ឯកឧត្តមនាយឧត្តមសេនីយ៍មាស.សាវ៉នចុះទៅផ្សព្វផ្សាយការងារអប់រំចិត្តសាស្រ្តនៅកងពលតូចអន្តរាគមន៍លេខ៦ - ព័ត៌មានក្នងស្រុក

ព័ត៌មាន

ឯកឧត្តមនាយឧត្តមសេនីយ៍មាស.សាវ៉នចុះទៅផ្សព្វផ្សាយការងារអប់រំចិត្តសាស្រ្តនៅកងពលតូចអន្តរាគមន៍លេខ៦

កងទ័ពត្រូវតែគោរពវិន័យអោយបានល្អនិងត្រូវហានធ្វើពលិកម្មគ្រប់បែបយ៉ាងដើម្បីការពារបូរណភាពទឹកដីអោយបានគង់វង្សនិងការពារសន្តិសុខជូនប្រជាពលរដ្ឋរសើនៅអោយបានប្រសើរ។នេះជាការលើកលើងរបស់ឯកឧត្តម នាយឧត្តមសេនីយ៍ មាស សាវ៉ន អគ្គនាយកអគ្គនាយកដ្ឋានយោធសេវាក្រសួងការពារជាតិក្នុងឪកាសដែលឯកឧត្តមបានដឹកនាំក្រុមការងារអប់រំចិត្តសាស្រ្តចុះទៅផ្សព្វផ្សាយការងារអប់រំចិត្តសាស្រ្តនិងអំពីសភាពការណ៍វិវត្តន៍ថ្មីៗអោយដល់នាយទាហាននាយទាហានរងចំនួន១២១៥ដែលកំពង់បំពេញភារកិច្ចនៅនៅវរសេនាតូច២៧៤ក្នុងកងពលតូចអន្តរាគមន៍លេខ៦ស្ថិតនៅទិសទី២ឃុំត្រពាំងប្រសាទស្រុកត្រពាំងប្រសាទខេត្តឧត្តរមានជ័យកាលពីពេលថ្មីៗកន្លងទៅនេះ។គោលបំណងនៃលារផ្សព្វផ្សាយគឺដើម្បីលើកកំពស់ការងារអប់រំសត្តិអារម្មណ៍នយោបាយចិត្តសាស្រ្តពង្រឹងសីលធម៌វិន័យ ដល់កងទ័ពអោយមានឆន្ទះមោះមុតក្នុងការបំពេញភារកិច្ចជូនជាតិមាតុភូមិអោយសំរេចជោគជ័យ។នៅក្នុងពិធីផ្សព្វផ្សាយនោះបន្ទាប់ពី ឯកឧត្តម ឧត្តមសេនីយ៍ទោ ឈុំខេង មេបញ្ជាការកងពលតូចអន្តរាគមន៍
លេខ៦បានឡើងថ្លែងសន្ទរកថាស្វាគមន៍រួចមក ឯកឧត្តម មាស សាវ៉ន បានពន្យល់អំពីការវិវត្តន៍ នៃដំណើរការកំណែទម្រង់របស់កងយោធពលខេមរភូមិន្ទគ្រប់ជំនាន់កន្លងមក រហូតមកដល់ពេលបច្ចុបន្ននេះខភមកាន់តែមានការវិវត្តន៍រីចំរើនទៅមុខធានារាប់រងបាននូវភារកិច្ចការពារសន្តិសុខការពារបូរណភាពទឹកដីការជួយសង្គ្រោះគ្រោះមហន្តរាយនិងចូលរួមតំណើរការអភិវឌ្ឍន៍ប្រទេសជាតិ។ឯកឧត្តម មាស សាវ៉ន បានបញ្ជាក់ថា៖ ដោយអនុវត្តតាមគោលនយោបាយឈ្នះឈ្នះរបស់សម្តេចតេជោ ហ៊ុនសែន បានធ្វើអោយមានការបង្រួបបង្រួមជាតិក្នុងនោះកំលាំង ខ្មែរក្រហមបានធ្វើសមារហកម្មចូលមករួមរស់ក្នុងសង្គមជាតិយើងវិញធ្វើអោយប្រទេសជាតិមានសុខសន្តិភាពនិងមានការអភិវឌ្ឍន៍លើគ្រប់វិស័យមកដល់សព្វថ្ងែនេះ។បច្ចុបន្បន្នប្រទេសកម្ពុជាមានឈ្មោះល្បីរន្ទឺលើឆាកអន្តរជាតិតាមរយៈកងយោធពលខេមរភូមិន្ទដែលបានចេញទៅបេសសកកម្មថែរក្សាសន្តិភាពរបស់អង្គការសហប្រជាជាតិក្នុងរយៈពេល១០ឆ្នាំកន្លងមក។ឯកឧត្តម មាស សាវន បានរំលឹកឡើងវិញពីវីរភាពរបស់អតីតកងទ័ពប្រជាជនបដិវត្តកម្ពុជា ដែលបានតស៊ូប្រយុទ្ធហានបូជាជីវិតដើម្បីដណ្តើមបានមកវិញនូវសន្តិភាពប្រជាជនរស់នៅសុខដុមរមនាប្រទេសជាតិមានការអភិវឌ្ឍន៍។ក្នុងន័យនេះ ឯកឧត្តម មាស សាវ៉ន បានសង្កត់ធ្ងន់ថា៖ទំរាំមានថ្ងៃនេះដែលយើងទទួលបាននូវសន្តិភាពបរិបូរពេលនេះយើងត្រូវការពារនិងប្រឆាំងដាច់ខាតមិនអោយបុគ្គលឬពួកក្រុមណាមួយដែលមានបំណងធ្វើអោយប្រទេសជាតិធ្លាក់ទៅក្នុងភាពអន្តរាយវិញដូចកាលពីពេលមុនៗបានឡើយ។ដូច្នេះយើងទាំងអស់គ្នាជាកងយោធពលខេមរភូមិន្ទត្រូវប្តេជ្ញាការពារជាតិសាសនាព្រះមហាក្សត្រ,ការពាររដ្ឋធម្មនុញ្ញ,ការពាររាជរដ្ឋាភិបាលស្របច្បាប់និងភាពត្រឹមត្រូវស្របច្បាប់ ។
ឯកឧត្តម មាស សាវ៉ន ក៏បានលើកឡើងពីសភាពការណ៍វិវត្តន៍ជាតិនិងអន្តរជាតិដែលទាក់ទងទៅនិងនយោបាយសេដ្ឋកិច្ចសន្តិសុខដែលកំពង់តែមានការវិវត្តន៍ប្រែប្រួលទៅមុខជាលំដាប់ដើម្បីអោយនាយទាហានពលទាហានបានសឹក្សាស្វែងយល់។ជាចុងក្រោយ ឯ.ឧ មាស សាវន បានអំពាវនាវដល់នាយទាហានពលទាហានក្នុងកងពលលេខ៧បន្តយកចិត្តទុកដាក់ហ្វឹកហ្វឺនរៀនសូត្រយកចិត្តទុកដាក់លើការងារបង្កបង្កើនផលនិងកសាងអង្គភាពអោយបានរឹងមាំហើយត្រូវចូលរួមគោរពច្បាប់ចរ៉ាចរផ្លូវគោកអោយបានគ្រប់ៗគ្នា៕