ឯកឧត្តម នាយឧត្តមសេនីយ៍ នាង ផាត ជួបអនុព័ន្ធយោធាសាធារណរដ្ឋកូរ៉េតែតាំងថ្មី - ព័ត៌មានក្នងស្រុក

ព័ត៌មាន

ឯកឧត្តម នាយឧត្តមសេនីយ៍ នាង ផាត ជួបអនុព័ន្ធយោធាសាធារណរដ្ឋកូរ៉េតែតាំងថ្មី

ក្នុងជំនួបសន្ទនារវាងអនុព័ន្ធយោធាសាធារណរដ្ឋកូរ៉េចាស់.ថ្មីកាលពីព្រឹកថ្ងៃទី២ ខែសីហា លោកវរសេនីយ ឯក យូន បើន ជី អនុព័ន្ធយោធាសាធារណរដ្ឋកូរ៉េតែងតាំងថ្ចីបានសន្យាថានឹងបន្តព្រឹងកិច្ចសហប្រតិបតិ្តរវាងកងទ័ពទាំង២ កម្ពុជា និងសាធារណរដ្ឋកូរ៉េអោយបានកាន់តែប្រសើរឡើងថែមទៀត។
លោកវរៈសេនីយឯក ជី (GI) បានថ្លែងដូចនេះក្នុងឱកាសដែលលោកបានចូលជួបសំដែងការគួរសមជាមួយ ឯ.នាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ។ ចំណែកឯលោក វរៈសេនីយ៍ឯក ជុង យឿង ចាង អនុព័ន្ធយោធាកូរ៉េចប់អាណត្តិ បានថ្លែងអំណរគុណដល់ក្រសួងការពារជាតិ និងខ.ភ.ម ដែលបានជួយសំរបសំរួលឧបត្ថមគាំទ្រដល់ដំណើរការបំពេញបេសកកម្មការទូតរបស់លោកទទួលបានជោគជ័យនៅកម្ពុជា។ លោកវរៈសេនីយ៍ឯក អនុព័ន្ធយោធាកូរ៉េចប់អាណត្តិ បានវាយតម្លៃខ្ពស់ចំពោះកិច្ចសហប្រតិបត្តិការលើវិស័យការពារជាតិ រវាងកងទ័ពប្រទេសទាំង២ ដែលមានការវិវត្តន៍រីកចំរើនទៅមុខជាលំដាប់ ហើយតាមរយៈជំនួបនេះលោកក៏បានសុំការគាំទ្រអោយមាន MOU រវាងកងទ័ពទាំង២ ដើម្បីពង្រឹងកិច្ចសហប្រតិបត្តិការលើគ្រប់វិស័យរវាងកងទ័ពទាំង២អោយកាន់តែមានការរីកចំរើនបន្ថែមទៀត។
មានមតិឆ្លើយតបវិញ ឯ. នាង ផាត ក្នុងនាមឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានកោតសរសើរ និង វាយតម្លៃខ្ពស់ចំពោះស្នាដៃលោកវរៈសេនីយឯក ជុង យឿង ចាង អនុព័ន្ធយោធាសាធារណរដ្ឋកូរ៉េចប់អាណត្តិ ដែលបានបំពេញបេសកកម្មការទូតនៅកម្ពុជា នាំមកនូវកិច្ចសហប្រតិបត្តិការយ៉ាងល្អប្រសើរជាមួយ ខ.ភ.ម ក្នុងរយៈពេល២ឆ្នាំកន្លងមកនេះ ។ ឯ. នាង ផាតបានបញ្ជាក់៖ កម្ពុជាបានសំដេងការអបអរសាទរចំពោះកិច្ចសហប្រតិបត្តិការដ៏ល្អ រវាងកងទ័ពនៃប្រទេសទាំង២ ដែលក្នុងនោះនារយៈពេលកន្លងមកកងទ័ពប្រទេសទាំង២កម្ពុជា និងសាធារណរដ្ឋកូរ៉េបានធ្វើសមយុទ្ធរួមគ្នាដែលទាក់ទងនឹកកិច្ចសហប្រតិបត្តិការថែរក្សាសន្តិភាព P.K.O ឆ្លៀតក្នុងឱកាសនោះ ឯ.រដ្ឋលេខាធិការ ក៏បានថ្លែងអំណរគុណចំពោះការយកចិត្តទុកដាក់របស់រដ្ឋាភិបាល ក៏ដូចជាប្រជាជនកូរ៉េចំពោះសិស្ស និស្សិតផង ពលករកម្ពុជាដែលបានទៅសិក្សារៀនសូត្រ និងធ្វើការងារនៅសាធារណរដ្ឋកូរ៉េ។ ឯ. នាង ផាត បានសំដែងនូវក្តីសង្ឃឹមថា អនុព័ន្ធយោធាសាធារណរដ្ឋកូរ៉េតែងតាំងថ្មី និងបន្តពង្រឹងកិច្ចសហប្រតិបត្តិការរវាងក្រសួងការពារជាតិប្រទេសទាំង២ កងទ័ពទាំង២អោយកាន់តែមានការរីកចំរើន និងរឹងមាំបន្ថែមទៀត។