ឯ.ឧនាយឧត្តមសេនីយ៏មាស.សាវ៉នអប់រំចិត្តសាស្ត្រផ្សព្វផ្សាយសភាពការណ៍ថ្មីៗនៅ នៅទីបញ្ជាការដ្ឋានកងទ័ពជើងទឹក - ព័ត៌មានក្នងស្រុក

ព័ត៌មាន

ឯ.ឧនាយឧត្តមសេនីយ៏មាស.សាវ៉នអប់រំចិត្តសាស្ត្រផ្សព្វផ្សាយសភាពការណ៍ថ្មីៗនៅ នៅទីបញ្ជាការដ្ឋានកងទ័ពជើងទឹក

ដើម្បីកំណត់នូវទស្សនៈសតិអារម្មណ៏របស់ខ.ភ.មឲ្យស្របតាមរដ្ឋធម្មនុញ្ញក៏ដូចជាគោល នយោបាយរបស់រាជរដ្ឋាភិបាលនិងគោរពឲ្យបាននូវច្បាប់បទវិន័យនិងបទបញ្ជារបស់កងទ័ពឲ្យបានល្អប្រសើរ។នៅទីបញ្ជាការដ្ឋានកងទ័ពជើងទឹកនាថ្ងៃទី១៦ខែមិថុនាឆ្នាំ២០១៦នេះ ឯ.ឧនាយឧត្តមសេនីយ៏មាស សាវ៉ន អគ្គនាយកអគ្គនាយកដ្ឋានយោធសេវាក្រសួងការពារជាតិបានអញ្ជើញធ្វើការ
ផ្សព្វផ្សាយការងារអប់រំចិត្តសាស្ត្រនិងសភាពការណ៍ថ្មីៗជូនដល់នាយនាវីពលនាវិកដែលចំណុះឲ្យទីបញ្ជាការដ្ឋានកងទ័ពជើងទឹកប្រមាណជាង៤រយនាក់។
មានប្រសាសន៏ទៅកាន់នាយនាវី.ពលនាវិកក្នុងឱកាសនោះ ឯ.ឧនាយឧត្តមសេនីយ៏ មាស សាវ៉ន បានតាងនាមរាជរដ្ឋាភិបាលនិងថ្នាក់ដឹកនាំក្រសួងការពារជាតិ,អគ្គមេបញ្ជាការនៃខ.ភ.មបានធ្វើការកោតសរសើរនិងវាយតំលៃខ្ពស់ចំពោះការខិតខំប្រឹងប្រែងបំពេញការងារជាប្រវត្តិសាស្រ្តក្នុងភារកិច្ចបំរើជាតិ,កសាងអង្គភាព,ហ្វឹកហ្វឺនកំលាំងព្រមទាំងបានចូលរួមជាមួយរាជរដ្ឋាភិបាលក្នុងការកសាងនិងអភិវឌ្ឍប្រទេសឱ្យមានការរីកចំរើនរបស់នាយនាវី.ពលនាវិកយើងនៅទីនេះកន្លងមក។ក្នុងឱកាសនោះផងដែរ ឯ.ឧ ក៏បានបញ្ជាក់ជូនដល់នាយនាវីនិងពលនាវិកទាំងអស់ជ្រាបផងដែរអំពីសភាពការណ៍ទូទៅនៅកម្ពុជាដែលកំពុងមានការវិវត្តន៏រីកចំរើនជាបន្តបន្ទាប់និងសភាពការណ៏ប្រែប្រួលថ្មីមួយចំនួនទាំងក្នុងប្រទេសក្នុងតំបន់និងសាកលលោកជាពិសេសសភាពការណ៏ជាតិដែលបានកើតឡើងកន្លងមកថ្មីៗនេះ។ឯ.ឧ បានរំលឹកឡើងវិញអំពីមានប្រវត្តិនៃការកកើតជាយូរមកហើយហើយឆ្លងកាត់ការបត់បែនសង្គមនិងមានការកែទំរង់ជាច្រើនដំណាក់កាលគិតចាប់តាំងពីតស៊ូទាមទារ ទទួលឯករាជ្យជាតិនាឆ្នាំ១៩៥៣មករហូតមកដល់បច្ចុប្បន្ននិងសភាពការណ៍វិវត្តន៍របស់ប្រទេសជាតិ នៅក្រោមការដឹកនាំ ដ៏ឈ្លាស់ និងប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជាដែលបានដាក់ចេញនូវនយោបាយឈ្នះឈ្នះធ្វើឲ្យប្រទេសជាតិ មានសុខ សន្តិភាពស្ថេរភាពនយោបាយ និងការអភិវឌ្ឍន៍រីកចម្រើនលើគ្រប់វិស័យ ទាំងវិស័យនយោបាយកាទូតសេដ្ឋកិច្ចអប់រំសុខាភិបាលនិងយោធា។ល។ ខ.ភ.ម គឺជាកម្លាំងស្នូល និងជាឆ្អឹងខ្នងដែលមិនអាចខ្វះបានក្នុងការចូលរួមចំណែក ការពារជាតិ កសាង និងអភិវឌ្ឍន៍ប្រទេសជាតិ។ចំពោះព្រឹត្តិការក្នុងប្រទេស កម្ពុជា ឯ.ឧនាយឧត្តមសេនីយ៏ មាស សាវ៉នបានលើកនូវបញ្ហាខ្លះៗ ដែល ត្រូវបានជនមួយចំនួនមាន បំណងយកមក បង្កចលនាវឹកវរតាមរយៈការធ្វើបាតុកម្មនានាប្រឆាំងនឹងរាជរដ្ឋាភិបាលកម្ពុជាស្រប ច្បាប់បច្ចុប្បន្នក្នុងគោលបំណងធ្វើការកេងចំណេញ ផ្នែកនយោបាយ ផងដែរ។ឯ.ឧនាយឧត្តមសេនីយ៏បានបន្តទៀតថា៖ក្នុងនាមខ.ភ.មគឺមានភារកិច្ចការពារជាតិសាសនាព្រះមហាក្សត្រនិងការពារបូរណភាពទឹកដី,សហការជាមួយស្ថាប័ននានាដើម្បីចូលរួមអភិវឌ្ឍន៏ប្រទេសបង្កើនកិច្ចសហ ប្រតិបត្តិការអន្តរជាតិ។ខ.ភមត្រូវចាំបាច់មានការហ្វឹកហ្វឺន បណ្ដុះបណ្តាល ធនធានមនុស្សជាប្រចាំ ដើម្បីពង្រឹងសមត្ថភាពការពារ ព្រំដែន,ទប់ស្កាត់និងបង្ក្រាបបទឧក្រឹដ្ឋឆ្លងដែននិង ប្រឆាំងអំពើភេរវកម្មនានា។ជាចុងក្រោយឯ.ឧបានជំរុញនិងលើកទឹកចិត្តដល់នាយនាវី.ពលនាវិកទាំងអស់ឲ្យបន្តចូលរួមថែរក្សាពង្រឹងសន្តិសុខសុវត្ថិភាពរបៀបរៀបរយសណ្តាប់ធ្នាប់សាធារណៈ រួមចំណែកកសាងភូមិ-ឃុំមានសុវត្ថិភាព ៕