ឯ.ទៀ បាញ់ ចុះពិនិត្យលើកចុងក្រោយការរៀបចំរំលឹកខួប ៤០ឆ្នាំ ព្រឹត្តិការណ៍ប្រវត្តិសាស្រ្តនៅស្រុកមេមុត - ព័ត៌មានក្នងស្រុក

ព័ត៌មាន

ឯ.ទៀ បាញ់ ចុះពិនិត្យលើកចុងក្រោយការរៀបចំរំលឹកខួប ៤០ឆ្នាំ ព្រឹត្តិការណ៍ប្រវត្តិសាស្រ្តនៅស្រុកមេមុត

ដើម្បីជំរុញអោយការរៀបចំទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត ដែលនិងប្រារព្ធធ្វើនៅក្នុងភូមិកោះថ្ម ឃុំទន្លូង ស្រុកមេមុត ខេត្តត្បូងឃ្មុំ អោយសំរេចបានលទ្ធផលល្អ កាលពីថ្ងៃទី១៧ ខែមិថុនា ឆ្នាំង២០១៧ ឯ.ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មការរៀបចំ បាន អញ្ជើញពិនិត្យ ទីតាំងកោះថ្មបច្ចុប្បន្នជាសាលាបឋមសិក្សា សម្តេច ហ៊ុន សែន កោះថ្ម ដែលទីនេះជាទីតាំងទី១ដែល សម្តេចតេជោ ហ៊ុន សែន បានចេញពីទីតាំងកោះថ្មឆ្ពោះទៅព្រំដែនកម្ពុជាវៀតណាម។
    នៅក្នុងឱកាសចុះពិនិត្យទីតាំងសាលាបឋមសិក្សា សម្តេច ហ៊ុន សែន កោះថ្មនេះ ឯ. ទៀ បាញ់ បានណែនាំដល់សមាជិកនៅតាមអនុគណៈកម្មការនីមួយៗ បន្តរៀបចំទីកន្លែងនេះអោយបានល្អស្របតាមកម្មវិធីដែលបានគ្រោងទុក។ បន្ទាប់មក ឯ. ទៀ បាញ់ និងសមាជិកគណៈកម្មការ សមាជិកអនុគណៈកម្មាការទាំងអស់បាបន្តដំណើរចុះទៅ ចំណុចព្រដែន អាងដាច់ ដែលជាចំណុចទី២ ច្រកឆ្លងកាត់ព្រំដែនឆ្ពោះទៅប្រទេសវៀតណាម។
    ឆ្លៀតក្នុងឱកាស ចុះពិនិត្យទី២ នាឱកាសនោះ ឯ. ទៀ បាញ់ ក៏បានចុះត្រួតពិនិត្យមើលការបោះបង្គោលព្រំដែន កម្ពុជា វៀតណាម ដែលក្រុមការងារបោះបង្គោលព្រំដែនកម្ពុជា វៀតណាមបានតំរង់សាងសង់ បង្គោលព្រំដែន រវាងប្រទេសទាំង២។ ឯ. ទៀ បាញ់ ក៏បានបញ្ជាក់ប្រាប់អ្នកសារព័ត៌មាននាឱកាសនោះដែលថា៖ បន្ទាប់ពីបានត្រួតពិនិត្យការបោះបង្គោលព្រំដែនកម្ពុជា វៀតណាមរួចមក ឯ. ទៀ បាញ់ ក៏បានចុះទៅត្រួតពិនិត្យចំណុចទី២ អាងដាច់ ជាចំណុចឆ្លងកាត់ព្រំដែន ដែលនៅទីនោះក៏បានទទួលការស្វាគមន៍ពី ឯកឧត្តម ចិន ដឺន អនុរដ្ឋមន្រ្តីក្រសួងការពារប្រទេសវៀតណាម ផងដែល។
    បន្ទាប់ពីបានត្រួតពិនិត្យនៅចំណុចទីតាំងទី២ ចំណុចឆ្លងកាត់ព្រំដែនរួចមក ឯ. ទៀ បាញ់ និងសមាជិកគណៈកម្មការរៀបចំទាំងអស់បានបន្តដំណើរចូលទៅក្នុងប្រទេសវៀតណាម ដើម្បីចុះត្រួតពិនិត្យកន្លែងរៀបចំទីតាំងលក់អាវុធ ទីតាំងជួបកម្មករចំការកៅស៊ូ និងទីតាំងនៅភូមិឡាំងជីន ដែលនៅទីនេះបានសាងសង់សារៈមន្ទីរមួយសំរាប់ ទុកឯកសារ ប្រវត្តសាស្ត្រ ដែលបានបន្សល់ទុកក្នុងរយៈពេល ៤០ឆ្នាំកន្លងមក