​តំប​ន់ព្រំដែន​នៃប្រ​ទេស​យើង​ទាំង​ពីរឲ្យ​ទៅជាតំប​ន់មាន​ស​ន្តិភាព ស្ថេរ​ភាព ស​ហ​ប្រ​តិប​ត្តិការ​និង ការអភិវ​ឌ្ឍ​ន៍ ។ ជាមួយ​គ្នានេះដែរ​ភាគីថៃក៏បានឯក​ភាព​ទ​ទួល​ធ្វើជាម្ចាស់ផ្ទះនៃកិច្ច​ប្រ​ជុំគ​ណៈក​ម្មាធិការ​ព្រំដែន​ទូទៅ ក​ម្ពុជា -ថៃ GBC លើក​ទី១១ នៅ ខែមិនា ឆ្នាំ២០១៦ ខាង​មុខ​នេះ ៕

អត្ថបទថ្មីៗ

សេចក្តីប្រកាស

សារជូនពរ

វីដេអូ