ឯកឧត្តមនាយឧត្តមសេនីយ៏នាង.ផាតសួរសុខទុក្ខយោធភូមិភាគទី១ក្នុងឱកាសចូលឆ្នាំថ្មី - ព័ត៌មានក្នងស្រុក

ព័ត៌មាន

ឯកឧត្តមនាយឧត្តមសេនីយ៏នាង.ផាតសួរសុខទុក្ខយោធភូមិភាគទី១ក្នុងឱកាសចូលឆ្នាំថ្មី

ឯ.ឧនាយឧត្តមសេនីយ៏នាង.ផាតរដ្ឋលេខាធិការក្រសួងការពាជាតិមានការអមដំណើរដោយឯ.ឧអគ្គនាយករង,នាយកនាយកដ្ឋានចំណុះក្រសួងការពារជាតិជាច្រើនរូបទៀត បានអញ្ជើញទៅសំណេះសំណាលនិងសួរសុខទុក្ខដល់នាយនិងពលទាហានចំណុះឲ្យយោធភូមិភាគទី១,កងកំលាំងវិស្វកម្មអគ្គបញ្ជាការធ្វើផ្លូវព្រំដែនឡាវ,ធ្វើផ្សារខេត្តស្ទឹងត្រែងនិងកងរាជអាវុធហត្ថខេត្តស្ទឹងត្រែងព្រមទាំងបាននាំយកអំណោយរបស់ក្រសួងការពារជាតិទៅចែកជូនក្នុងឱកាសពិធីបុណ្យចូលឆ្នាំថ្មីប្រពៃណីខ្មែរនាពេលខាងមុខនេះដែរ។
បន្ទាប់ពីមានការថ្លែងស្វាគមន៏របស់ឯ.ឧឧត្តមសេនីយ៏ឯកហួត.ឈាងមេបញ្ជាការយោធភូមិភាគទី១លើការរីកចំរើនរបស់យោធភូមិភាគរួចមកមានប្រសាសន៏សំណេះសំណាល ជាមួយនាយទាហាននិងពលទាហានក្នុងឱកាសនោះក្នុងឱកាសនោះឯ.ឧនាយឧត្តមសេនីយ៏នាង.ផាតបានពាំនាំនូវការសាកសួរសុខទុក្ខពីសំណាក់ឯ.ឧនាយឧត្តមសេនីយ៏ទៀ បាញ់.ឧបនាយករដ្ឋមន្រ្តីរដ្ឋមន្ត្រីក្រសួងការពារជាតិពិសេសសម្ដេចប្រធានរដ្ឋសភានិងសម្តេចនាយករដ្ឋមន្ត្រីដែលសម្តេចតែងតែគិតគូរដល់សុខទុក្ខនាយនិងពលទាហានព្រមទាំងក្រុមគ្រួសាររបស់បងប្អូនយោធិនគ្រប់ពេលវេលា។ឯ.ឧនាយឧត្តមសេនីយ៍នាង.ផាតក៏បានជូនពរដល់នាយនិងពលទាហានយោធភូមិភាគទី១និងក្រុមគ្រួសារសូមឲ្យវិញ្ញាក្ខ័ន្ធបុព្វការីជនវីរយុទ្ធជនដែលបានទៅកាន់លោកខាងមុខតាមថែរក្សាបងប្អូនក្នុងឱកាសពិធីចូលឆ្នាំថ្មីប្រពៃណីជាតិខ្មែរឲ្យជួបប្រទះតែនឹងសេចក្ដីសុខសេចក្ដីចំរើនតរៀងទៅ។ឯ.