ឯ.ឧ នាយឧត្តមសេនីយ៏ គន់ គីម ទទួលថវិការពីក្រុមហ៊ុន ណាហ្គាវើល - ព័ត៌មានក្នងស្រុក

ព័ត៌មាន

ឯ.ឧ នាយឧត្តមសេនីយ៏ គន់ គីម ទទួលថវិការពីក្រុមហ៊ុន ណាហ្គាវើល

ទឹកប្រាក់ចំនួន ១៣០ពាន់៧៩៣ ដុល្លាសហរដ្ឋអាមេរិក ត្រូវបានក្រុមហ៊ុនណាហ្គាវើលប្រគល់ ជូនចំពោះសមាគមអតីតយុទ្ធជនកម្ពុជាដែលអញ្ជើញទៅទទួលដោយឯ.ឧនាយឧត្តម សេនីយ៏ គន់ គីម អគ្គលេខាធិការសមាគមអតីតយុទ្ធជនកម្ពុជាព្រមទាំងមានការចូលរួមពីសំណាក់ ឯ.ឧ ក្នុងជួរសមាជិកគណៈអចិន្ត្រៃយ៏នៃគណៈ កម្មាធិការកណ្ដាលសមាគមអតីតយុទ្ធជនកម្ពុជាជា ច្រើនរូប ទៀតផង ។
          លោក តាន់ ស្រ៊ីដាទុក ដុកទ័រ ចិន លីបគង់ អគ្គនាយយក ក្រុមហ៊ុនណាហ្គាវើល បាន សំដែងនូវការដឹងគុណចំពោះអតីតយុទ្ធជនកម្ពុជាយើង ដែលកន្លងមកបានយកអស់កំលាំង កាយចិត្ត និងហ៊ានបូជាជីវិតដើម្បីបុព្វហេតុការពារជាតិការពារទឹកដី និងប្រជាជនមិនឲ្យសត្រូវ ចូលរំលោភនិងឈ្លានពានបូរណភាពទឹកដី ព្រមទាំងរក្សាបាននូវសុខសន្តិភាពស្ថេរភាពសង្គម ដើម្បីប្រជាជនបានរស់នៅក្នុងសុខសន្តិភាពរហូតមកដល់ពេលនេះ។ លោកបានបន្តទៀតថា៖ ទោះបីថវិការពេលនេះមានតិចតួចស្តួចស្តើងក្ដីតែក្រុមហ៊ុនរបស់លោកនឹងខិតខំជួយគាំទ្រដល់ សមាគមអតីតយុទ្ធជនកម្ពុជាយើងបន្តទៅទៀតនៅថ្ងៃខាងមុខ ។លោកអគ្គនាយកបានបន្តឲ្យ ដឹងទៀតថា ៖ ក្រុមហ៊ុនកន្លងមកបានចូលរួមធ្វើកិច្ចការសង្គម និង មនុស្សធម៌ជាច្រើនទៀតគឺ ក្នុងន័យចូលរួមចំណែកកសាងកម្ពុជាមួយឲ្យមានការអភិវឌ្ឍន៏និងរីកចំរើន ។
       ក្នុងឱកាសនោះ ឯ.ឧ នាយឧត្តមសេនីយ៏ គន់ គីម អគ្គលេខាធិការ សមាគមអតីតយុទ្ធជន កម្ពុជា និងអតីតយុទ្ធជនទាំងអស់តាងនាមសម្តេចតេជោហ៊ុន សែន បានថ្លែងអំណរគុណដល់ ក្រុមហ៊ុនណាហ្គាវើលដែលមានចិត្តសប្បុរសផ្តល់ថវិការដើម្បីជួយទ្រទ្រង់និងគាំទ្រដល់សមាគម អតីតយុទ្ធជនកម្ពុជានា ពេលនេះ ។ នេះបញ្ជាក់ឲ្យឃើញថា គឺជាការជួយដល់អតីតយុទ្ធជន យើងដែល បន្ទាប់ពីបានបញ្ចប់ភារកិច្ច ការពារជាតិនិងមាតុភូមិរួចមក យុទ្ធជនរបស់យើងខ្លះ រស់នៅមានជីវភាពលំបាក, យុទ្ធជនខ្លះត្រូវបាត់បង់សមត្ថភាពធ្វើពលកម្ម ហើយខ្លះទៀតមាន ទទួលនូវការពិការជាដើម ។ ទាំងនេះហើយ រាជរដ្ឋាភិបាល ដែលមានសម្តេចតេជោហ៊ុន សែន នាយករដ្ឋមន្រ្តីជាប្រមុខតែងតែគិតគូរដល់សុខទុក្ខរបស់បងប្អូនអតីតយុទ្ធជនយើងជាប្រចាំ ។ ឯ.ឧ បានបន្តទៀតថា៖ ថ្ងៃនេះក្រុមហ៊ុន ណាហ្គាវើល បានចូលរួមជួយរំលែក នូវការលំបាក របស់រាជរដ្ឋាភិបាលក៏ដូចជាបានជួយក្នុងការលើកស្ទួយដល់ ជីវភាពអតីតយុទ្ធជនកម្ពុជាឲ្យ មានជីវភាពរុងរឿងទៅថ្ងៃអនាគតផងដែរ ។ ឯ.ឧ អគ្គលេខាធិការ បានបញ្ជាក់ឲ្យដឹងទៀតថា ៖ ចំពោះថវិការចំនួន ១២ ម៉ឺនដុល្លាសហរដ្ឋអាមេរិក សមាគមនឹងយកទៅសាងសង់ផ្ទះចំនួន ៣០ ខ្នងសំរាប់ផ្ដល់ជូនដល់អតីតយុទ្ធជន និងគ្រួសារដែលក្រីក្រខ្វះផ្ទះសំបែង ហើយចំពោះថវិការ ចំនួន ៣ម៉ឺន៧រយ៩៣ដុល្លាទៀតសមាគមនឹងយកទៅបំរើលើការងារឃោសនា ដើម្បីឲ្យសាធា រណជនដឹងអំពីសកម្មភាពរបស់ សមាគមអតីតយុទ្ធជនកម្ពុជា ។
       បន្ទាប់មកគណៈប្រតិភូសមាគមអតីតយុទ្ធជនកម្ពុជា ក៏បានអញ្ជើញចុះទៅទស្សនាផ្សារ ក្រោមដីរបស់ ក្រុមហ៊ុនណាហ្គាវើល ដែលផ្សារនេះជាការវិនិយោគរវាងក្រុមហ៊ុន រដ្ឋរបស់សា ធារណរដ្ឋប្រជាមានិតចិន ជាមួយក្រុមហ៊ុនណាហ្គាវើល ដែលនឹងមានការតាំងលក់នូវមុខ ទំនិញឈ្មោះល្បីៗនៅលើពិភពលោក ៕