ឯកឧត្តម នាង ផាត ជួបសវនការជាមួយលោកវរសេនីយ៍ឯក ស៊ីត ម៉ូហាមាត់ រ៉ាហ៊្សា យូហានីន (SYED MUHAMMAD RAZA UI HANAIN) អនុព័ន្ធយោធាប៉ាគីស្ថាន
យើងត្រូវរួមគ្នាដើម្បីពង្រឹងសន្តិភាពស្ថេរភាពនៅក្នុងតំបន់ និងនៅក្នុងសកលលោករបស់យើង ជាពិសេស បញ្ហាប្រឈមនៃអំពើភេរវកម្ម និងបញ្ហាសន្តិសុខប្រពៃនិងមិនប្រពៃណី។ ឯ.ឧ នាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ បានមានប្រសាសន៍ដូចនេះ នៅក្នុងឱកាសទទួល ជួបសវនការ ជាមួយលោកវរសេនីយ៍ឯក ស៊ីត ម៉ូហាមាត់ រ៉ាហ៊្សា យូហានីន (SYED MUHAMMAD RAZA UI HANAIN) អនុព័ន្ធយោធាប្រទេសប៉ាគីស្ថានថ្មីប្រចាំព្រះរាជាណាចក្រកម្ពុជា ដែលមាននិវេសដ្ឋាននៅទីក្រុងបាងកក ចូលសម្តែងការគួរសម នាព្រឹកថ្ងៃទី២៧ ខែកុម្ភៈ នៅទីស្តីការក្រសួងការពារជាតិ។ឯ. នាង ផាត បានបញ្ជាក់ទៀតថា៖ នៅក្នុងតំបន់និងសកលលោកកំពុងប្រឈមបញ្ហាជាច្រើនណាស់ ជាពិសេសអំពើភេរវកម្ម។ កម្ពុជាបច្ចុប្បន្នមិនទាន់មានមែន ប៉ុន្តែយើងមានអង្គភាពប្រឆាំងភេរវកម្មរួចជាស្រេច ដើម្បីត្រៀមគ្រប់លក្ខណៈទាំងអស់សម្រាប់ប្រយុទ្ធប្រឆាំង ពីព្រោះយើងពុំដឹង ថាអំពើភេរវកម្មនេះវានឹងកើតឡើងនៅពេលណានិងនៅកន្លែងណាបានឡើយ។ ពាក់ព័ន្ធទៅនឹងការទទួលយកសិក្ខាកាម.ខ.ភ.ម ទៅបណ្តុះបណ្តាលនៅប៉ាគីស្ថាន និងពង្រឹងកិច្ចសហប្រតិបត្តិការកងទ័ពទាំងពីរនោះ, ឯ.ឧ រដ្ឋលេខាធិការ បានសុំឲ្យលោកវរសេនីយ៍ឯក ពិភាក្សាជាមួយនាយកដ្ឋានទំនាក់ទំនងអន្តរជាតិ និងធ្វើផែនការជាមួយគ្នា នឹង ឈានទៅធ្វើMOUសហការគ្នានាពេលខាងមុខជាបន្តទៀត។ ក្នុងនាមសម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ, ឯ.ឧ នាង ផាត បានសម្តែងនូវការស្វាគមន៍និង អរគុណ ចំពោះវត្តមានលោកអនុព័ន្ធយោធាប៉ាគីស្ថានថ្មីប្រចាំនៅកម្ពុជា និងបានជំរាបជូននូវកិច្ចសហប្រតិបត្តិការដ៏ល្អសម្រាប់ប្រទេសទាំងពីរ ប៉ាគីស្ថាននិងកម្ពុជា។ ឯ.