ឯកឧត្តម នាយឧត្តមសេនីយ៍ មាស សាវ៉ន ជូនពរឆ្នាំថ្មីអនុព័ន្ធយោធាវៀតណាមប្រចាំកម្ពុជា - ព័ត៌មានក្នងស្រុក

ព័ត៌មាន

ឯកឧត្តម នាយឧត្តមសេនីយ៍ មាស សាវ៉ន ជូនពរឆ្នាំថ្មីអនុព័ន្ធយោធាវៀតណាមប្រចាំកម្ពុជា

          ឯកឧត្តម នាយឧត្តមសេនីយ៍ មាស សាវ៉ន ជូនពរឆ្នាំថ្មីអនុព័ន្ធយោធាវៀតណាមប្រចាំកម្ពុជាកាលពីរសៀលថ្ងៃទី០២ ខែកុម្ភះ ឆ្នាំ២០១៦ ឯកឧត្តម នាយឧត្តមសេនីយ៏ មាស សាវ៉ន អគ្គនាយក អគ្គនាយកដ្ឋាន យោធសេវាក្រសួងការពារជាតិ បានដឹកនាំគណៈប្រតិភូក្រោមឱវ៉ាទមួយក្រុមអញ្ជើញទៅសួរសុខទុក្ខ និងសំណេះសំណាលជូនពរក្នុងឱកាសថ្ងៃបុណ្យចូលឆ្នាំថ្មីប្រពៃណីវៀតណាម ដែលនឹងឈានចូលមកដល់នាពេលខាងមុខនេះនៅស្នាក់ការអនុព័ន្ធយោធាវៀតណាមប្រចាំព្រះរាជាណាចក្រកម្ពុជា។ ក្នុងឱកាសនោះ ឯកឧត្តម នាយឧត្តមសេនីយ៏ មាស សាវ៉ន ជួសមុខឲ្យនាយនិងពលទាហានក្នុងអគ្គនាយកដ្ឋានយោធសេវា បានថ្លែងនូវការដឹងគុណយ៉ាងជ្រាលជ្រៅចំពោះរាល់ការជួយឧបត្ថម្ភរបស់បក្ស រដ្ឋាភិបាល កងទ័ពប្រជាជនវៀតណាមដល់កម្ពុជានិងនិយាយដោយឡែករាល់កិច្ចជួយជ្រោមជ្រែងរបស់វៀតណាមដល់កងយោធពលខេមរភូមិន្ទនាពេលកន្លងមក។
         ឯកឧត្តម ក៏បានធ្វើការរំលឹកឡើងវិញពីគុណូបការៈដ៏ធំធេង ពីសំណាក់កងទ័ពប្រជាជនវៀតណាមក្រោយពេលដែលប្រទេសជាតិបានរំដោះទាំងស្រុងពីរបបប្រល័យពូជសាសន៍បាន ផ្តល់លទ្ឋភាពប្រកបដោយប្រសិទ្ឋភាពខ្ពស់សម្រាប់កងទ័ពនិងប្រជាជនកម្ពុជាក្នុងកិច្ចការពារបូរណភាពទឹកដីនិងអភិវឌ្ឍន៍លើគ្រប់វិស័យសម្រាប់ពេលបច្ចុប្បន្ននិងនាពេលអនាគត។ដោយឡែកកងយោធពលខេមរភូមិន្ទក្រោមការជួយបណ្តុះបណ្តាលផ្នែកធនធានមនុស្សព្រមទាំងជំនួយឧបត្ថម្ភផ្សេងៗទៀតដែលធ្វើឡើងជាបន្តបន្ទាប់ពីសំណាក់កងទ័ពប្រជាជនវៀត ណាមបានបង្កលក្ខណៈសម្បត្តិប្រកបដោយសមត្ថភាពឲ្យដល់កងយោធពលខេមរភូមិន្ទសម្រេចបានជោគជ័យក្នុងកិច្ចការពារជាតិមាតុភូមិ។
        ជាកិច្ចឆ្លៀយតបលោក វ/ឯក ង្វៀន អាញ់យុង ប្រធានអនុព័ន្ធយោធាវៀតណាមប្រចាំនៅកម្ពុជាបានថ្លែងនូវការអរគុណចំពោះ ឯកឧត្តម នាយឧត្តមសេនីយ៏ មាស សាវ៉ន និងប្រតិភូ ដែលបានអញ្ជើញមកជូនពរនាឱកាសនេះព្រមទាំងបានវាយតម្លៃខ្ពស់ពីកម្រិតឈានឡើងនូវដំណើរកិច្ចសហប្រតិបត្តិការរវាងប្រជាជននិងកងទ័ពប្រទេសទាំងពីរកម្ពុជា-វៀតណាម។ក្នុង ឱកាសថ្ងៃបុណ្យចូលឆ្នាំថ្មីប្រពៃណីវៀតណាមដែលនឹងឈានចូលមកដល់នាពេលខាងមុខនេះលោកក៏បានជូនពរដល់ខ.ភ.មទូទាំងប្រទេសឲ្យជួបតែនឹងសេចក្ដីសុខគ្រប់គ្នាផងដែរ៕