ឯកឧត្តម ឧត្តមសេនីយ៍ទោ ចាន់
សារ៉ាន់ នាយករងទីចាត់ការព្រំដែន និងជានាយកសាលាការពារព្រំដែនបានថ្លែងសុន្ទរកថាស្វាគមន៏ចំពោះគណៈប្រតិភូ ក្រសួងការពារជាតិដែលបានឆ្លៀតឱកាសដ៏មមាញឹកចុះមកអប់រំចិត្តសាស្ត្រនិងបានផ្សព្វផ្សាយសភាពការណ៏ថ្មីៗក្នុងពេលនេះ។ ឆ្លៀតឱកាសនោះផងដែរ ឯកឧត្តម ក៏បានលើកអំពីលទ្ធផលនៃការបណ្ដុះបណ្ដាលរបស់សាលារហូតមកដល់ពេលនេះដែលសាលាមានភារកិច្ចហ្វឹកហ្វឺនលើការពារព្រំដែន ការងារកសាងអង្គភាព បង្កបង្កើនផល ចិញ្ចឹមសត្វ និងការងារអប់រំចិត្តសាស្ត្រជាដើម
។
មានប្រសាសន៏ទៅកាន់សិក្ខាកាមក្នុងឱកាសនោះ ឯកឧត្តម នាយឧត្តមសេនីយ៏ នាង ផាត បានតាងនាមរាជរដ្ឋាភិបាលនិងថ្នាក់ដឹកនាំក្រសួងការពារជាតិ អគ្គបញ្ជាការនៃ
ខ.ភ.ម បានធ្វើការកោតសរសើរនិងវាយតំលៃខ្ពស់ចំពោះការខិតខំប្រឹងប្រែងបំពេញ ការងារជាប្រវត្តិសាស្រ្តក្នុងភារកិច្ចបំរើជាតិ កសាងអង្គភាព ហ្វឹកហ្វឺនកំលាំងព្រមទាំងបានចូលរួមជាមួយរាជរដ្ឋាភិបាលក្នុងការកសាងនិងអភិវឌ្ឍប្រទេសឲ្យមានការរីកចំរើនរបស់នាយពលទាហានក្នុងសាលាការពារព្រំដែនយើងនៅទីនេះកន្លងមក។
ក្នុងឱកាសនោះផងដែរ ឯកឧត្តម រដ្ឋលេខាធិការបានបញ្ជាក់ជូនដល់សិក្ខាកាមទាំងអស់ឲ្យជ្រាបផងដែរអំពីសភាពការណ៏ថ្មីៗនៅលើសាកលលោកមានការបត់ បែន ចំរូងចំរាស់ដែលពុំទាន់ដោះស្រាយបានជាពិសេសការប្រកួតប្រជែងខាងសេដ្ឋកិច្ច ពាណិជ្ជកម្ម និងវិនិយោគ។ ការដណ្ដើមភូមិសាស្ត្រដែលសំបូរធនធានធម្មជាតិ ជំលោះសង្គ្រាមស៊ីវិល ជំលោះទឹកដី គំរាមដោយអំពើភេរវកម្ម បញ្ហាអាវុធនុយក្លេអ៊ែរ និងគ្រោះធម្មជាតិ ។ ល ។ ដែលបាននឹងកំពុងកើតឡើងនៅក្នុងតំបន់អឺរ៉ុប តំបន់មជ្ឈឹមបូព៌ា តំបន់អាស៊ីប៉ាស៊ីហ្វិក និងតំបន់អាស៊ីអាគ្នេយ៏ហើយថ្មីៗនេះវិបត្តិនៃការដកខ្លួនរបស់ចក្រភពអង់គ្លេសពីសហភាពអឺរ៉ុប បញ្ហាប្រទេសស៊ីរី ទួរគី បញ្ហាជនភៀសខ្លួន។ ដោយឡែកសមាគមន៏អាស៊ានកំពុងប្រឈមនឹងការមានបណ្ដាញភេវរកម្ម ការធ្វើអន្តោប្រវេសន៏ សន្តិសុខដែនសមុទ្រ បញ្ហាសមុទ្រចិនខាងត្បូងដែលជាការដណ្ដើមតួនាទីរបស់ប្រទេសមហាអំណាចក្នុងតំបន់។ ចំពោះព្រឹត្តិការក្នុងប្រទេសកម្ពុជាក្រោមការដឹកនាំដ៏ត្រឹមត្រូវរបស់រាជរដ្ឋាភិបាលដែលមានសម្តេចតេជោ ហ៊ុន សែន ជាប្រមុខនៅតែបន្តការរក្សានូវសន្តិសុខ និងស្ថេរភាពនយោបាយសង្គមរួមជាមួយនឹងការអភិវឌ្ឍន៏ឥតឈប់ឈរទោះបីមានជន អគតិមួយចំនួនមានបំណងបំផ្លាញសមិទ្ធិផលទាំងនេះតាមរយៈធ្វើបដិវត្តន៏ពណ៌ក៏ដោយ។ ឯកឧត្តម នាយឧត្តមសេនីយ៏ នាង ផាត បានបញ្ជាក់បន្តទៀតថា៖តួនាទីស្នូលរបស់ ខ.ភ.ម គឺមានភារកិច្ចការពារជាតិ សាសនា ព្រះមហាក្សត្រ និងការពារបូរណភាពទឹកដី សហការជាមួយស្ថាប័ននានាដើម្បីចូលរួមអភិវឌ្ឍន៏ប្រទេស បង្កើនកិច្ចសហប្រតិបត្តិការអន្តរជាតិ។ ខ.ភ.មត្រូវចាំបាច់មានការហ្វឹកហ្វឺនបណ្ដុះបណ្តាលធនធានមនុស្សជាប្រចាំដើម្បីពង្រឹងសមត្ថភាពការពារព្រំដែន ទប់ស្កាត់ និងបង្ក្រាបឧក្រឹដ្ឋឆ្លងដែននិងប្រឆាំង អំពើភេរវកម្មនានា។ ឯកឧត្តម ក៏បានផ្ដាំផ្ញើរត្រូវជំរុញនិងលើកទឹកចិត្តដល់នាយនិងពលទាហានទាំងអស់ឲ្យបន្តចូលរួមថែរក្សាពង្រឹងសន្តិសុខសុវត្ថិភាពរបៀបរៀបរយ សណ្តាប់ធ្នាប់សាធារណៈរួមចំណែកកសាងភូមិឃុំមានសុវត្ថិភាព បន្តជម្រុញលើកកម្ពស់ការងារហ្វឹកហ្វឺនបណ្តុះបណ្តាលបំប៉នជំនាញផ្សេងៗនិងបង្កើនការយកចិត្តទុកដាក់បំផុតលើការងារសតិអារម្មណ៍និងអប់រំចិត្តសាស្ត្រផ្សព្វផ្សាយច្បាប់និងបទដ្ឋាន គតិ យុត្តនានា។ជម្រុញការងារបង្កបង្កើនផលរបស់បណ្តាកងឯកភាពដើម្បីបំពេញការហូបចុកលើកកម្ពស់ជីវភាពរស់នៅរបស់កងទ័ពនិងគិតគូពីសុខមាលភាពរបស់កងទ័ពឲ្យបានល្អ។ ការចូលរួមអនុវត្តនូវប្រពៃណីល្អនិងគោរពលក្ខន្ដិកៈរបស់ខ្លួនជាខ.ភ.ម ឲ្យបានខ្ជាប់ខ្ជួនបន្ថែមទៀតនិងត្រូវចេះថែរក្សាសម្ភារៈយោធបិក្ខាគ្រឿងបំពាក់៕
