នាវាកងទ័ពជើងទឹកចិនបីគ្រឿងមកដល់កំពង់ផែស្វ័យតខេត្តព្រះសីហនុ - ព័ត៌មានក្នងស្រុក

ព័ត៌មាន

នាវាកងទ័ពជើងទឹកចិនបីគ្រឿងមកដល់កំពង់ផែស្វ័យតខេត្តព្រះសីហនុ

    នាព្រឹកថ្ងៃទី២២ ខែកុម្ភៈ ឆ្នាំ២០១៦ នាវាកងទ័ពជើងទឹកនៃកងទ័ពរំដោះប្រជាជនចិនចំនួន០៣ គ្រឿងក្នុងនោះរួមមាននាវាទី១ ជាប្រភេទនាវាចំបាំងឈ្មោះ លីវចូវ (Liuzhou) លេខ ៥៧៣ មានទម្ងន់៤១០០តោន បណ្តោយប្រវែង ១៣៥ម និងទទឹង១៦ម នាវាទី២ ជាប្រភេទនាវាចំបាំងឈ្មោះ សាន់ យ៉ា (SanYa) លេខ៥៧៤ ទម្ងន់ ៤១០០តោន បណ្តោយប្រវែង ១៣៥០ម និងទទឹង ១៦ម និងនាវាទី៣ ឈ្មោះ ឈីងហាយហ៊ូ ( Qinghaihu) លេខ៨៨៥ ទម្ងន់ ៣៧៣០០តោន ប្រវែង១៩២ម និងទទឹង ២៥.៥ម ព្រមទាំងនាវឹកចំនួន៧៣៧នាក់ បានចូលចតនិងបោះយុថ្កានៅកំពង់ផែស្វ័យតខេត្តព្រះសីហនុ។
   ការមកដល់របស់នាវាកងទ័ពជើងទឹកនៃកងទ័ពរំដោះប្រជាជនចិនទាំងបីគ្រឿងពេលនេះគឺជាដំណើរទស្សនកិច្ចផ្លូវការមួយសំដៅជម្រុញលើកកម្ពស់កិច្ចសហប្រតិបត្តិការរវាងកងទ័ពនៃប្រទេសទាំងពីរ កម្ពុជា-ចិន លើវិស័យហ្វឹកហ្វឺនរួមគ្នាផ្នែកកងទ័ពជើងទឹក ។
   ក្នុងឪកាសនោះផងដែរ ឯកឧត្តម នាយឧត្តមសេនីយ៍ ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ក៏បានអញ្ជើញទស្សនកិច្ចនាវាកងទ័ពជើងទឹករំដោះប្រជាជនចិននៅកំពង់ផែស្វ័យតខេត្តព្រះសីហនុ ដែលនៅទីនោះ ឯកឧត្តម ឧបនាយករដ្ឋមន្រ្តី ទៀ បាញ់ ត្រូវបានទទួលបដិសណ្ឋារកិច្ចយ៉ាងកក់ក្តៅពីឯកឧត្តម ឧត្តមនាវិទោ យ៊ូ មីងជាង (Yumingjiang) នាយសេនាធិការងនៃកងនាវា ETG 573 ព្រមទាំងវត្តមានលោកជំទាវ ពុ ចៀនហ្គ័ (Bujianguo) ឯកអគ្គរដ្ឋទូតវិសមញ្ញ និងពេញសមត្ថភាពនៃសាធារណៈរដ្ឋប្រជាមានិតចិនប្រចាំនៅព្រះរាជាណាចក្រកម្ពុជាផងដែរ ៕