ឧ បានចាត់ទុកថា វត្តមានរបស់លោកវរសេនីយ៍ឯក ពិតជាមានសារៈសំខាន់ព្រមទាំងនាំមកនូវការទំនាក់ទំនងកាន់តែល្អប្រសើ និងជិតស្និតថែមទៀតរវាងប៉ាគីស្ថាននិងកម្ពុជាតទៅអនាគត។ ឯ.ឧ នាង ផាត សំដែងនូវការគាំទ្រទាំងស្រុងនិងចូលរួមយ៉ាងពេញទំហឹងចំពោះគោលការណ៍ទាំងឡាយ ដែលលោកវរសេនីយ៍ឯក បានលើកឡើងលើកិច្ចសហប្រតិបត្តិការនៃកងទ័ពទាំងពីរ។ ឯ.ឧ រដ្ឋលេខាធិការ បាន គូសបញ្ជាក់ថា ប៉ាគីស្ថាននិងកម្ពុជា នៅមិនឆ្ងាយគ្នាទេ យើងត្រូវរួមគ្នាដើម្បីពង្រឹងសន្តិភាពស្ថេរភាពនៅក្នុងតំបន់របស់យើង។ក្នុងឱកាសនោះ លោកវរសេនីយ៍ឯក ស៊ីត ម៉ូហាមាត់ រ៉ាស៊ាន យូហានិន បានថ្លែងនូវអំណរគុណ ចំពោះឯ.ឧ នាង ផាត ដែលបានអនុញាតិទទួលជួបនាពេលនេះ និងបានថ្លែងនូវការកោតសរសើរចំពោះការវិវឌ្ឍរីកចម្រើនរបស់ព្រះរាជាណចក្រកម្ពុជា និង.ខ.ភ.ម នាពេលបច្ចុប្បន្ន។ លោកបានបញ្ជាក់ថា នឹងធ្វើសេចក្តីរាយការណ៍ទៅក្រសួងការពារជាតិប៉ាគីស្ថាន ជុំវិញសំណើររបស់កម្ពុជា។ ជាមួយគ្នានេះលោកបានគោរពអញ្ជើញថ្នាក់ដឹកនាំក្រសួងការពារជាតិកម្ពុជាទៅចូលរួមពិពណ៌កងទ័ពប៉ាគីស្ថាន និងបានស្នើសុំដល់កម្ពុជាធ្វើការស្នើសុំអគ្គមេបញ្ជាការកងទ័ពប៉ាគីស្ថានដើម្បីមកបំពេញទស្សនកិច្ចនៅកម្ពុជាផងដែរ៕
រូបភាពជូនវត្ថុអនុស្សាវរីយ៍រវាងឯកឧត្តម នាង ផាត និងលោកវរសេនីយ៍ឯក ស៊ីត ម៉ូហាមាត់ រ៉ាហ៊្សា យូហានីន (SYED MUHAMMAD RAZA UI HANAIN) អនុព័ន្ធយោធាប៉ាគីស្ថាន
រូបភាពប្រតិភូចូលរួមក្នុងសវនការរវាងឯកឧត្តម នាង ផាត និងលោកវរសេនីយ៍ឯក ស៊ីត ម៉ូហាមាត់ រ៉ាហ៊្សា យូហានីន (SYED MUHAMMAD RAZA UI HANAIN) អនុព័ន្ធយោធាប៉ាគីស្ថាន
ឯកឧត្តម នាង ផាត ជួបសវនការជាមួយលោកវរសេនីយ៍ឯក ស៊ីត ម៉ូហាមាត់ រ៉ាហ៊្សា យូហានីន (SYED MUHAMMAD RAZA UI HANAIN) អនុព័ន្ធយោធាប៉ាគីស្ថាន
រូបភាពអនុស្សាវរីយ៍រវាងឯកឧត្តម នាង ផាត និងលោកវរសេនីយ៍ឯក ស៊ីត ម៉ូហាមាត់ រ៉ាហ៊្សា យូហានីន (SYED MUHAMMAD RAZA UI HANAIN) អនុព័ន្ធយោធាប៉ាគីស្ថាន