ឧ រដ្ឋលេខាធិការបានថ្លែងនូវការកោតសរសើរដល់យោធភូមិភាគទី១ដែលខិតខំរក្សាបាននូវប្រៀបការពារជាតិបានខិតខំកសាងអង្គភាព ,ហ្វឹកហ្វឺនកំលាំងឲ្យដល់នាយនិងពលទាហានរបស់ខ្លួនជាប់ជាប្រចាំព្រមទាំងបានចូលរួមជាមួយរាជរដ្ឋាភិបាលក្នុងការកសាងនិងអភិវឌ្ឍប្រទេសឱ្យមានការរីកចំរើន។ឯ.ឧនាង.ផាតបានបញ្ជាក់ថា៖ក្រោមការដឹកនាំដ៏ឈ្លាសវៃនិងប៉ិនប្រសប់របស់សម្តេចតេជោហ៊ុន.សែននាយករដ្ឋមន្ត្រីនៃព្រះរាជាណាចក្រកម្ពុជាបានបង្ហាញថាកម្ពុជានាពេលបច្ចុប្បន្ននៅតែបង្ហាញពីភាពរឹងមាំហ្មត់ចត់ ក្នុងការពង្រឹងស្ថេរភាពនយោបាយសន្តិសុខសណ្ដាប់ធ្នាប់សង្គមធានាបាននូវប្រក្រតីនៃជីវភាពរស់នៅរបស់ប្រជាជននេះជាការឆ្លុះបញ្ចាំងឲ្យឃើញពីស្មារតីទទួលខុសត្រូវខ្ពស់ចំពោះឧត្តមប្រយោជន៏ជាតិ របស់ថ្នាក់ដឹកនាំយើង។ឯ.ឧ.នាយឧត្តមសេនីយ៏ក៏បានលើកអនុសាសន៏របស់សម្តេច តេជោដែលបានថ្លែងថា៖ក្នុងនាមខ.ភ.មត្រូវការពារឯករាជ្យអធិបតេយ្យបូរណភាពទឹកដីធ្វើទំនាក់ទំនងល្អជាមួយប្រទេសជិតខាងប្រទេសនានាក្នុងតំបន់និងពិភពលោកដើម្បីបង្កើនទំនុកចិត្តគ្នានិងដើម្បីពង្រឹងសន្តិភាព។ពង្រឹងសន្តិសុខសណ្ដាប់ធ្នាប់សង្គមខិតខំកំចាត់ចោលក្រុមប្លន់ប្រដាប់អាវុធក្រុមជួញដូរមនុស្សជួញដូរគ្រឿងញៀនពង្រឹងការអនុវត្តនយោបាយភូមិ-ឃុំមានសុវត្ថិភាព។ត្រូវធានាមិនឲ្យមានអំពើភេរវកម្មកើតមានឡើងនៅលើទឹកដីកម្ពុជាដើម្បីចំណែកទាក់ទាញភ្ញៀវទេសចរណ៏និងវិនិយោគមកកាន់កម្ពុជា។អំណោយរបស់ក្រសួងការពារជាតិដែលបានយកទៅចែកជូនក្នុងឱកាសនោះរួមមាន៖មី១០០កេះ,ស្រាបៀរ១៥០កេះ,ទឹកក្រូច២៥០កេះនិងថវិការ២៥លានរៀល សំរាប់ចែកជូននាយនិងពលទាហានយោធភូមិភាគ,កងកំលាំងវិស្វកម្មអគ្គបញ្ជាការធ្វើផ្លូវព្រំដែនឡាវទទួលបានថវិការ៥លាន៣៣ម៉ឺន,មី៣៦កេះ,ស្រាបៀរ៤៤កេះនិងទឹកក្រូច៣០កេះ។កងកំលាំងវិស្វកម្មអគ្គបញ្ជាការធ្វើផ្សារទទួលបានថវិការ១លាន៤៦ម៉ឺនរៀល,មី១០កេះ,ស្រាបៀរ១២កេះនិងទឹកក្រូច១០កេះកងរាជអាវុធហត្ថខេត្តទទួលបានថវិការចំនួន១លាន៥០ម៉ឺនក្នុងឱកាសចូលឆ្នាំថ្មីផងដែរ៕