ឯកឧត្តម នាយឧត្តមសេនីយ៏ មាស សាវ៉ន ជួបសំណេះសំណាលជាមួយប្រតិភូស្នងការឃោនាអប់រំនៃកងទ័ពប្រជាជនវៀតណាម - ព័ត៌មានក្នងស្រុក

ព័ត៌មាន

ឯកឧត្តម នាយឧត្តមសេនីយ៏ មាស សាវ៉ន ជួបសំណេះសំណាលជាមួយប្រតិភូស្នងការឃោនាអប់រំនៃកងទ័ពប្រជាជនវៀតណាម

តបតាមការអញ្ជើញរបស់ អគ្គនាយកដ្ឋាន យោធសេវា ក្រសួងការពារជាតិនៃព្រះរាជាណាចក្រកម្ពុជានារសៀលថ្ងៃទី១៧ខែឧសភាឆ្នាំ២០១៧គណៈប្រតិភូស្នងការឃោនាអប់រំនៃកងទ័ពប្រជាជនវៀតណាមដឹកនាំដោយ ឯ.ឧ ឧ/ត្រី ង្វៀន ហ្វឿងយានអនុប្រធានស្នងការឃោនាអប់រំបានមកបំពេញទស្សនកិច្ចនៅព្រះរាជាណាចក្រកម្ពុជារយៈពេល៣ថ្ងៃគឺគិតចាប់ពីថ្ងៃទី ១៧ ដល់ ថ្ងៃទី ១៩ ខែ ឧសភា ឆ្នាំ ២០១៧។
ក្នុងដំណើរបំពេញទស្សនកិច្ចរបស់គណៈប្រតិភូ ស្នងការឃោនាអប់រំនៃកងទ័ពប្រជាជនវៀតណាមនាឱកាសនេះគឺក្នុងគោលបំណងនាំមកនូវការពង្រឹងនិងពង្រីកសាមគ្គីភាព មិត្តភាពនិងកិច្ចសហប្រតិបត្តិការរវាងកងទ័ពទាំង២ កម្ពុជា-វៀតណាម អោយកាន់តែរឹង មាំថែមទៀត។
គណៈប្រតិភូស្នងការឃោនាអប់រំ នៃកងទ័ពប្រជាជនវៀតណាមដឹកនាំដោយ ឯ.ឧ ឧ/ត្រី ង្វៀន ហ្វឿងយាន អនុ ប្រធានស្នងការឃោនាអប់រំបានចូលជួបពិភក្សាការងារជាមួយ ឯ.ឧ នាយឧត្តមសេនីយ៍ មាស សាវ៉ន អគ្គនាយក អគ្គ នាយកដ្ឋានយោធសេវា ក្រសួងការពារជាតិដើម្បីពិភក្សាការងារក្នុងការ បង្កើនកិច្ចសហប្រតិបត្តិការ រវាងកងទ័ពទាំង ២ ប្រទេស ពិសេសកិច្ចសហប្រតិបត្តិការរវាងអគ្គនាយកដ្ឋានយោធសេវាក្រសួងការពារជាតិ និងស្នងការ ឃោនាអប់រំ នៃកងទ័ព ប្រជាជនវៀតណាម នាព្រឹកថ្ងៃទី១៨ ខែឧសភា ឆ្នាំ ២០១៧ នៅអគ្គ នាយកដ្ឋានយោធសេវា ក្រសួងការពារជាតិ។
ក្នុងដំណើរបំពេញទស្សនកិច្ចរបស់គណៈប្រតិភូ រយៈពេល ៣ ថ្ងៃនេះ គណៈប្រតិភូនឹងមានកម្មវិធីទស្សនកិច្ចនៅព្រះបរមរាជវាំង,និងព្រះវិហារព្រះកែវមរកត៕