រដ្ឋមន្ត្រីការពារជាតិអាស៊ានប្រារព្ធពិធីដាំដើមឈើនិងសម្ពោធពិព៌ណរូបថតដើម្បីរំលឹកខួប១០ឆ្នាំនៃកិច្ចប្រជុំរដ្ឋមន្ត្រីការពារជាតិអាស៊ាន - ព័ត៌មានក្នងស្រុក

ព័ត៌មាន

រដ្ឋមន្ត្រីការពារជាតិអាស៊ានប្រារព្ធពិធីដាំដើមឈើនិងសម្ពោធពិព៌ណរូបថតដើម្បីរំលឹកខួប១០ឆ្នាំនៃកិច្ចប្រជុំរដ្ឋមន្ត្រីការពារជាតិអាស៊ាន

នៅទីក្រុងវៀងចន្ទ័សាធារណរដ្ឋប្រជាធិបតេយ្យប្រជាមានិតឡាវបន្ទាប់ពីបានបញ្ចប់កិច្ចប្រជុំរដ្ឋមន្ត្រីការពារជាតិអាស៊ានលើកទី១០រួចមកនៅថ្ងៃទី២៦ខែឧសភារដ្ឋមន្ត្រីការជាតិ អាស៊ានទាំង១០ប្រទេសបានជួបជុំគ្នាប្រារព្ធពិធីដាំកូនឈើនៅក្នុងសាលាបណ្ឌិតសភាការពារជាតិកៃសនភំវិហាននៃកងទ័ពប្រជាជនឡាវដើម្បីរំលឹកខួប១០ឆ្នាំនៃកិច្ចប្រជុំរដ្ឋមន្ត្រីការជាតិអាស៊ានដែលបានចាប់តំណើរការកិច្ចប្រជុំនេះចាប់តាំងពីឆ្នាំ២០០៦មកនៅទីក្រុងកូឡាឡាំពួរប្រទេសម៉ាឡេស៊ី។ឯកឧត្តមឧត្តមសេនីយ៍ឯកចាន់សាម៉ន.ចាន់យ៉ាឡាតរដ្ឋមន្ត្រីក្រសួងការពារជាតិឡាវបានថ្លែងថា៖ការប្រារព្ធពិធីដាំដើមឈើនេះគឺដើម្បីរំលឹកខួប១០ឆ្នាំនៃកិច្ចប្រជុំរដ្ឋមន្ត្រិការពារជាតិអាស៊ានដែលក្នុងរយៈពេល១០ឆ្នាំនេះកិច្ចប្រជុំរដ្ឋមន្ត្រិការពារជាតិអាស៊ានADMMបាននាំមកនូវផលប្រយោជន៍ជាច្រើនក្នុងកាជំរុញកិច្ចសហប្រតិបត្តិការទ្វេភាគីនិងពហុភាគីជាមួយបណ្តាលរដ្ឋជាសមាជិកអាស៊ានទាំងអស់ក៏ដូចជាមួយបណ្តាលប្រទេសជាដៃគូរសន្ទនាក្នុងការកសាងទំនុកចិត្តធានាដល់ការរក្សាសន្តិភាពស្ថេរភាពក្នុងតំបន់និងការអភិវឌ្ឍន៍លើវិស័យផ្សេងៗ។ឯកឧត្តមបានចាត់ទុកការដាំដើមឈើរបស់រដ្ឋមន្ត្រីការពារជាតិអាស៊ាននៅក្នុងសាលាបណ្ឌិតសភាការពារជាតិកៃសនភំវិហាននាពេលនេះគឺជាព្រឹត្តិការប្រវត្តិសាស្ត្រសំរាប់កងទ័ពប្រជាជនឡាវក្នុងការពង្រឹងពង្រីកកិច្ចសហប្រតិបត្តិការជាមួយបណ្តាលប្រទេសអាស៊ាន ក៏ដូចជាការរួមចំណែកអភិវឌ្ឍន៍កងទ័ពប្រជាជនឡាវអោយកាន់តែមានការីចំរើនឡើងថែមទៀត ។
បន្ទាប់មកបណ្តាលរដ្ឋមន្ត្រីការពារជាតិអាស៊ានទាំង១០ប្រទេសក៏បានចូលរួមក្នុងពិធីកាត់ខ្សែ បូរសម្ពោធបើកពិពណ៌រូបថត ADMM ដែលបានប្រារព្ធធ្វើនៅក្នុងសារមន្ទីរកងទ័ពជើងគោកប្រជាជនឡាវ។ពិពណ៌រូបថតADMMនេះបានដាក់តាំងបង្ហាញនូវសកម្មភាពកិច្ចប្រជុំADMMចាប់តាំងពីការបើកកិច្ចប្រជុំលើកទី១នៅទីនៅទីក្រុងកូឡាឡាំពួរប្រទេសម៉ាឡេស៊ីក្នុងឆ្នាំ២០០៦ឆ្នាំរហូតដល់កិច្ចប្រជុំលើកទី១០ក្នុងឆ្នាំ២០១៦នៅប្រទេសឡាវ។ ដោយលែកប្រទេសកម្ពុជាដែលបានទទួលធ្វើជាម្ចាស់កិច្ចប្រជុំADMMលើកទី៦នៅក្នុងឆ្នាំ២០១២ក៏បានដាក់តាំងបង្ហាញរូបថតនៅក្នុងពិពណ៌នោះដែល។បច្ចុបន្បន្ននៅសល់តែប្រទេសហ្វីលីពីនមួយប៉ុណ្ណោះដែលត្រូវទទួលធ្វើជាម្ចាស់ផ្ទះរៀបចំកិច្ចប្រជុំADMMលើកទី១១ដែលនឹងប្រព្រឹត្តទៅនៅក្នុងឆ្នាំ២០១៧ខាងមុខនេះ។ឯកឧត្តមឧត្តមសេនីយ៍ឯកចាន់សាម៉ន.ចាន់យ៉ាឡាតរដ្ឋមន្ត្រីក្រសួងការពារជាតិឡាវបានថ្លែងថា៖ពិពណ៌រូបថតខួប១០ឆ្នាំនៃកិច្ចប្រជុំADMMនេះបានបង្ហញអោយឃើញនូវការប្តេជ្ញាចិត្តរបស់អាស៊ានក្នុងការកសាងសហគមន៍មួយដើម្បីនាំមកនូវសន្តិភាពស្ថេរភាពនិងការអភិវឌ្ឍន៍ ។