ឯ.ឧ មាស សាវ៉ន ផ្សព្វផ្សាយផែនការណែនាំស្តីពីការរៀបចំបំផុសចលនាផ្នែកនិពន្ធអក្សរសិល្ប៏សិល្បៈ - ព័ត៌មានក្នងស្រុក

ព័ត៌មាន

ឯ.ឧ មាស សាវ៉ន ផ្សព្វផ្សាយផែនការណែនាំស្តីពីការរៀបចំបំផុសចលនាផ្នែកនិពន្ធអក្សរសិល្ប៏សិល្បៈ

ដើម្បីអបអរសាទរខួបអនុស្សាវរីយ៏លើកទី៥០ថ្ងៃបង្កើតទំនាក់ទំនងការទូតកម្ពុជា.វៀតណាម២៤ មិថុនា ១៩៦៧ , ២៤ មិថុនា ២០១៧ និងអនុវត្តន ៏តាម ពិធីសារកិច្ចសហប្រតិបត្តិការរវាងក្រសួងការពារជាតិនៃប្រទេសទាំង២ កម្ពុជា,វៀតណាម ប្រចាំឆ្នាំ ២០១៧ នេះ អគ្គនាយកដ្ឋានយោធសេវា ក្រសួង ការពារជាតិ បានដាក់ចេញនូវផែនការណែនាំ ស្តីពីការ រៀបចំ បំផុស ចលនា ផ្នែកនិពន្ធ អក្សរសិល្ប៏ សិល្បក្នុងនោះមានការនិពន្ធរឿងខ្លី ចំរៀង គំនូរ រូបថត និងភាពយន្តឯកសារ នូវទូទាំងខ.ភ.ម ។
           ឯ.ឧ នាយឧត្តមសេនីយ៏ មាស សាវ៉ន អគ្គនាយកអគ្គនាយកដ្ឋាន យោធសេវា ក្រសួងការពារជាតិបានបញ្ជាក់ក្នុងការណែនាំឲ្យដឹងថា ៖ ក្រោមប្រធាន បទ ( ចំណងយុទ្ធសាមគ្គីភាពប្រទេសទាំង៣ កម្ពុជា. វៀតណាម.ឡាវ) រាល់ ខ្លឹមសារស្នាដៃបទនិពន្ធទាំងអស់ត្រូវលើកកោតសរសើរនូវយុទ្ធសាមគ្គីភាពរវាង ប្រទេសទាំង៣ ក្នុងការរួមគ្នាប្រឆាំងនឹងបរទេសឈ្លានពាន ក៏ ដូចបុព្វហេតុកសាង និងការពារមាតុភូមិ ។រាល់ ខ្លឹម សារ ត្រូវ លើក ឡើង នូវការកោតសរសើរប្រពៃណីដ៏រុងរឿងនៃចំណងយុទ្ធសាមគ្គីភាព ចំណងអន្តរ ជាតិជ្រាលជ្រៅ ស្មោះស្ម័គ្រ ផ្សារភ្ជាប់របស់កងទ័ព និងប្រជាជន ប្រទេសទាំង ៣ ។ ឯ.ឧ បានបន្តទៀតថា៖ប្រភេទនៃការបំផុសចលនាមានស្នាដៃ ៥ ប្រភេទគឺ៖ផ្នែកអក្សរសិល្ប៍ជាស្នាដៃនិពន្ធរឿងខ្លី ដែលជារឿងពិត របស់បុគ្គល ឬ អង្គភាព ដោយមិនចំលងស្នារដៃអ្នកដទៃ ។ ផ្នែកចម្រៀង ជាបទថ្មី មានបទភ្លេងនិងបទចំរៀងគ្រប់គ្រាន់ សរសេរច្បាស់លាស់ ។ ផ្នែកគំនូរ ៖ ជាគំនូរផ្សព្វផ្សាយ ច្នៃប្រឌឹតថ្មីមិនចំ លងតាមគំនិត អ្នកដទៃ ឬស្នាដៃគំនូររបស់អ្នកផ្សេងៗ។ ផ្នែករូបថត ៖ រាល់ស្នាដៃ និពន្ធគឺរូបភាពបែបពត៌មាន ឬរូបភាពសិល្បៈ ជាស្នាដៃថ្មី ស្មោះត្រង់ ច្បាស់លាស់ ត្រូវតាមខ្លឹមសារដោយមិនចំលងតាមស្នាដៃអ្នកដទៃ ។
ផ្នែកភាពយន្តឯកសារ មានខ្លឹមសារសមស្របជាមួយប្រធានបទ អាចតាក់តែង ម្នាក់ ឬក៏ជាក្រុម ដោយគ្មានពាក់ព័ន្ធនឹងកម្មសិទ្ធិ បញ្ញារបស់ អ្នកដទៃឡើយ ។
             ឯ.ឧ មាស សាវ៉ន បានបញ្ជាក់ថែមទៀតថា៖ ចំពោះមុខសញ្ញាចូលរួម គឺយោធិននៃ ខ.ភ.ម និងអតីតយុទ្ធជនទាំងអស់ មិនថាជាអ្នកនិពន្ធជំនាញ ឬមិនជំនាញឡើយ ។ សមាជិកគណៈកម្មាការបំផុសចលនា ឬអនុគណៈកម្មាការ បច្ចេកទេស ត្រូវបានអនុញ្ញាត្តឲ្យចូលរួមផងដែរ ។ ហើយចំពោះសមាជិកណាដែលមានស្នាដៃ បទនិពន្ធ គឺមិនបានអនុញ្ញាតឲ្យចូលរួមធ្វើការពិនិត្យ និង វាយតំលៃស្នាដៃខ្លួនឯងឡើយ ។
       ឯ.ឧ ក៏បានឲ្យដឹងទៀតថា៖គណៈកម្មាការរៀបចំបំផុសចលនារបស់ ក្រសួង ការពារជាតិ ត្រូវបាន បង្កើតឡើងដើម្បីចាត់តាំងបំផុសចលនា និងធ្វើ ការត្រួតពិនិត្យវាយតំលៃបឋម ជ្រើសរើសស្នាដៃដែលល្អឆ្នើម ចំនួន ១០ ស្នាដៃ ក្នុងប្រភេទនីមួយៗនិងបញ្ជូនបន្តដើម្បីធ្វើការត្រួត ពិនិត្យ វាយតំលៃដើម្បីប្រកាសជ័យលាភីចុងក្រោយ ៕